Մելանյա Առուստամյան. Սա արդեն ինկվիզիցիոն դատավարություն է

ԲՈԼՈՐ ՆՅՈՒԹԵՐԸ

Բոլորը

11/22/2024 08:19 3 միլիոն դրամը փող չԷ՞․ «Հրապարակ» 11/22/2024 08:16 Անկախ աուդիտը, կարծես թե, անկախ է. ՔՊ նվիրատուները տուգանվում են. «Ժողովուրդ» 11/22/2024 08:13 Ով կփոխարինի Դավիթ Խուդաթյանին․ «Հրապարակ» 11/22/2024 08:09 Հովիկ Աղազարյանը անհարմար դրության մեջ է դրել Նիկոլ Փաշինյանին. «Ժողովուրդ» 11/22/2024 08:07 Ժամկետ խախտող նախարարը կպատժվի՞․ «Հրապարակ» 11/22/2024 08:04 Ում է բաժին հասնելու Զեյնալյանի պաշտոնը․ «Հրապարակ» 11/22/2024 08:01 Սեւանա լճի անտառտնկարկների մաքրման աշխատանքները ձախողվել են. «Ժողովուրդ» 11/22/2024 07:58 Ինչ է հայտարարագրել ՔԿ նախագահի հավանական թեկնածու Արթուր Պողոսյանը. «Ժողովուրդ» 11/21/2024 23:47 Սպիտակ տունը պատասխանել է ռուսական «Орешник» հրթիռի արձակմանը 11/21/2024 23:33 Մինչև Հայաստանի իշխանությունը հանցավոր լռում է, պաշտոնական Բաքուն ագրեսորի նոր իմիջ է կերտում Հայաստանի համար. Տիգրան Աբրահամյան 11/21/2024 23:23 Մանկապարտեզներին մատակարարվող սննդի որակը Երևանի քաղաքապետարանն առավել խիստ է հսկում 11/21/2024 23:06 Էլեկտրաէներգիայի՝ վաղվա անջատման հասցեները 11/21/2024 22:53 Չեխիայում մոտ հազար ուժայիններ բողոքում են ցածր աշխատավարձի դեմ 11/21/2024 22:36 Մհեր Գրիգորյանն ընդունել է Հայաստանում Իսպանիայի նորանշանակ արտակարգ և լիազոր դեսպան Ռիկառդո Մարտինես Վասկեսին 11/21/2024 22:22 Սիրիայում հրթիռակոծվել է ԱՄՆ-ի ռազմաբազան 11/21/2024 22:11 Ոստիկանի նախկին կինը խաղամոլության պատճառով թունավորել է 14 ընկերների 11/21/2024 21:51 Արմավիրի մարզում տեսախցիկն արձանագրել է «BMW»-ի և ջերմաքարշ գնացքի բախումը. քննչական բաժինն ու ոստիկանությունն էլ պարզել են մահացածի ինքնությունը 11/21/2024 21:35 Ռուսական նորագույն զենքին հակազդելու միջոցներ գոյություն չունեն. Պուտին 11/21/2024 21:29 Վարորդը մահացել է, ուղևորները տեղափոխվել են հիվանդանոց 11/21/2024 21:24 Թաթոյանն անդրադարձել է սահմանային և իրավական անվտանգության մարտահրավերներին և Արցախից հայերի զանգվածային բռնի տեղահանմանը 11/21/2024 20:59 Արարատ Միրզոյանը հեռախոսազրույց է ունեցել Իրանի արտգործնախարարի հետ 11/21/2024 20:46 Պաղեստինը պաշտպանել է Նեթանյահուի եւ Գալանտի ձերբակալման ՄՔԴ-ի օրդերը 11/21/2024 20:36 Հեղափոխությունը մտնում է «յակոբինյան» փուլ. Փաշինյանն էլ չգիտեր, որ պետք է հեռացնի այդ մարդկանց․ Շարմազանով (Տեսանյութ) 11/21/2024 20:35 Ինչ ժառանգություն թողեց Վահե Ղազարյանը 11/21/2024 20:32 Բասկետբոլի մեր թիմը հանդիպելու է բավական ուժեղ Ավստրիայի հավաքականի հետ 11/21/2024 20:20 Պետական դավաճանության մեջ մեղադրվող տղամարդն ինքնախոստովական ցուցմունքը տվել է ԱԱԾ-ում ծեծի ենթարկվելուց հետո․ նրան դիմակավորված անձինք ձերբակալել են 7 տարեկան երեխայի աչքի առաջ. պնդում է կինը 11/21/2024 20:14 Եւս մեկ բրոնզե մեդալ 11/21/2024 20:07 «Ռոսկոմնադզորն» արգելել է գիտական տարածել VPN-ի մասին 11/21/2024 19:59 Թուրք-ադրբեջանական տարաձայնություններն էներգետիկ ոլորտում. «Գեղարդ» հիմնադրամ 11/21/2024 19:42 Ֆինլանդիան կդադարի փախստականներին մշտական կացության կարգավիճակ տալ 11/21/2024 19:29 Թուրքիան Սոմալիում կհիմնի տիեզերական ռազմաբազա 11/21/2024 19:20 Ուսանողների մոտ պայքարելու մոտիվացիա կա, հեշտ չի լինելու նրանց Բրյուսովի շենքերից հանելը. Ցոլակ Ակոպյան 11/21/2024 19:06 Ժամկետային զինծառաողներ Սամվել Գրիգորյանն ու Հրայր Ալիխանյանը նվաճել են բրոնզե մեդալներ 11/21/2024 18:59 ՀՀ ԶՈՒ հավաքականը հունահռոմեական ոճում զբաղեցնում է 1-ին հորիզոնականը 11/21/2024 18:58 Վթարային ջրանջատում Արարատի մարզում նոյեմբերի 22/23-ին 11/21/2024 18:51 Նորվեգիայի թագաժառանգ արքայադստեր որդուն ձերբակալել են բռնաբարության մեղադրանքով 11/21/2024 18:45 Շատ ճիշտ գնահատական է, կամավորականությունը պետություն չունենալու մասին է. Մովսես Հակոբյան 11/21/2024 18:18 ՀՀ ԱԳ նախարարն ընդունել է Գերմանիայի Բունդեսթագի ԵՄ հարցերի հանձնաժողովի նախագահին 11/21/2024 18:01 Հակակոռուպցիոն կոմիտեի պաշտոնյաները ոսկեջրած արծաթյա ժամացույցներ են նվեր ստացել . «Հետք» 11/21/2024 17:56 Կումայրիի համայնքային ոստիկանները ապօրինի ձեռնարկատիրությամբ զբաղվելու դեպքեր են բացահայտել 11/21/2024 17:52 Խափանման միջոց կալանքի կիրառման դեպքերը նվազել են 6 տոկոսային կետով, իսկ անազատության հետ չկապված խափանման միջոցների կիրառման դեպքերն ավելացել են կրկնակի. Ամփոփում 11/21/2024 17:49 Ինչ կանոններ պետք է պահպանել ընթրելիս չգիրանալու համար 11/21/2024 17:48 «Ուղարկեց պատերազմ, գլուխները կերավ, իսկ հիմա ասում է՝ կամավորությունը սուտի բան ա». Իգոր Սարգսյանի կարծիքով՝ Փաշինյանը սկսել է Ալիեւի հերթական պահանջի կատարումը 11/21/2024 17:45 Վարչապետն ընդունել է ԳԴՀ Բունդեսթագի պատվիրակությանը 11/21/2024 17:22 Ասեղի պատճառով տղամարդու դեմքը մի քանի անգամով այտուցվել է 11/21/2024 17:16 Մարդու իրավունքների պաշտպանության համակարգում փախստականներին վերաբերելի խնդիրները կարևորագույններից են, սակայն հաճախ դրանք չեն արժանանում պատշաճ ուշադրության․ Անահիտ Մանասյան 11/21/2024 17:12 Վտանգավոր սննդամթերքի թողարկումը կասեցվել է 11/21/2024 17:04 Կարեն Սարուխանյանը շարունակո՞ւմ է մնալ Գյումրիի քաղաքապետի՝ ՔՊ-ի թեկնածուն. Էմմա Պալյանը՝ Սարուխանյանի մասին գյումրեցիների կարծիքի վերաբերյալ 11/21/2024 16:40 Արտածին դրական գործոնները թուլանում են։ Կառավարությունից պահանջվում են հրատապ գործողություններ. «ԼՈՒՅՍ» հիմնադրամ 11/21/2024 16:37 Ռոմանոս Պետրոսյանը կփոխարինի՞ Ռուտամ Բադասյանին

11/20/2024 15:33 Հայաստանը կանանց ձեռքերում է. Իշխանությունում ևս մեկ թև է ձևավորվել՝ Աննա Հակոբյանինը 11/21/2024 21:29 Վարորդը մահացել է, ուղևորները տեղափոխվել են հիվանդանոց 11/20/2024 11:17 «Պզոն» «Օրենքով գող» չէ ՝ ըստ դատական ակտի․ նա արդարացվել է 11/20/2024 20:14 Այս երկրում ինձ որևէ մեկը նման հրահանգ չի կարող տալ. Քպական պատգամավոր 11/20/2024 19:43 Սա նշանակում է, որ առաջիկայում պետք է պաշտոնանկ արվի Ալեն Սիմոնյանը, իսկ Լենա Նազարյանն ընտրվի նաև Ազգային ժողովի նախագահ․ Ղազարյան 11/21/2024 13:58 ԲԴԽ բոլոր նախագահների լիազորություններն են դադարեցվել՝ նախատեսված ժամկետից շուտ. Սա խոսում է իշխանությունների թևերի բաժանման սկզբունքի ի սպառ բացակայության մասին. Վարդազարյան 11/21/2024 08:30 Ո՞վ է Դիմել Քյարամյանին՝ Աղազարյանի որդու քրգործով. հայտնի են անուններ. բացահայտում. «Ժողովուրդ» 11/20/2024 12:51 ՔՊ-ական պատգամավոր Հովիկ Աղազարյանը հրաժարվում է վայր դնել մանդատը, նա խորհրդարանում է 11/20/2024 23:23 Էլեկտրաէներգիայի՝ վաղվա անջատման հասցեները 11/21/2024 21:51 Արմավիրի մարզում տեսախցիկն արձանագրել է «BMW»-ի և ջերմաքարշ գնացքի բախումը. քննչական բաժինն ու ոստիկանությունն էլ պարզել են մահացածի ինքնությունը 11/21/2024 08:17 Փաշինյանը թիմակիցներից մի քանիսին էլ է ուղարկել արյան անալիզ հանձնելու․ «Հրապարակ» 11/20/2024 19:01 Խոշոր ավտովթար՝ Շիրակի մարզում․ Մարալիկում բախվել են դիզվառելիք տեղափոխող «ԿամԱԶ»-ն ու «Nissan»-ը. 3 վիրավորներից 2-ը ՌԴ քաղաքացիներ են 11/21/2024 08:23 Անդրանիկ Քոչարյանն ու Սիսակ Գաբրիելյանը թեժ վեճ են ունեցել. ներթիմային գզվռտոցը շարունակվում է. «Ժողովուրդ» 11/20/2024 18:20 Կինը 9-ամյա տղային թողել է անտառում ու թաքցրել նրա հետքերը 11/21/2024 14:49 Երեք օրվա ընթացքում Ֆրանցիսկոս Պապին երկու անգամ ողջունելու հնարավորությամբ ինձ իսկապես օրհնված եմ զգում. Աննա Հակոբյան 11/20/2024 20:00 Առեղծվածային դեպք՝ Երևանում. Հաղթանակի կամրջի տակ հայտնաբերվել է տղամարդու մարմին. փրկարարներն այն դուրս են բերել մեծ դժվարությամբ 11/21/2024 12:29 Մարտից հետո արցախցիներին 50 հազար դրամի աջակցությունը կնվազեցվի 40 հազարի ու կտրվի միայն թիրախային խմբերին 11/21/2024 20:35 Ինչ ժառանգություն թողեց Վահե Ղազարյանը 11/21/2024 16:37 Ռոմանոս Պետրոսյանը կփոխարինի՞ Ռուտամ Բադասյանին 11/21/2024 16:15 Ով էր ճեպազրույցի ժամանակ զանգել Զախարովային

Մելանյա Առուստամյան. Սա արդեն ինկվիզիցիոն դատավարություն է 12/05/2013 11:12 | ՔՐԴԱՏՆԱԽԱԳԻԾ

Հայաստանի փաստաբանական համայնքի միասնական դիրքորոշում ունի շրջանառության մեջ դրված ՀՀ քրեական դատավարության նոր օրենսգրքի նախագծում մի շարք դրույթների առնչությամբ, որոնք, փաստաբանների կարծիքով, վտանգում են, մասնավորապես, մեղադրյալի իրավունքների պաշտպանությունը:

Դրանց թվում «առաջին տեղում է» մեղադրյալի խոստովանական ցուցմունքի դեպոնացման ինստիտուտը: Մտահոգություններ կան նաև տուժողների ու վկաների ցուցմունքների դեպոնացման հարցում՝ նորից մեղադրյալի պաշտպանության տեսանկյունից: Այս և այլ հարցերի շուրջ է «Փաստինֆո»-ի թղթակցի զրույցը մարզային աշխատանքների գծով ՀՀ փաստաբանների պալատի նախագահի տեղակալ, ՓՊ Խորհրդի անդամ Մելանյա Առուստամյանի հետ:

- Քրեական դատավարության նոր օրենսգրքի նախագիծը մի շարք մտահոգությունների տեղիք է տվել: Փաստաբանական համայնքն ունի՞միասնական կարծիք այդ կապակցությամբ:

- Ի սկզբանե նախագիծը Փաստաբանների պալատի, փաստաբանների համար մտահոգության առիթ է տվել: Այն փաստաբանների կողմից գնահատվել է որպես երկրում մարդու իրավունքների ու հիմնարար ազատությունների պաշտպանությունը վտանգող նախագիծ:

2011թ. մարտի 10-ի թիվ 9 արձանագրային որոշմամբ` կառավարության կողմից ընդունվել է հայեցակարգ, որի շրջանակներում պետք է կազմվեր Քրեական դատարավարության օրենսգրքի նախագիծը: Սակայն նախագծի հեղինակները դուրս են եկել հայեցակարգի շրջանակներից և տվել են այնպիսի լուծումներ, որոնք նախատեսված չեն հայեցակարգով: Հատկապես խոսքը մեղադրյալի ինքնախոստովանական ցուցմունքի դեպոնացման մասին է, որն ընդհանրապես նախատեսված չի եղել հայեցակարգով:

Այսպես, նախագծի 312-րդ հոդվածի 1-ին մասով նախատեսված կարգավորումը՝ «Ցուցմունքի դատական դեպոնացումը կատարվում է՝ 1. Մեղադրյալի խոստովանական ցուցմունքի պատշաճությունն ապահովելու նպատակով՝ քննիչի միջնորդությամբ» դուրս է Հայեցակարգի 6.23 –րդ հոդվածով նախատեսված ցուցմունքների դեպոնացման ինստիտուտի ներդրման շրջանակներից. ըստ Հայեցակարգի, ցուցմունքի դեպոնացում կարող է կատարվել միայն այն դեպքում, երբ որոշակի հանգամանքների բերումով հետագայում անձի հարցաքննությունը դատարանում կարող է դժվարանալ կամ անհնարին լինել:

Հարց է ծագում՝ եթե նախատեսված չէ Հայեցակարգով, ինչո՞ւ պետք է ներառվեն նախագծի մեջ՝ հատկապես հաշվի առնելով այն հանգամանքը, որ Հայեցակարգն ինքնին առաջադրել է այնպիսի պահանջներ, որոնք պետք է ավելի բարելավեին Քրեական դատավարության օրենսգիրքը, այլ ոչ թե ավելի վատթարացնեին այն, մասնավորապես՝ մեղադրյալի պաշտպանական իրավունքի իրականացման ասպեկտով:

Եթե նախագծի հեղինակները համաձայն չէին Հայեցակարգին, ապա պետք է դիմեին կառավարությանը՝ խնդրելով փոխել Հայեցակարգը, ապա նոր տային առաջարկվող լուծումները:

Խնդիրը շատ բարդ է, որովհետև աշխարհում ընդունված չէ մեղադրյալի խոտովանական ցուցմունքի դեպոնացում, առհասարակ եվրոպական երկրներում էլ ընդունված չէ: Մենք ինտեգրվում ենք եվրոպական իրավունքին, սակայն փորձում ենք ընդունել մեկ օրենք, որն ընդհանրապես նախատեսված չէ եվրոպական և ոչ մի երկրի օրենքով: Դա միայն ԱՄՆ-ում է ընդունված: Մեր իրավական մոդելը, սակայն, նման չէ ԱՄՆ-ի իրավական մոդելին:

- Ինչպե՞ս եք վերաբերվում տուժողի կամ վկայի ցուցմունքի դեպոնացման ինստիտուտին:

- Նախագծով նախատեսվում է նաև տուժողի, վկայի ցուցմունքի դեպոնացում: Ընդ որում, Հայեցակարգով բացառիկ դեպքեր են նախատեսվում, երբ որ վկան կամ տուժողը հետագայում հնարավորություն չի ունենալու ներկայանալու դատարան: Այդ դեպքում էլ նախագծի հեղինակները դուրս են եկել Հայեցակարգի շրջանակներից և տվել մեկ լուծում՝ «մեղադրյալի պատշաճ ցուցմունքն ապահովելու նպատակով»: «Պատշաճ ցուցմունք» եզրույթը նախատեսված չէ Հայեցակարգով և ի՞նչ ասել է՝ պատշաճ ցուցմունք:

Նման լուծումները, կարգավորումները ես համարում եմ կամայական, և Փաստաբանների պալատի շատ անդամներ նույնպես դա համարում են կամայական լուծում:

Մենք կարող ենք բազմաթիվ հիմնավորումներ ներկայացնել առ այն, որ նման կարգավորումների ընդունումը հետագայում վտանգելու է դատավարության մասնակիցների իրավունքները, սակայն ամենաէականը, որ մենք ուզում ենք առաջ քաշել, Ազգային ժողովի որոշ պատգամավորների միջոցով լոբբինգ անել, դա այն է, որ նախագծի հեղինակները դուրս են եկել Հայեցակարգի շրջանակներից:

Հայեցակարգով պահանջներ են դրվել նախագծի հեղինակների առջև, մասնավորապես, երաշխավորել իրավունքի հանրաճանաչ սկզբունքների հիման վրա քրեադատավարական ոլորտ ներգրավված անձի իրավունքների ու ազատությունների պաշտպանությունը, ներդնել դրանց սահմանափակման համաչափ ու թափանցիկ մեխանիզմները, ընդլայնել պաշտպանության կողմի իրավունքները, ուժեղացնել դատական վերահսկողության ինստիտուտը: Այսինքն՝ սրանք էին այն պահանջները, որոնք պետք է կիրառեին նախագծի հեղինակները նախագիծը կազմելիս:

Նախագիծը շրջանառության մեջ դրվելուց ի վեր որոշակի փոփոխություններ ամեն դեպքում եղել են, որոշ առաջարկներ ընդունվել են, որոշ առաջարկներ՝ ոչ, բայց որևէ կոնկրետ, առարկայական լուծում չի տրվել:

- Ի՞նչն է վտանգվում մեղադրյալի խոստովանական ցուցմունքը դեպոնացնելիս:

- Մենք գիտենք, որ մեր դատական պրակտիկայում սովորաբար մեղադրական դատավճռի հիմքում դրվում են նախաքննական ցուցմունքները, այսինքն՝ նախաքննական ցուցմունքները դատարաններն ավելի արժանահավատ են համարում, քան դատական քննության ընթացքում հրապարակային տրված ցուցմունքները, թեև Եվրոպական դատարանի նախադեպային իրավունքն ու Մարդու իրավունքների եվրոպական կոնվենցիան կարևորում են հրապարակային տրված ցուցմունքները:

Առաջարկվող ինստիտուտը քրեադատավարական պրակտիկայում չի կարող խոչընդոտել քննիչի կողմից անձանց նկատմամբ բռնություն կամ խոշտանգում կիրառելուն և դրանից հետո նոր միայն անձին հարցաքննելու նպատակով դատավորին ներկայացնելուն: Մինչդատական վարույթում քննիչն ամեն դեպքում կարողանում է ազդել մեղադրյալի վրա՝ հատկապես անազատության մեջ գտնվելու պարագայում: Իսկ դատարանն էլ մեղադրյալի ցուցմունքի դեպոնացման գործընթացում իրավունք չունի ըստ էության հարցեր տալ մեղադրյալին: Այսինքն՝ դատարանն ըստ էության քննություն չի կատարում: Նախագծով ցուցմունքի դեպոնացման գործընթացում պաշտպանի պարտադիր մասնակցություն չի նախատեսվում: Մենք գիտենք, թե սովորաբար ինչպես են մեղադրյալներին «մշակում» քննիչները. նախաքննության ընթացքում ասում են՝ քեզ պաշտպան պետք չէ:

Նախագծի հեղինակների այն փաստարկները, որ դատարան տանելով՝ բացառվում են ճնշումները, իրականությանը չեն կարող համապատասխանել, որովհետև մենք գիտենք մեր երկրի դատական համակարգում ինչ իրականություն է տիրում:

Նախաքննական մարմինը ցուցմունք է վերցնում և մեղադրյալին տանում է դատարան՝ ցուցմունքը դեպոնացնելու, այսինքն՝ օրինականացնում է այն, ինչ որ մինչև օրս օրինական չէր. եթե մինչև այժմ պաշտպանական կողմը կարողանում էր դատարանում վիճարկել, որ ցուցմունքը տրվել է ճնշման ազդեցության ներքո, առանց պաշտպանի և դատավարական խախտումներով, ապա այդ դեպքում օրինականացվում է նախաքննական մարմնի կողմից կորզված ցուցմունքը և դա հետագայում դրվում է մեղադրական դատավճռի հիմքում:

Բացի այդ, Մարդու իրավունքների եվրոպական կոնվենցիայի 6-րդ հոդվածի 3-րդ կետի «դ» ենթակետն ասում է, որ քրեական հանցագործություն կատարելու մեջ մեղադրվող անձն ունի իրավունք հարցաքննելու իր դեմ ցուցմունք տված վկաներին: Այս դեպքում էլ է խախտվելու մեղադրյալի իրավունքը, որովհետև եթե նախաքննության սկզբում վկաների ու տուժողների ցուցմունքների դեպոնացում տեղի ունենա, և մեղադրյալը և իր պաշտպանը հնարավորություն ունենան հարցեր տալ վկային կամ տուժողին, ապա դրանք պետք է լինեն միայն այն տեղեկությունների և գործի այն նյութերի շուրջ, որոնց պաշտպանական կողմը տվյալ դեպքում տիրապետում է:

Բացի այդ, վկայի կամ տուժողի ցուցմունքի դեպոնացման դեպքում հետագայում ձեռք բերված ապացույցների վերաբերյալ պաշտպանական կողմը, փաստորեն, հնարավորություն չի ունենալու վկային կամ տուժողին հարցեր տալ, ինչպես նաև վկաների ցուցմունքների միջև առկա հակասությունները չենք կարողանալու ստուգման ենթարկել: Այն գնալու է ապացույցների գնահատման դաշտ, և քանի որ Եվրոպական դատարանը ապացույցների գնահատման դաշտ չի մտնում, ուստի վտանգ կա, որ մեր դատարանները կարող են այդ ապացույցները գնահատել ինչպես ուզում են, և դարձյալ նախաքննական ցուցմունքները կդրվեն մեղադրական դատավճռի հիմքում: Ակնհայտ է, որ այս երկու ինստիտուտների ներդրմանը պետությունը, մեր դատաիրավական համակարգը դեռ պատրաստ չէ:

Բացի այդ, դեպոնացման ինստիտուտի կիրառումը կհանգեցնի նրան, որ էլ ավելի կծանրաբեռնի դատարանները. մեր դատական համակարգը ևս 100 դատավորի կարիք կունենա, որպեսզի կարողանանք այդ գործընթացն իրականացնել:

Նախագծով նախատեսվում է, որ առանձին դեպքերում քրեական հետապնդում իրականացնող մարմինը կարող է թույլ չտալ, որ անձը տեղեկացնի իր գտնվելու վայրի մասին: Հարց է առաջանում՝ ո՞վ է հրավիրելու մեղադյալի համար պաշտպան. օրենքով՝ քրեական հետապնդում իրականացնող մարմինն իրավունք չունի երաշխավորելու ինչ-որ փաստաբանի, քրեական հետապնդում իրականացնող մարմնի կանչով ներկայացած փաստաբանը, ըստ Փաստաբանների վարքագծի կանոնագրքի, ենթակա է կարգապահական պատասխանատվության:

Նախատեսվում է նաև, որ մեղադրյալը սուտ ցուցմունք տալու համար պետք է քրեական պատասխանատվության ենթարկվի, այն իր արտացոլումը կգտնի նաև Քրեական օրենսգրքում: Եվ ի՞նչ է ստացվում՝ մեղադրյալի խոստովանական ցուցմունքը մենք դեպոնացնում ենք, որից հետո եթե հանկարծ մեղադրյալը փորձի հակառակ ցուցմունքը տալ, ուրեմն նրա ցուցմունքներից մեկը պետք է գնահատվի որպես իրականությանը չհամապատասխանող, և նա դրա համար պետք է քրեական պատասխանատվության ենթարկվի:

Սա արդեն ինկվիզիցիոն դատավարություն է, որովհետև բոլոր մեղադրական դատավճիռների հիմքում կդրվեն հիմնականում մեղադրյալի ցուցմունքները: Արդյունքում պաշտպանական ինստիտուտն անելիք չի ունենա, մեղադրյալի իրավունքները կխախտվեն, նա կզրկվի ցուցմունք տալու ազատությունից: Այդ իսկ պատճառով Փաստաբանական պալատը բազմաթիվ քննարկումներ է իրականացրել և դրանց արդյունքում մեկ դիրքորոշում ունի՝ մեղադրյալի խոստովանական ցուցմունքի դեպոնացումը առհասարակ նախագծից հանել: Իսկ վկաների կամ տուժողների ցուցմունքների դեպոնացումը մենք հնարավոր ենք համարում միայն բացառիկ դեպքերում, երբ անձն այլևս չի կարող դատարանում ցուցմունք տալ՝ իր առողջական վիճակի պատճառով:

- Փաստաբանները դժգոհություններ են հնչեցնում նաև անձին առաջին անգամ կալանավորելիս միայն հիմնավոր կասկածը բավարար համարելու առնչությամբ:

- Նախագծի հեղինակներին փաստարկվել է, որ անգամ Եվրոպական դատարանը հիմնավոր կասկածի հետ մեկտեղ գոնե մեկ հիմք էլ է նախատեսում՝ ենթադրյալ փախուստ, պատասխանատվությունից խուսափել կամ քննությանը խոչընդոտել: Առանց այդ էլ այդքան շատ կալանավորում կա Հայաստանի Հանրապետությունում, ավելի շատանալու է: Որոշ մասնավոր զրույցներում դատավորներն ասում են, որ դա իրենք պարտադրված են անում, որպեսզի իրենց հանկարծ չմեղադրեն կոռուպցիայի մեջ:

- Փաստաբանները դժգոհում են նաև իրենց լիազորությունների ձևական լինելուց: Նախագծի հեղինակներըն անթույլատրելի են համարում զուգահեռ քննության անցկացումը:

- Եթե մեղադրող կողմը ապացույցներ է ներկայացնել և նրա ներկայացրած ապացույցներին առավելություն է տրվում, դրանով խախտվում է կողմերի հավասար մրցակցության սկզբունքը: Փաստաբանների մասնավոր հարցումներն ապացույց չճանաչելն արդեն ինքնին առարկայազուրկ է դարձնում այդ ինստիտուտը: Ես կարծում եմ, որ դրան էլ պետք է լուծում տրվի:

- Ինչպիսի՞ն են լինելու փաստաբանների առաջիկա քայլերը:

- ՀՀ ազգային ժողովի պատգամավորների միջոցով, մասնավորապես, մենք ունենք պայմանավորվածություն պատգամավոր Էդմոն Մարուքյանի հետ՝ նրա միջոցով փաստաբանների առաջարկությունների լոբբինգ իրականացնելու հարցում: ԱԺ մի շարք պատգամավորներ, նրանք, ովքեր հասկանում են քրեական դատավարությունից և պատկերացնում են հնարավոր վտանգները, համամիտ են մեզ հետ: Նախատեսում ենք նաև քննարկում անցկացնել, որին կհրավիրենք ՀՀ մարդու իրավունքների պաշտպանին, պատգամավորներին, շահագրգիռ մարմիննների ներկայացուցիչներին:

Հարցազրույցը վարեց Սոնա Մաշուրյանը