Գալուստ Սահակյան. Հայաստանը պաշտպանել է իր շահերը և ազգերի ինքնորոշման իրավունքը

ԲՈԼՈՐ ՆՅՈՒԹԵՐԸ

Բոլորը

01/03/2025 14:21 ԼՂ-ից տեղահանված անձանց և ՀՀ սոցիալապես անապահով ընտանիքներին կտրամադրվի նպատակային դրամական աջակցություն․ այն կփոխանցվի e-քարտերի միջոցով 01/04/2025 13:41 «Երեխայիս գնդի հրամանատարը շարքից հանել է, հայհոյել, հարվածել, որին ի պատասխան՝ երեխաս էլ նրան է հարվածել». ահազանգ զինվորի հորից. shamshyan.com 01/03/2025 21:25 Իրանի վրա հարձակվելու որոշումն ընդունված է, հարձակումը մոտ է․ Արթուր Խաչիկյան 01/04/2025 20:09 Ինֆորմացիա բացեմ՝ դեռ 90-ականներից հանցավոր պլան է մշակվել, որ Հայաստանում չպետք է լինի 1 միլիոնից ավել հայ. դրա հետևում միայն թուրքերը չեն. էքստրասենս 01/04/2025 21:55 Երկուշաբթի լույս չի լինի նշված հասցեներում 01/03/2025 15:07 Մոսկվա-Երևան չվերթի օդանավում մահացած տղամարդը երկքաղաքացի էր. մարմնի վրա բռնության հետքեր չեն հայտնաբերվել 01/04/2025 13:45 Ջերմաստիճանը նախ կբարձրանա՝ 6-8 աստիճանով, ապա՝ կնվազի 7-10 աստիճանով. սպասվում է ձյուն 01/04/2025 21:43 «Էն սուրճ եփողներին զգուշացնում եմ՝ վեր ընկեք տեղներդ». Սարգսյանը՝ Մալյանին 01/04/2025 17:50 Հայ-ռուսական բարեկամության անունից փորձում է հանդես գալ մի մարդ, ով ժամանակին վարձատրվում էր Սորոսից և ով ծրար էր փոխանցում Արսեն Խառատյանի տուն. Մալյան 01/04/2025 13:06 Ճապոնիայում մահացել է մոլորակի ամենատարեց մարդը. Kyodo 01/04/2025 14:52 Ձերբակավել է ազգային հերոս Տիրան Խաչատրյանը 01/04/2025 21:00 Երևանում փեսան գողացել է զոքանչի ոսկեղենն ու այդ գումարով խաղադրույք կատարել. shamshyan.com 01/03/2025 17:03 Գործարարին սպանած «Ձմեռ պապը» հայտնաբերվել է և կալանավորվել 01/03/2025 23:31 Նշվել են գրիպի գերիշխող տարբերակի ախտանիշները 01/03/2025 22:11 Եթովպիայում ուժեղ երկրաշարժ է տեղի ունեցել 01/05/2025 11:55 Եռաբլուրում շիրիմներին դրված ծաղիկները գողացողը ՊՆ ՌՈ կողմից նույնականացվել և հայտնաբերվել է 01/03/2025 21:48 Երևանի երթուղիներում արդեն գործում են 171 նոր ավտոբուսներ 01/04/2025 00:02 Կանանց պատմել են գինեկոլոգիական ամենաառեղծվածային խնդրի մասին 01/03/2025 16:15 Քովիդի գործով 21 անձի նկատմամբ հետապնդումը դադարեցվել է 01/03/2025 14:42 Մոսկվա-Երևան չվերթի օդանավում քաղաքացի է մահացել

Գալուստ Սահակյան. Հայաստանը պաշտպանել է իր շահերը և ազգերի ինքնորոշման իրավունքը 03/28/2014 14:44 | ԼՐԱՀՈՍ

ՄԱԿ-ում Ղրիմի հանրաքվեի անօրինական լինելու հարցին «դեմ» քվեարկելը Հայաստանի շահերից է բխում:

Այս մասին այսօրվա ճեպազրույցում հայտարարեց իշխող Հայաստանի Հանրապետական կուսակցության խորհրդարանական խմբակցության ղեկավար Գալուստ Սահակյանը՝ պարզաբանելով, որ Հայաստանը պաշտպանել է ազգերի ինքնորոշման իրավունքը, որը 20 տարի ի վեր, նաև Խորհրդային Միության գոյության տարիներին, Հայաստանի համար արժեհամակարգի հարց է եղել, և Հայաստանը պայքարել է դրա համար:

«Բնական է, որ պիտի «դեմ» քվեարկեինք»,- ասաց նա:

Գ.Սահակյանն ընդգծեց, որ պետության ամրապնդման, ազգի ապագայի համար դա կարևորագույն արժեքներից մեկն է, իսկ «ձեռնպահ» քվեարկելը կնշանակեր, որ այդ հարցը «քննարկելի խնդիր է մնում»:

«Ազգերի ինքնորոշման իրավունքը ամենաբարձր իրավունքն է, ... և, կարծում եմ, մեզ հասկանում են նաև գերտերությունները այդ առումով»,- ասաց «ՀՀԿ» խմբակցության ղեկավարը՝ հավելելով «ժամանակները ցույց տվեցին, որ մեր տեսակետն ըմբռնելի է բոլորի համար, և վերջին զարգացումները՝ կապված նաև Ուկրաինայի դեպքերի հետ, զգալի դարձրեց, որ մեր քաղաքականությունը ճիշտ է»:

Անդրադառնալով կուտակային կենսաթոշակի վերաբերյալ հարցին՝ Գ.Սահակյանը նշեց.

«Սահմանադրական դատարանն ինչպիսի որոշում էլ որ կայացնի, իմ կարծիքով, բոլորի համար պարտադիր կլինի»:

«ԲՀԿ» խմբակցության անդամները հասկացրեցին, որ ձեր օրերը հաշվված են» հարցին ի պատասխան՝ Գ.Սահակյանը հայտարարեց՝ «ուրեմն հաշվել չգիտեն»:

«ԲՀԿ» խմբակցության անդամներ Ստեփան Մարգարյանը և Վահան Բաբայանը ճեպազրույցում նշել էին, որ իրենց պահանջն է, որպեսզի ապրիլի 28-ին կառավարությունն ամբողջ կազմով հեռանա, այդ դեպքում հաջորդ կառավարությունը պետք է լինի ազգային համաձայնության կառավարություն:

Այսօրվա գործող կառավարությունը տապալվել է բազմաթիվ ոլորտներում կենսական կարևորություն ունեցող հարցերում:

«Կառավարության անվստահության գործընթացը, կարծում եմ, սկսված է, և դրա միամսյակն այսօրվանից սկսում է գործել... Մենք մեր գործընկեր կուսակցությունների հետ համատեղ պայքարելու ենք մինչև մեր երկրում արմատական համակարգային փոփոխություններ իրականացնելը»,- ասաց Վ.Բաբայանը:

Եթե «կոճակային մեծամասնությունը» չլսի ժողովրդի ձայնը, ապա իշխանափոխության փուլային տարբերակին գալու է փոխարինելու ամբողջական փաթեթային տարբերակը:

«Մենք գտնում ենք, որ անկախ ամեն ինչից՝ կա հնարավորություն գնալու անցնցում, խաղաղ փոփոխությունների, և իշխանությունը պետք է հետևություններ անի»,- ասաց նա՝ ընդգծելով, որ հետևություններ անելու շնորհիվ իշխանությունները կխուսափեն ցնցումներից, բարիկադներից և անիմաստ թշնամանքից: