Գործն արել են հայկական ընկերությունները, փողն ստացել են Կիպրոսում գրանցված կազմակերպությունները

ԲՈԼՈՐ ՆՅՈՒԹԵՐԸ

Բոլորը

01/04/2025 13:41 «Երեխայիս գնդի հրամանատարը շարքից հանել է, հայհոյել, հարվածել, որին ի պատասխան՝ երեխաս էլ նրան է հարվածել». ահազանգ զինվորի հորից. shamshyan.com 01/03/2025 21:25 Իրանի վրա հարձակվելու որոշումն ընդունված է, հարձակումը մոտ է․ Արթուր Խաչիկյան 01/04/2025 20:09 Ինֆորմացիա բացեմ՝ դեռ 90-ականներից հանցավոր պլան է մշակվել, որ Հայաստանում չպետք է լինի 1 միլիոնից ավել հայ. դրա հետևում միայն թուրքերը չեն. էքստրասենս 01/04/2025 21:55 Երկուշաբթի լույս չի լինի նշված հասցեներում 01/04/2025 13:45 Ջերմաստիճանը նախ կբարձրանա՝ 6-8 աստիճանով, ապա՝ կնվազի 7-10 աստիճանով. սպասվում է ձյուն 01/04/2025 21:43 «Էն սուրճ եփողներին զգուշացնում եմ՝ վեր ընկեք տեղներդ». Սարգսյանը՝ Մալյանին 01/04/2025 17:50 Հայ-ռուսական բարեկամության անունից փորձում է հանդես գալ մի մարդ, ով ժամանակին վարձատրվում էր Սորոսից և ով ծրար էր փոխանցում Արսեն Խառատյանի տուն. Մալյան 01/04/2025 13:06 Ճապոնիայում մահացել է մոլորակի ամենատարեց մարդը. Kyodo 01/04/2025 21:00 Երևանում փեսան գողացել է զոքանչի ոսկեղենն ու այդ գումարով խաղադրույք կատարել. shamshyan.com 01/04/2025 14:52 Ձերբակավել է ազգային հերոս Տիրան Խաչատրյանը 01/05/2025 11:55 Եռաբլուրում շիրիմներին դրված ծաղիկները գողացողը ՊՆ ՌՈ կողմից նույնականացվել և հայտնաբերվել է 01/03/2025 17:03 Գործարարին սպանած «Ձմեռ պապը» հայտնաբերվել է և կալանավորվել 01/03/2025 23:31 Նշվել են գրիպի գերիշխող տարբերակի ախտանիշները 01/05/2025 09:58 Արցախում մանկապղծության մեջ մեղադրվողի պաշտպանը, նախկին փաստաբան, այժմ իրավունքի ուժով նշանակված դատավոր Մասիս Մելքոնյանը ՀՀ ազգային հերոս Տիրան Խաչատրյանին կալանավորեց 2 ամսով . փաստաբան 01/03/2025 22:11 Եթովպիայում ուժեղ երկրաշարժ է տեղի ունեցել 01/03/2025 21:48 Երևանի երթուղիներում արդեն գործում են 171 նոր ավտոբուսներ 01/04/2025 00:02 Կանանց պատմել են գինեկոլոգիական ամենաառեղծվածային խնդրի մասին 01/03/2025 16:15 Քովիդի գործով 21 անձի նկատմամբ հետապնդումը դադարեցվել է 01/05/2025 09:21 «Mercedes-Benz»-ը Պռոշյանում դուրս է եկել ճանապարհի երթևեկելի հատվածից և շրջվել. 29-ամյա երիտասարդը մահացել է տեղում 01/03/2025 16:29 Երևանում թալանել են բեռնափոխադրումներ իրականացնող հայտնի ընկերություններից մեկի գրասենյակը. shamshyan.com

Գործն արել են հայկական ընկերությունները, փողն ստացել են Կիպրոսում գրանցված կազմակերպությունները 05/13/2014 11:31 | ԼՐԱՀՈՍ

Դեռևս անցյալ տարի մամուլում տեղեկություններ հայտնվեցին այն մասին, որ ֆինանսների արդեն նախկին նախարար Դավիթ Սարգսյանի գործունեությամբ հետաքրքրված են Ազգային անվտանգության ծառայությունում: Նույնիսկ լուրեր կային, թե նախարարը հրավիրվել է ԱԱԾ:

Իսկ խնդիրը կապված էր Հայաստանին տրված խոշոր գրանտային ծրագրերի արդյունավետության և տեղեկատվական ոլորտի զարգացման դրամաշնորհների բաշխման գործընթացի հետ, որի կատարման ընթացքի նկատմամբ ԱԱԾ-ում լայնամասշտաբ հետաքննություն էին սկսել:

Եվ ահա, հետաքրքիր պատահականությամբ, այս նույն ոլորտի ծրագրերն է ուսումնասիրել նաև Վերահսկիչ պալատը: Եվ դարձյալ բացահայտումները բավական հետաքրքրական են:

Օրինակ՝ պարզվել է, որ միջազգային ֆինանսական կազմակերպություների կողմից ՀՀ-ին տրված դրամաշնորհների գումարները փոխանցվել են Կիպրոսում գրանցված ինչ-որ կազմակերպությունների հաշվեհամարներին: Նրանց հետ կառավարությունը՝ ի դեմս Ֆինանսների նախարարության, կնքել է ծրագրի կատարման պայմանագիր:

Սակայն հետագայում ծրագիրը կատարել է հայաստանյան ինչ-որ երրորդ ընկերություն՝ ընդ որում, գումարի միայն մի մասով: Իր հաշվետվության մեջ ՎՊ-ն, այս փաստի վերաբերյալ իր զարմանքը չզսպելով, գրում է. «Բնական հարց է առաջանում, եթե հայկական որևէ ընկերություն կարող է կատարել աշխատանքները 288 հազար ԱՄՆ դոլարով, ապա ինչու՞ է այն իրականացվում կիպորսյան ընկերության կողմից՝ 704 100 ԱՄՆ դոլար արժեքով»:

ՎՊ-ի այս զարմանքն ուղղված է Հանրային հատվածի հաշվապահական հաշվառման ստանդարտների 2-րդ ռազմավարության իրականացման դրամաշնորհային ծրագրի շրջանակում հաշվապահական հաշվառման իրավական ակտերի նախագծերի և ձեռնարկի ամբողջական փորձարկման և հաշվապահական հաշվառման ավտոմատացված համակարգի ներդրման աշխատանքներին:

Դրա իրականացման համար մեր կառավարությունը պայմանագիր է կնքել Կիպրոսում գրանցված «Four Assist Development Consulting Limited» ընկերության հետ: Նրան փոխանցել է 704.000 ԱՄՆ դոլար: Կիպրոսյան Ընկերությունն իր հերթին պայմանագրի կնքման նույն օրը 288.000 ԱՄՆ դոլար արժեքով ենթամատակարարի պայմանագիր է կնքել ՀՀ-ում գրանցված «Փի-Էյջ-Փի Փարթնըրզ» ՓԲԸ-ի հետ, որն էլ իրականացրել է նախատեսված աշխատանքների ողջ ծավալը:

Սա, ի դեպ, նոր մեխանիզմ չէ, այն կիրառվել է նաև տարիներ առաջ: 2008թ. օգոստոսի 29-ին կառավարությունը 142 195 200 դրամի պայմանագիր էր կնքվել «Continental Financial Services, Inc.» ընկերության հետ: Այս ընկերությունն էլ նույն օրը նույն հայաստանյան «Փի-Էյջ-Փի Փարթնըրզ» ՓԲԸ-ի հետ կնքել է ենթամատակարարի պայմանագիր: Ու դարձյալ գործն ավելի քիչ գումարով կատարել է այս հայաստանյան ընկերությունը:

Կամ, ասենք, կառավարության աշխատակազմին ցանցային սարքավորումների մատակարարման և տեղադրման համար 546 959 ԱՄՆ դոլարի և 30 366 240 ՀՀ դրամի պայմանագիր է կնքվել «Յունիքոմփ» ՓԲԸ-ի հետ, սակայն գումարն առանց հիմքի փոխանցվել է ենթամատակարար «Աբրիս Դիստրիբյուշն» ընկերության (ԱՄՆ) հաշվին:

Նույն սկզբունքով է գնվել նաև Ազգային ժողովի կահույքը: «Վեկս» ՍՊԸ-ի հետ կնքվել է 118,245 դոլարի և 49,907,106 դրամի պայմանագիր, բայց ԱԺ-ի հասցեով ներկրված ապրանքների ուղեկցող բոլոր փաստաթղթերը ներկայացվել է ենթամատակարար «Սի Այ Էս Ինթերնեյշնլ Իմպեքս» ԿՈ ԼՏԴ (Չինաստան) անունից:

Բայց սա դեռ ամբողջը չէ: Կան ծրագրեր, որոնց դրամաշնորհները վաղուց ծախսվել են, իսկ գործն այդպես էլ չի կատարվել: ՎՊ-ի մասնագետները պարզել են, օրինակ, որ էլեկտրոնային հասարակության և մրցունակության զարգացման վարկային ծրագրի շրջանակներում PWPW S.A. (Լեհաստան) ընկերության հետ կնքվել է 788.300 ԱՄՆ դոլարի պայմանագիր, որի դիմաց կատարվել է 111.400 դոլարի աշխատանք: Մինչդեռ ծրագիրը պետք է ավարտված լիներ 2012 թվականի սեպտեմբերի 27-ին, իսկ 1 տարի շարունակ՝ մինչև 2013թ. սեպտեմբերի 27-ը, կատարվեր երաշխիքային սպասարկում:

Իրականացված վերլուծության արդյունքում ՎՊ-ն հանգել է այն եզրակացության, որ «Գործընթացներն ունեցել են լուրջ թերացումներ, պարունակել են ռիսկեր և ունեն հետագա ստուգումների կարիք»:

Թե ո՞ր կառույցներն ու ի՞նչ կարգով կկատարեն լրացուցիչ ստուգումներ, կամ ովքե՞ր պատասխանատվություն կկրեն՝ Հայաստանին տրված դրամական միջոցները վատնելու կամ գուցե նաև յուրացնելու համար, ժամանակը ցույց կտա:

Լուսանկարը՝ PanARMENIAN Photo-ի