Ընդդիմությունը ոչ միանշանակ է ընդունում կուտակային կենսաթոշակների վերաբերյալ կառավարության առաջարկները

ԲՈԼՈՐ ՆՅՈՒԹԵՐԸ

Բոլորը

11/22/2024 17:59 «Ֆազ»-ը սպանվել է գլխի շրջանում ստացած հրազենային վնասվածքներից. Մեղադրյալներն են՝ «Չաղ Ռուստամը» և Աշոտ Կուրեղյանը. Հայտնի է ով կքննի 11/22/2024 18:36 Դժբախտ պատահարի հետևանքով մաhաgել է Հայաստանի կարատեի առաջնությունների բազմակի չեմպիոն Մկրտիչ Ղազարյանը 11/21/2024 21:29 Վարորդը մահացել է, ուղևորները տեղափոխվել են հիվանդանոց 11/22/2024 15:19 Հաջիևն ասել է՝ ինչ պայմանով հայերը կարող են վերադառնալ Արցախ 11/21/2024 21:51 Արմավիրի մարզում տեսախցիկն արձանագրել է «BMW»-ի և ջերմաքարշ գնացքի բախումը. քննչական բաժինն ու ոստիկանությունն էլ պարզել են մահացածի ինքնությունը 11/21/2024 20:20 Պետական դավաճանության մեջ մեղադրվող տղամարդն ինքնախոստովական ցուցմունքը տվել է ԱԱԾ-ում ծեծի ենթարկվելուց հետո․ նրան դիմակավորված անձինք ձերբակալել են 7 տարեկան երեխայի աչքի առաջ. պնդում է կինը 11/21/2024 16:37 Ռոմանոս Պետրոսյանը կփոխարինի՞ Ռուտամ Բադասյանին 11/21/2024 18:45 Շատ ճիշտ գնահատական է, կամավորականությունը պետություն չունենալու մասին է. Մովսես Հակոբյան 11/22/2024 15:04 Քաղաքապետարանի աշխատակիցները բռնի ուժով իջեցրին ավտոբուսից. TelCell-ի ապարատը կտրոն չի տալիս, ես էլ 100 դրամանոց չունեի.Ահազանգ բնակչից 11/22/2024 10:50 Ողբերգական վթար Երևանում.մահացածը մոտոցիկլի վարորդ պարեկն է. shamshyan.com 11/21/2024 20:36 Հեղափոխությունը մտնում է «յակոբինյան» փուլ. Փաշինյանն էլ չգիտեր, որ պետք է հեռացնի այդ մարդկանց․ Շարմազանով (Տեսանյութ) 11/22/2024 23:07 Խոշոր ավտովթար՝ Երևանում. բախվել են «Toyota»-ն ու «Mercedes GLE»-ն, վերջինս կոտրել է խաչմերուկը կարգավորող լուսակիրը ու հայտնվել հետիոտնի անցման վայրում. կան վիրավորներ 11/22/2024 08:19 3 միլիոն դրամը փող չԷ՞․ «Հրապարակ» 11/21/2024 20:35 Ինչ ժառանգություն թողեց Վահե Ղազարյանը 11/22/2024 20:19 Մեծ տոկոսը կտրելու եմ կացնային ձեւով. Փաշինյան 11/22/2024 08:09 Հովիկ Աղազարյանը անհարմար դրության մեջ է դրել Նիկոլ Փաշինյանին. «Ժողովուրդ» 11/21/2024 17:04 Կարեն Սարուխանյանը շարունակո՞ւմ է մնալ Գյումրիի քաղաքապետի՝ ՔՊ-ի թեկնածուն. Էմմա Պալյանը՝ Սարուխանյանի մասին գյումրեցիների կարծիքի վերաբերյալ 11/21/2024 16:15 Ով էր ճեպազրույցի ժամանակ զանգել Զախարովային 11/21/2024 19:20 Ուսանողների մոտ պայքարելու մոտիվացիա կա, հեշտ չի լինելու նրանց Բրյուսովի շենքերից հանելը. Ցոլակ Ակոպյան 11/22/2024 16:37 Բեռնատարն ընկել է Որոտան գետը ․ կա զոհ

Ընդդիմությունը ոչ միանշանակ է ընդունում կուտակային կենսաթոշակների վերաբերյալ կառավարության առաջարկները 05/12/2014 14:59 | ԼՐԱՀՈՍ

Ազգային ժողովն այսօր հրավիրված արտահերթ նիստում ավարտեց «Կուտակային կենսաթոշակների մասին» օրենքում լրացում կատարելու մասին օրինագծի լրամշակված տարբերակի առաջին ընթերցմամբ քննարկումը: Քվեարկությունը տեղի կունենա վաղը:

Նախագծի երկրորդ ընթերցումը, ԱԺ-ի կողմից ընդունված որոշման համաձայն, կկազմակերպվի առաջին ընթերցումից հետո 24 ժամվա ընթացքում:

Այսօր քննարկված նախագծում, ըստ կառավարության, հաշվի են առնվել քաղաքական ուժերի և հանրության առաջարկները: Ըստ այդմ, գործատուն վարձու աշխատող եւ պայմանագրային եկամուտ ստացող մասնակիցների համար (անունից) կուտակային վճարներ չի հաշվարկում եւ չի փոխանցում, եթե մասնակիցը առձեռն կամ փոստային առաքմամբ գործատուին ներկայացնում է դիմում:

Ընդ որում, այս դրույթի գործողությունը տարածվում է 2014 թվականի հունվարի 1-ից հետո ծագած իրավահարաբերությունների վրա, այսինքն` ստանում է հետադարձ ուժ:

Նախագծի լրամշակված տարբերակում ամրագրվել է նախաբան, համաձայն որի այս օրենքի նպատակն է «Կուտակային կենսաթոշակների մասին» օրենքում փոփոխություն կատարելու, ինչպես նաեւ` առանձին կարգավորումների միջոցով ձեւավորել Հայաստանի Հանրապետության սահմանադրական դատարանի` 2014 թվականի ապրիլի 2-ի որոշման պահանջների լիարժեք կատարման համար անհրաժեշտ միջավայր, մինչեւ նշված որոշմանը համապատասխան կենսաթոշակային համակարգի հետագա բարեփոխումների ամբողջական իրականացումը՝ ապահովել քաղաքացիների ու գործատուների իրավունքների պաշտպանության եւ կենսաթոշակային համակարգի իրավական անվտանգությունը:

Ի տարբերություն նախորդ տարբերակի` առաջարկվում է ուժը կորցրած ճանաչել գործող օրենքի 76-րդ հոդվածը: Նախորդ նախագծով առաջարկվում էր մինչև 2014թ. սեպտեմբերի 30-ը՝ ՍԴ որոշման ամբողջական կատարումն ապահովող իրավական ակտերի ընդունումը, կասեցնել օրենքի 76-րդ՝ պարտադիր կուտակային վճարները չկատարելու կամ ուշացումով կատարելու համար պատասխանատվություն սահմանող հոդվածի գործողությունը:

Բացի այդ, պարտադիր կուտակային վճարը հաշվարկելու եւ փոխանցելու պարտավորություն ունեցող անձն ազատվում է մինչեւ սույն օրենքն ուժի մեջ մտնելն ընկած ժամանակահատվածի համար պարտադիր կուտակային վճարը չկատարելու կամ ուշացումով կատարելու համար օրենքով նախատեսված պատասխանատվությունից:

Սահմանվում է նաեւ, որ մասնակիցների համար (օգտին) Հայաստանի Հանրապետության պետական բյուջեից վճարման ենթակա համապատասխան գումարները եւ պարտադիր կուտակային վճարների մասին անհատական տեղեկատվությունը օրենքով սահմանված կարգով փոխանցվում են մասնակիցների ռեեստրը վարողին` անկախ մասնակիցների համար (անունից) պարտադիր կուտակային վճարները հաշվարկվելու եւ փոխանցվելու հանգամանքից: Ըստ կառավարության, սա անհրաժեշտ է տեղեկատվական շտեմարանը հստակեցնելու համար` մինչև ՍԴ-ի որոշումից բխող ամբողջական օրենսդրական փաթեթի ընդումը:

Պետությունը շարունակելու է փոխանցել օրենքով սահմանված կարգով` Հայաստանի Հանրապետության պետական բյուջեից տվյալ ամսվա համար վճարման ենթակա համապատասխան գումարները` հինգ տոկոսի չափով:

ՀՅԴ խմբակցության անունից Արծվիկ Մինասյանը հայտարարեց, որ այս պետբյուջեից հատկացումներ կատարելու անհրաժեշտություն ամենեւին չկար: Նա ընդգծեց, որ օրենքում կատարվող լրացումները փաստում են, որ «պարդադիր բաղադրիչը չկա, պարտադիր կուտակային համակրգը չկա»: Նա հայտարարեց, թե ՀՅԴ-ն, իբրեւ առաջարկ ներկայացրած ընդդիմություն, ակնկալում էր, որ այս փուլում ավելի շատ առաջարկներ պետք է իրացվեին, սակայն ներկայացված լրամշակված տարբերակը համարում են էական դրական առաջընթաց, ուստի ՀՅԴ-ն չի կարող դեմ լինել նախագծին:

ՀՅԴ-ի տեսակետը չի կիսում «Հայ ազգային կոնգրես»-ը: Վերջինիս ղեկավար Լեւոն Զուրաբյանը հայտարարեց, որ կառավարությունը ՍԴ-ի որոշումից հետո պետք է դադարեցներ հետագա պարտադիր գանձումները և վերադարձներ վարձու աշխատողներից մինչ այժմ գանձնված գումարները: Ըստ նրա, դրա փոխարեն կառավարությունն ընտրեց «քաղաքական լարվածությունը թուլացնելու, ժամանակ շահելու, ակտիվ քաղաքացիական ալիքը մինիմալ զիջումներով սանձելու քաղաքականություն», հետեւաբար ՀԱԿ-ը չի կարող սրան կողմ լինել:

«Բարգավաճ Հայաստան»-ը, ըստ խմբակցության անդամ Միքայել Մելքումյանի, կառավարությունը չպետք է խնդրի միայն տեխնիկական և ընթացիկ հարցեր լուծելով սահմնափակվի, այլ պետք քաղաքական կուրսը փոխի:

«Իհարկե, կառավարությունը դժվար իրավիճակում է. ֆոնդերին ցույց տալ, որ ինքը շարունակում է ռեֆորմը, հանրությանը բավարարել, որ պարտադիր չկա: Սա լուծում չունեցող խնդիր է»,- հայտարարեց նա` հավելելով, որ ԲՀԿ-ի քվեարկությունը պայմանավորված կլինի կառավարության կողմից այս ռեֆորմի նկատմամբ հստակ քաղաքական դիրքորոշում հայտնելուց: