Փաստ ինֆո

Թերթն անդարադարձել է ՀՀ գլխավոր դատախազի տեղակալ Ա.Դանիելյանի` պաշտոնից ազատվելու թեմային: Այս կապակցությամբ թղթակիցը զրուցել է Ա.Դանիելյանի հետ և մի քանի հարց ուղղել նրան:

Թղթակցի հարցին, թե ճիշտ են արդյոք այն տեղեկությունները, որ նա ստիպված է եղել աշխատանքից ազատման դիմում գրել, քանի որ չի կարողացել աշխատել Գևորկ Կոստանյանի հետ, Ա.Դանիելյանը պատասխանել է. 

«Այդ որոշումը կայացվել է ՀՀ Նախագահի հետ համատեղ: Ու ասեմ, որ շատ հարգում եմ այդ որոշումը և հպարտ եմ, որ հնարավորություն ունեցա այս ժամանակահատվածում աշխատել դատախազության համակարգում: Կարծում եմ, որ ապագայում նորից հնարավորություն կընձեռվի աշխատել դատախազության համակարգում` իմ իրավաբանական գիտելիքները, իմ անձը դրսևորելու համար: Ես շնորհակալ եմ հանրապետության նախագահից»:

Միաժամանակ, Ա.Դանիելյանը նշել է, որ համատեղ ասելով` նկատի ունի, որ քննարկվել է գլխավոր դատախազի հետ, և ընդհանուր որոշում է եղել, որ ցանկալի կլինի, որպեսզի ինքը չաշխատի` հավելելով, որ ինքն իր համոզմունքներն ունի:

Իսկ թղթակցի այն դիտարկմանը, որ Ա.Դանիելյանը, ըստ մամուլում տարածված լուրերի, հայտարարել է, թե անհնար է աշխատել Գ.Կոստանյանի հետ, արդյոք իսկապես դժվա՞ր է աշխատել նորանշանակ գլխավոր դատախազի հետ, Ա.Դանիելյանն ասել է. «Մարդն ունի իր տեսակետը պնդելու իրավունք, ես այսօր ունեմ իմ իրավունքն արտահայտելու հնարավորություն:

Իմ գործունեությունն ապացուցեց, թե ես ինքս ինչ սկզբունքային անձնավորություն եմ: Չնայած իմ երիտասարդ տարիքին` ես դատախազության համակարգում դրսևորել եմ սկզբունքային, անաչառություն և այդպես էլ լինելու է իմ ամբողջ կյանքում»:

Իսկ այն հարցին, թե Ա.Դանիելյանին որ համակարգում են տեսնելու, պատասխանել է.«Ես վերադառնալու եմ»:

Հոդվածն ամբողջությամբ կարդացեք «Ժողովուրդ» օրաթերթի` 17.10.2013թ. համարում: