Փաստ ինֆո

Սահմանադրական դատարանը ապրիլի 2-ին, ելնելով Ազգային ժողովի ոչ իշխանական չորս խմբակցությունների 36 անդամների դիմումի հիման վրա գործի քննության արդյունքներից, Սահմանադրությանը հակասող եւ անվավեր ճանաչեց «Կուտակային կենսաթոշակների մասին» օրենքի՝ պարտադիր կուտակային բաղադրիչի հետ կապված որոշ դրույթներ:

ՍԴ-ն, հաշվի առնելով, որ «Կուտակային կենսաթոշակների մասին» ՀՀ օրենքը, մասնավորապես՝ Սահմանադրությանը հակասող ճանաչված իրավադրույթները համակարգային առումով փոխկապակցված են ՀՀ շուրջ 50 օրենքներով եւ ութ տասնյակից ավելի այլ նորմատիվ իրավական ակտերով նախատեսված իրավակարգավորումների հետ, որոնց շատ դրույթներ ենթակա են վերանայման, ինչպես նաեւ նկատի ունենալով օրենքի պահանջը՝ համակարգային առումով իրավական անվտանգությունը չխաթարելու վերաբերյալ, Սահմանադրությանը հակասող ճանաչված իրավանորմերի ուժը կորցնելու վերջնաժամկետ սահմանեց 2014 թվականի սեպտեմբերի 30-ը՝ հնարավորություն տալով Ազգային ժողովին եւ կառավարությանը՝ իրենց իրավասության շրջանակներում «Կուտակային կենսաթոշակների մասին» օրենքի եւ դրա հետ համակարգային առումով փոխկապակցված այլ օրենքների ու նորմատիվ իրավական ակտերի իրավակարգավորումները համապատասխանեցնելու իր որոշման պահանջներին։

ՍԴ որոշման համաձայն՝ մինչ այդ կատարված կուտակային վճարներն ենթակա են վերահաշվարկման:

ՍԴ որոշումը վերջնական է եւ ուժի մեջ է մտնում հրապարակման պահից:

Ստորև կարող եք ծանոթանալ ՍԴ որոշմանն ամբողջությամբ.      


Որոշում՝ Հայաստանի Հանրապետության Ազգային ժողովի պատգամավորների դիմումի հիման վրա՝ «Կուտակային կենսաթոշակների մասին» Հայաստանի Հանրապետության օրենքի 5, 7, 8, 37, 38, 45, 49 և 86-րդ հոդվածների սահմանադրականության վերաբերյալ գործով