Փաստ ինֆո

Բրազիլիայում կայանալիք ֆուտբոլի աշխարհի հերթական առաջնության եզրափակիչ փուլից առաջ «Փաստինֆո»-ն շարունակում է «Մեկնարկի շեմին» խորագրի ներքո ներկայացնել մասնակից 32 հավաքականների այցեքարտը:

Արդեն անդրադարձել ենք A խմբում ընդգրկված Բրազիլիայի, Խորվաթիայի, Մեքսիկայի և Կամերունի հավաքականներին: Այժմ, հերթը B խմբինն է, որն, ըստ վիճակահանության, գլխավորում է աշխարհի և Եվրոպայի գործող չեմպիոն Իսպանիայի ընտրանին:
 
ԻՍՊԱՆԻԱ
 
Պետություն Պիրենեյան թերակղզում: Մայրաքաղաքը՝ Մադրիդ: Տարածքը՝ 504 հազար 782 քառակուսի կիլոմետր: Բնակչությունը՝ 47 մլն 370 հազար 542 մարդ: Պետական լեզուն՝ իսպաներեն:
 
Իսպանիայի հավաքականին կոչում են նաև «կարմիր ֆուրիա»: Երկրի ֆուտբոլի արքայական ֆեդերացիան ՖԻՖԱ-ին անդամակցում է 1913 թվականից: Մարզազգեստի դասական գույներն են. շապիկը՝ կարմիր (դեղին եզրագծերով), կիսավարտիքը՝ կապույտ, գուլպաները՝ կարմիր (դեղին եզրագծերով):
 
Աշխարհի առաջնության եզրափակիչ փուլերին մասնակցել է 13 անգամ: Բարձրագույն նվաճումը՝ աշխարհի չեմպիոն (2010):
 
Նախնական հայտացուցակ
 
ԴԱՐՊԱՍԱՊԱՀՆԵՐ. Իկեր Կասիլյաս («Ռեալ»), Պեպե Ռեյնա («Նապոլի», Իտալիա), Դավիդ դե Խեա («Մանչեսթեր Յունայթեդ», Անգլիա):

ՊԱՇՏՊԱՆՆԵՐ. Սեսար Ասպիլիկուետա («Չելսի», Անգլիա), Ժերար Պիկե («Բարսելոն»), Խորդի Ալբա («Բարսելոն»), Սերխիո Ռամոս («Ռեալ»), Դանիել Կարվախալ («Ռեալ»), Ալբերտո Մորենո («Սևիլյա»), Խավի Մարտինես («Բավարիա», Գերմանիա), Ռաուլ Ալբիոլ («Նապոլի», Իտալիա), Խուանֆրան («Ատլետիկո»):

ԿԻՍԱՊԱՇՏՊԱՆՆԵՐ. Սերխիո Բուսկետս («Բարսելոն»), Խավի («Բարսելոն»), Սեսկ Ֆաբրեգաս («Բարսելոն»), Անդրես Ինյեստա («Բարսելոն»), Խաբի Ալոնսո («Ռեալ»), Դիեգու Կոստա («Ատլետիկո»), Կոկե («Ատլետիկո»), Անդեր Իտուրասպե («Ատլետիկ»), Խեսուս Նավաս («Մանչեսթեր Սիթի», Անգլիա), Դավիդ Սիլվա («Մանչեսթեր Սիթի», Անգլիա), Սանտի Կասորլա («Արսենալ», Անգլիա):

ՀԱՐՁԱԿՎՈՂՆԵՐ. Պեդրո («Բարսելոն»), Խուան Մատա («Մանչեսթեր Յունայթեդ», Անգլիա), Դավիդ Վիլյա («Ատլետիկո»), Ալվարո Նեգրեդո («Մանչեսթեր Սիթի», Անգլիա), Ֆերնանդո Լյորենտե («Յուվենթուս», Իտալիա), Ֆերնանդո Տորես («Չելսի», Անգլիա):
 
Գլխավոր մարզիչ՝ Վիսենտե դել Բոսկե: