Ապօրինի հեռախոսակապի աղմկահարույց գործով դատարան է ուղարկվել երկրորդ քրեական գործը

ԲՈԼՈՐ ՆՅՈՒԹԵՐԸ

Բոլորը

01/22/2025 22:33 Դեռահասը գնացքի տակ է ընկել առցանց խաղի պատճառով 01/21/2025 20:14 Արցախի ռազմաքաղաքական ղեկավարության դեմ կեղծ դատավարության երկրորդ նիստն ավարտվել է 01/22/2025 08:19 Թալանել են պատգամավորի տունը․ «Հրապարակ» 01/22/2025 11:46 Օհանյանի օրոք տուն գնալը 10 000 էր, հենց գալիս էր, տանկերը պլպլացնում ու բոլորս ներկա շարվում էինք. Սիսակ Գաբրիելյան 01/22/2025 14:09 Արցախը հանձնել են ռուսները՝ Ադրբեջանի հետ համագործակցելով, թող իրենք էլ վերադարձնեն. ՔՊ-ական պատգամավոր 01/22/2025 15:20 Տիգրան Ավինյանը հետքայլ է անում. հանրային տրանսպորտի սակագների կիրառման տրամաբանությունը կվերանայվի 01/21/2025 23:38 Խոշոր ու ողբերգական ավտովթար՝ Արագածոտնի մարզում. Ուշիի ոլորաններում բախվել են «Howo» բեռնատարն ու «Mercedes»-ը. կան զոհեր ու վիրավորներ 01/22/2025 13:29 Թալանել են տունս, տարել են գումար, մի քանի ոսկյա շղթա, ժամացույց, վնասի չափը կազմել է 7,5-8 մլն դրամի չափով է. Հրաչյա Հակոբյան 01/23/2025 16:00 Մեր սիրելի վարչապետը առանց ձեզ էլ մեզ կընդուներ, ես դժգոհ չեմ, եկել եմ աչքդ հանեմ. բողոքի ակցիայի մասնակիցը՝ լրագրողին 01/23/2025 12:51 Սեյրան Օհանյանի մեղադրանքը վերաորակվեց, դատախազը հրապարակեց մեղադրանքի որոշումը 01/22/2025 21:21 Անփութությամբ թույլ տրված դատական սխալների համար դատավորը չի կարող ենթարկվել քրեական պատասխանատվության, ԲԴԽ-ն պետք է կանխեր վատ պրակտիկան․ փաստաբանը՝ Գառնիկ Ստեփանյանի գործի մասին 01/23/2025 10:45 Դատարանը Ռոբերտ Քոչարյանի նկատմամբ նկատողություն հայտարարեց 01/22/2025 21:39 Կոշում տեղի ունեցած բանակի քեֆն ավարտվել է վիճաբանությամբ և ծեծկռտուքով․ վիրավորների մեջ է նաև զորակոչիկը 01/21/2025 20:49 Կանանց բացատրել են սեքսի ժամանակ ցավի պատճառները եւ նշել դրանից խուսափելու միջոցները 01/22/2025 10:56 Մինչև 300,000 դրամ փոխանցումները կարող եք չհայտարարագրել. Չախոյան 01/23/2025 08:22 Որքան գումար պիտի ծախսի քաղաքացին` հայտարարագիր լրացնելու համար. «Ժողովուրդ» 01/22/2025 22:02 17-ամյա երիտասարդը փորձել է փրկել ջրվեժն ընկած ընկերուհուն և զոհ դարձել 01/21/2025 21:43 Բաքվում ԼՂՀ նախկին ղեկավարների «ցուցադրական» դատավարությունը Ալիևի անձնական վրեժխնդրության ակտ է․ Զատուլին 01/22/2025 16:49 Տավուշում ապրող մեր հայրենակիցները սպասում են այդ հարցի պատասխանին՝ Ոսկեպար-Կիրանց ճանապարհի որևէ հատվածի հանձնում Ադրբեջանին կա՞.Դանիելյանը՝ Գրիգորյանին 01/21/2025 23:44 Դատավոր Գառնիկ Ստեփանյանի լիազորությունները կասեցվել են. քրեական հետապնդում կհարուցվի

