Փաստ ինֆո

Մերձմոսկվայում սպանվել է  «օրենքով գող», 42-ամյա Լաշա  Ջոլոգուան, ով քրեական շրջանակներում հայտնի է որպես Լաշա Գագրինսկի: Կենցաղային հողի վրա տեղի ունեցած վիճաբանության ժամանակ,  «օրենքով գողի» ազգականի տանը վարձով բնակվող Ռյազանի երկրամասի բնակիչը դանակի հինգ հարված է հասցրել Ջոլոգուայի որովայնին, ապա հանձնվել է ոստիկանությանը:

Լաշա Ջոլոգուան «թագադրվել» էր 1995թ.: Նա դատվածություն չուներ եւ  ոչ  մինչ թագադրվելը եւ ոչ էլ դրանից հետո նա որեւէ  օր բանտում չի անցկացրել: 1998թ. նա Մոսկվայի «Կոլխիդա» ռեստորանում կայացած հավաքի ժամանակ ձերբակալվել էր մի շարք «օրենքով գողերի»  հետ:  Այն ժամանակ հինգ «օրենքով գողերից» երեքը թմրանյութի համար հայտնվեցին բանտում, բայց Ջոլոգուան նրանց թվում չէր:  Նա մասնակցել է 2001թ., Ֆրյազինոյում տեղի ունեցած «օրենքով գողերի» խոշոր հավաքին, որից մեկ շաբաթ հետո սպանվեց Մայիս Կարապետյանը, իսկ նրա հետ գտնվող մյուս «օրենքով գողերը»` Լաշա Ջոլոգուան եւ Դուկա Գուբլիան չեն տուժել: Նրանք երեքն էլ մասնակցել էին այդ հավաքին:

«Прайм Крайм»-ի փոխանցմամբ, Մայիսի սպանությունից հետո նա տեւական ժամանակ  դուրս էր մնացել  ոստիկանների տեսադաշտից:  2010-ի ձերբակալությունը նրա համար անսպասելի էր: Նրա մոտ հայտնաբերվել էր մեծ քանակությամբ հաշիշ եւ առաջին անգամ նրան սպառնում էր երկարատեւ ազատազրկում: Սակայն «օրենքով գողը» կարողացել էր քննիչին «համոզել» էր ստորագրությամբ բաց թողնել իրեն, եւ մինչ օրս հետախուզման մեջ էր, բայց նա նախապես խոստացել էր ոստիկաններին, որ նրանք իրեն այլեւս չեն բռնի…