Փաստ ինֆո

Բրազիլիայում ընթացող ֆուտբոլի աշխարհի առաջնությունը, ինչպես երևում է, լրացնելու է մրցաշարի պատմության բաց էջերը: Նախօրեին տեսանք, թե ինչպես պատմության մեջ առաջին անգամ համաշխարհային ստուգատեսը սկսվեց ինքնագոլով, իսկ մրցակցային երկրորդ օրը ավելի մեծ անակնկալ մատուցեց:

Առաջին անգամ աշխարհի գործող չեմպիոնը տիտղոսի պաշտպանությունը սկսեց ջախջախիչ պարտությունից: Իսպանիայի հավաքականը գոնե վերջին տարիներին այդքան անզոր տեսք չէր ոնեցել: Վիսենտե դել Բոսկեի սաները պարտվեցին սկսնակների պես: Դա կոչվում է լիակատար ֆիասկո: Այլ կերպ դժվար է անվանել 1:5 հաշիվը, որն, ի դեպ, միանգամայն կարող էր լինել և 1:10: Ի դեպ, իսպանացիներն իրենց պատմության ամենախոշոր պարտությունը կրել են 1928 թվականի հունիսին՝ 1:7 հաշվով զիջելով Իտալիային:

Հաշվետու խաղում հոլանդացիներն ավելի քան վստահ ռևանշի հասան իսպանացիների նկատմամբ՝ աշխարհի 2010 թվականի առաջնության եզրափակիչ խաղում կրած պարտության դիմաց (0:1): Ինչ վերաբերում է գոլերին, ապա նշենք, որ 27-րդ րոպեին Խաբի Ալոնսոն 11-մետրանոց հարվածով առաջ մղեց «կարմիր ֆուրիային», բայց դրանից հետո գործի անցան հոլանդացիները: Աչքի ընկան Ռոբին վան Պերսին (45, 72), Արիեն Ռոբենը (53, 80) և Ստեֆան դե Ֆրեյը (65):

Իսկ, թե ինչպես էին «ծեծում» աշխարհի չեմպիոններին՝ կարող եք ծանոթանալ տեսանյութից: