Փաստ ինֆո

Բրազիլիայում կայանալիք ֆուտբոլի աշխարհի հերթական առաջնության եզրափակիչ փուլից առաջ «Փաստինֆո»-ն շարունակում է «Մեկնարկի շեմին» խորագրի ներքո ներկայացնել մասնակից 32 հավաքականների այցեքարտը:

Արդեն անդրադարձել ենք A (Բրազիլիա, Խորվաթիա, Մեքսիկա, Կամերուն), B (Իսպանիա, Հոլանդիա, Չիլի, Ավստրալիա), C (Կոլումբիա, Հունաստան, Կոտ դ’Իվուար, Ճապոնիա) D (Ուրուգվայ, Կոստա Ռիկա, Անգլիա, Իտալիա) խմբերում ընդգրկված թիմերին, իսկ E քառյակից՝ Շվեյցարիային ու Էկվադորին: Վերջին երկուսի մրցակիցներից են ֆրանսիացիները:

ՖՐԱՆՍԻԱ

Պետություն Արևմտյան Եվրոպայում: Մայրաքաղաքը՝ Փարիզ: Տարածքը՝ 674 հազար 685 քառակուսի կիլոմետր: Բնակչությունը՝ 65 մլն 951 հազար 611 մարդ: Պետական լեզուն՝ ֆրանսերեն:

Ֆրանսիայի հավաքականին կոչում են նաև «կապույտներ» և «եռագույններ»: Երկրի ֆուտբոլի ֆեդերացիան ՖԻՖԱ-ին անդամակցում է 1907 թվականից: Մարզազգեստի դասական գույներն են. շապիկը՝ կապույտ, կիսավարտիքը՝ կապույտ, գուլպաները՝ կապույտ:

Աշխարհի առաջնության եզրափակիչ փուլերին մասնակցել է 13 անգամ: Բարձրագույն նվաճումը՝ չեմպիոն (1998):

Վերջնական հայտացուցակ

ԴԱՐՊԱՍԱՊԱՀՆԵՐ. Յուգո Լորիս («Տոտենհեմ Հոթսփուրս», Անգլիա), Սթիվ Մանդանդա («Մարսել»), Միքայել Լանդրո («Բաստիա»):

ՊԱՇՏՊԱՆՆԵՐ. Մատյե Դեբյուշի («Նյուքասլ», Անգլիա), Լյուկա Դին («Պարի Սեն-Ժերմեն»), Պատրիս Էվրա («Մանչեսթեր Յունայթեդ», Անգլիա), Բակարի Սանյա («Արսենալ», Անգլիա), Լորան Կոսյելնի («Արսենալ», Անգլիա), Էլյակիմ Մանգալյա («Պորտու», Պորտուգալիա), Մամադու Սակո («Լիվերպուլ», Անգլիա), Ռաֆայել Վարան («Ռեալ», Իսպանիա):

ԿԻՍԱՊԱՇՏՊԱՆՆԵՐ. Բլեզ Մատյուիդի («Պարի Սեն-Ժերմեն»), Յոան Կաբայ («Պարի Սեն-Ժերմեն»), Կլեման Գրենյե («Լիոն»), Ռիո Մավուբա («Լիլ»), Պոլ Պոգբա («Յուվենթուս», Իտալիա), Մուսա Սիսոկո («Նյուքասլ», Անգլիա), Մատյե Վալբուենա («Մարսել»):

ՀԱՐՁԱԿՎՈՂՆԵՐ. Օլիվիե Ժիրու («Արսենալ», Անգլիա), Քարիմ Բենզեմա («Ռեալ», Իսպանիա), Ֆրանկ Ռիբերի («Բավարիա», Գերմանիա), Անտուան Գրիզման («Սոսիեդադի Ռեալ», Իսպանիա), Լոյիկ Ռեմի («Նյուքասլ», Անգլիա):

Գլխավոր մարզիչ՝ Դիդիե Դեշամ: