Փաստ ինֆո

Ոստիկանները ճտում են Պետերբուրգում տեղի ունեցած ՃՏՊ-ի հանգամանքները, որի հետևանքով մահացել է 2 ամսական երեխա: Երեխան գտնվել է 3 ավտոմեքենաներից մեկի մեջ, որոնք վթարի են ենթարկվել:

Ողբերգությունը տեղի է ունեցել նոյեմբերի 23-ին, իրավապահները ճշտում են  պատահարի բոլոր պատճառներն ու հանգամանքները: Լրագրողներին հայտնի է դարձել, որ  փոքրիկի ծնողները հիվանդանոց շտապելու փոխարեն, տուժած երեխային տարել են եկեղեցի, որտեղ էլ  մահացել է փոքրիկը:

Ինչպես հայտնում է «Петербургский дневник»-ը՝ այդ մասին ոստիկաններին հայտնել են շտապօգնության բժիշկները, որոնց  կանչել է քահանան, երբ հասկացել է, որ իրեն խնդրում են մկրտել մահացած երեխայի:

Որոշ տեղեկություններով, փոքրիկին հնարավոր կլիներ եղել փրկել, եթե անմիջապես նա տեղափոխվեր հիվանդանոց, սակայն երեխայի ընտանիքը հայտարարել է, որ նրանք շտապել են մկրտել երեխային, «որպեսզի նա կարողանա երկինք բարձրանալ»:

Ինչպես տեղեկացնում են ՌԴ քննչական կոմիտեից, նախնական տվյալներով, մայրն իր փոքրիկի հետ գնալիս է եղել եկեղեցի, երբ ճանապարհին ավտոմեքենան վթարի է ենթարկվել:

Երեխայի մոր խոսքով՝  փոքրիկը եղել է իր գրկում և  չի նկատել, որ նա հարված է ստացել: Տեղափոխվելով մեկ ուրիշ մեքենա՝ կինը շարունակել է ուղևորվել դեպի եկեղեցի, որտեղ էլ պարզվել է,որ երեխան կենդանության նշաններ չի ցուցաբերում: Քննիչները հայտարարել են, որ երեխայի մարմնի վրա վնասվածքներ չեն հայտնաբերվել:

«Интерфакс»-ին հայտնի է դարձել, որ փոքրիկի ծնողները տվյալ եկեղեցում նախապես պայմանավորվել էին երեխայի մկրտության համար  և տեղի ունեցած պատահարից հետո նրանք գնացել են եկեղեցի, քանի որ նրանց այնտեղ սպասել է քահանան, վերջինս էլ մկրտության ժամանակ հայտնաբերել է, որ երեխան մահացած է: