Փաստ ինֆո

ՀՀ կառավարությունը հրապարակել է Մաքսային միությանը և Բելառուսի Հանրապետության, Ղազախստանի Հանրապետության և Ռուսաստանի Դաշնության Միասնական տնտեսական տարածքին Հայաստանի անդամակցության նպատակով միջոցառումների ծրագիրը` ճանապարհային քարտեզը հաստատելու մասին 2014 թվականի  հունվարի 23-ի թիվ 61 Ն որոշումը եւ կից հավելվածները:

Ըստ այդմ հրապարակվել է ճանապարհային քարտեզն ու միջոցառումների ծրագիրը:

Ծրագրի 8-րդ կետի համաձայն, կիրականացվեն մաքսային նույնականացման միջոցների փոխադարձ ճանաչմանն ուղղված միջոցներ: 13-րդ կետը սահմանում է մաքսային գործի ոլորտում գործունեություն իրականացնող անձանց վերաբերյալ անցումային դրույթների սահմանում, որոնցով հնարավոր կդառնա Հայաստանի Հանրապետությունում գործունեություն իրականացնող մաքսային միջնորդներին, ժամանակավոր պահպանման պահեստների տիրապետողներին, մաքսային պահեստների տիրապետողներին, անմաքս առեւտրի խանութների տիրապետողներին, մաքսային փոխադրողներին ընդգրկել Մաքսային միության մաքսային օրենսգրքով սահմանված համապատասխան ռեեստրներում:

21-րդ կետի համաձայն, միջազգային հաղորդակցությունների համար բաց օդանավակայաններում Հայաստանի Հանրապետության եւ Մաքսային միության մյուս անդամ պետությունների միջեւ տեղափոխվող այն ապրանքների նկատմամբ մաքսային հսկողության վերացում, որոնց ծագման երկիրը Հայաստանի Հանրապետությունն է կամ Մաքսային միության ու Միասնական տնտեսական տարածքի անդամ պետությունները: Իսկ 22-րդ կետը նախատեսում է Հայաստանի Հանրապետության եւ Մաքսային միության անդամ պետությունների միջեւ միջազգային հաղորդակցության համար բաց օդանավակայաններում Մաքսային միության ապրանքների տեղափոխման մաքսային հսկողության վերացում, ինչպես նաեւ Մաքսային միության տարածքով ապրանքների տեղափոխում ենթադրող մաքսային ընթացակարգերով ձեւակերպված օտարերկրյա ապրանքների մաքսային հսկողության վերացում՝ նման փոխադրման պայմաններին համապատասխան:

103-րդ կետով նախատեսվում է`Հայաստանի Հանրապետության օրենսդրությանը եւ Մաքսային միության եւ Միասնական տնտեսական տարածքի իրավապայմանագրային բազային համապատասխան` սակագնային արտոնությունների տրամադրման ռեժիմի համեմատական վերլուծության իրականացում:

Մաքսային միության միասնական մաքսային սակագնի ներկրման մաքսատուրքի դրույքաչափերի եւ Հայաստանի Հանրապետության ներմուծման սակագնի համեմատական վերլուծության իրականացում` հաշվի առնելով ԱՀԿ-ի շրջանակներում Ռուսաստանի Դաշնության եւ Հայաստանի Հանրապետության ստանձնած սակագնային պարտավորությունները, այդ թվում` ԱՀԿ-ի նկատմամբ Հայաստանի Հանրապետության եւ Ռուսաստանի Դաշնության ստանձնած սակագնային պարտավորությունների համեմատական վերլուծության արդյունքների եւ ելակետային տվյալների ճշգրտում:  Հայաստանի Հանրապետության մասով առաջնահերթ բանակցային իրավունք ունեցող երկրների ցանկի նախապատրաստում Մաքսային միության եւ Հայաստանի Հանրապետության մաքսային սակագների վերլուծության իրականացում` հաշվի առնելով 2010-2012 թվականներին երկրների արտաքին առեւտրի ծավալները` այն ապրանքների ցանկի մասով, որոնց գծով ԱՀԿ-ի նկատմամբ Ռուսաստանի Դաշնության ստանձնած պարտավորությունների վերջնական մակարդակն ավելի բարձր է, քան Հայաստանի Հանրապետության ստանձնած պարտավորությունների մակարդակը:  Այն ապրանքների եւ դրույքաչափերի նախնական ցանկի մշակում, որոնց նկատմամբ Հայաստանի Հանրապետությանն անցումային շրջանում անհրաժեշտ է Մաքսային միության կողմից սահմանված Միասնական մաքսային սակագների դրույքաչափերից տարբերվող` ներկրման մաքսատուրքերի դրույքաչափերի կիրառում:
 

Հաշվի առնելով փաստաթղթերի նկատմամբ հանրության հետաքրքրությունը  հրապարակում ենք ճանապարհային քարտեզն ամբողջությամբ.

- Միջոցառումների ծրագիր` «Ճանապարհային քարտեզ»

- Ժամանակացույց` Մաքսային Միությանը եւ Բելառուսի Հանրապետության, Ղազախստանի Հանրապետության եւ Ռուսաստանի Դաշնության միասնական տնտեսական տարածքին Հայաստանի Հանրապետության անդամակցության նպատակով միջոցառումների ծրագրի (ճանապարհային քարտեզ) իրականացմանն ուղղված գործողությունների