Ապօրինի հեռախոսակապի աղմկահարույց գործով դատարան է ուղարկվել երկրորդ քրեական գործը 01/04/2014 21:42 | ՀՐԱՏԱՊ ԹԵՄԱ

Ապօրինի հեռախոսակապի աղմկահարույց գործով մեղադրանք է առաջադրվել «ԱրմենՏել» ՓԲ ընկերության տնտեսական անվտանգության ծառայության աշխատակից Վիգեն Չիլինգարյանին, ով մի քանի տարի գտնվել է հետախուզման մեջ, եւ նրա վերաբերյալ գործն ուղարկվել է դատարան:

Չիլինգարյանն ի պաշտոնե լիազորված է եղել բացահայտել ապօրինի հեռախոսակապեր իրականացնելու դեպքերը եւ 2010 թվականի մարտ ամսին տեղեկացել է, որ ՀՀ ԱԱԾ նախկին աշխատակից Ռոբերտ Լաիշյանը բջջային հեռախոսների «Իզի» տեսակի քարտերի միջոցով ապօրինի հեռախոսակապ է իրականացնում: Սակայն նրան պատասխանատվության ենթարկելու հարցը բարձրացնելու փոխարեն, ըստ առաջադրված մեղադրանքի, իր ծանոթ` ՀՀ ԱԱԾ հակահետախուզության գլխավոր վարչության 4-րդ բաժնի պետի տեղակալ և 3-րդ բաժանմունքի պետ Արմեն Տեր-Մինասյանի հետ նախնական համաձայնությամբ խարդախությամբ խոշոր չափերի գումար հափշտակելու դիտավորությամբ՝ ՀՀ ոստիկանության ԿՀԴՊԳ վարչության կողմից՝ ապօրինի հեռախոսակապ իրականացնելու կապակցությամբ Ռոբերտ Լաիշյանին պատասխանատվության չենթարկելու համար նույն վարչության առանձին աշխատակիցներին կաշառք տալու պատրվակով, վերջինից պահանջել են 1.206.030 ՀՀ դրամին համարժեք 3.000 ԱՄՆ դոլար գումար, որը Ռոբերտ Լաիշյանի կողմից 2010 թվականի ապրիլի 6-ին փոխանցվել է Արմեն Տեր-Մինասյանին, որն էլ խարդախությամբ հափշտակել են։

Վ.Չիլինգարյանին մեղադրանք է առաջադրվել ՀՀ քրեական օրենսգրքի 178-րդ հոդվածի 2-րդ մասի 1-ին եւ 2-րդ կետերով (մի խումբ անձանց կողմից նախնական համաձայնությամբ խոշոր չափերով խարդախություն)

Հիշեցնենք, որ ԱԱԾ աշխատակից Արմեն Տեր-Մինասյանի վերաբերյալ դրվագը դատարան է ուղարկվել դեռեւս 2010 թվականի մայիսին, իսկ Չիլինգարյանի վերաբերյալ դրվագն անջատվել էր առանձին վարույթ եւ նրա նկատմամբ հայտարարվել էր հետախուզում:

Նշենք, որ Լաիշյանի կողմից ապօրինի հեռախոսակապ իրականացնելու մասին տեղեկություններին օրենքով սահմանված կարգով ընթացք չտալու համար, քրեական գործի նյութերի համաձայն, ի սկզբանե Ա. Տեր-Մինասյանը եւ Վ. Չիլինգարյանը նրանից պահանջել էին 5000 դոլար, ապա` համաձայնության եկել 3000 ԱՄՆ դոլարի շուրջ:

Նախնական պայմանավորվածության համաձայն` 2010թ. ապրիլի 6-ին` ժամը 17:00-ի սահմաններում, Երեւանի Նալբանդյան եւ Խանջյան փողոցների խաչմերուկի մոտակայքում Ա.Տեր-Մինասյանը հանդիպել է Ռ.Լաիշյանին եւ ԱԱԾ վարչական շենքի թիվ 2 մուտքի մոտ նրանից անձամբ ստացել 1 206 030 ՀՀ դրամին համարժեք 3000 ԱՄՆ դոլար կաշառք: Մինչ հանդիպման վայր գնալը՝ Ռ.Լաիշյանը 2010 թվականի ապրիլի 6-ին հաղորդում էր ներկայացրել ՀՀ ոստիկանության կազմակերպված հանցագործությունների դեմ պայքարի գլխավոր վարչություն՝ ապօրինի հեռախոսակապ իրականացնելու վերաբերյալ նյութերին ընթացք չտալու համար Ա.Տեր-Մինասյանի և Վ.Չիլինգարյանի կողմից իրենից 3000 ԱՄՆ դոլար կաշառք պահանջելու մասին:

Ռ.Լաիշյանը Ա.Տեր-Մինասյանի հետ հանդիպման ժամանակ վերջինիս է տվել ՀՀ ոստիկանության ԿՀԴՊԳՎ աշխատակիցների կողմից, մասնագետի մասնակցությամբ, հատուկ քիմիական փոշով մշակված 30 հատ ԱՄՆ 100 դոլարանոց թղթադրամները: Բացի այդ՝ դատարանի որոշման հիման վրա ոստիկանության ԿՀԴՊԳՎ-ն 2010 թվականի ապրիլի 6-ին ձայնագրել է Ա.Տեր-Մինասյանի ու Ռ. Լաիշյանի, ինչպես նաև՝ Վ.Չիլինգարյանի ու Ռ.Լաիշյանի՝ կաշառքի գումարը փոխանցելու նպատակով հանդիպելու վերաբերյալ հեռախոսային խոսակցությունները, ինչպես նաև գաղտնատեսաձայնագրառել՝ Ա.Տեր-Մինասյանի կողմից Ռ.Լաիշյանից կաշառք ստանալու վերաբերյալ հանդիպման ընթացքում տեղի ունեցած խոսակցությունը:

Ձեռք բերված ապացույցների հիման վրա` Ա. Տեր-Մինասյանին նախաքննական մարմնի կողմից մեղադրանք էր առաջադրվել եւ ՀՀ քրեական օրենսգրքի 311-րդ հոդվածի 4-րդ մասի 2-րդ կետով: Առաջին ատյանի դատարանի 20.01.12թ. դատավճռով հիմնավորված էր համարվել առաջադրված մեղադրանքը եւ Արմեն Տեր-Մինասյանը դատապարտվել էր 7 տարվա ազատազրկման, սակայն հետագայում վերաքննիչ դատարանը մասնակի բավարարեց պաշտպանական կողմի վերաքննիչ բողոքը եւ բեկանեց առաջին ատյանի դատարանի դատավճիռը` գործն ուղարկելով նույն դատարան` այլ կազմով քննության:

Դատաքննության երկրորդ «փուլում» Երևանի Կենտրոն և Նորք-Մարաշ վարչական շրջանների դատարանը՝ դատավոր Մխիթար Պապոյանի նախագահությամբ, 2013 թվականի մայիսին ՀՀ ԱԱԾ Հակահետախուզության գլխավոր վարչության 4-րդ բաժնի պետի տեղակալ Արմեն Տեր-Մինասյանին ազատ արձակեց դատարանի դահլիճից: Դատավճռով ՀՀ քրեական օրենսգրքի 311-րդ հոդվածի 4-րդ մասի 2-րդ կետով՝ առանձնապես խոշոր չափերով կաշառք ստանալը, նրան առաջադրված մեղադրանքը վերաորակվեց ՀՀ քրեական օրենսգրքի 178-րդ հոդվածի 2-րդ մասով՝ խարդախություն, մեղադրանքի: Նա դատապարտվեց 4 տարվա ազատազրկման և ՀՀ Ազգային ժողովի համաներման մասին որոշման կիրառմամբ ազատ արձակվեց դատարանի դահլիճից: