Փաստ ինֆո

Թերթի ուշադրության կենտրոնում է ՀՀ գլխավոր դատախազի տեղակալ Ա.Դանիելյանի` պաշտոնից ազատվելու թեման: Թղթակիցը հարցազրույց է ունեցլ Ա.Դանիելյաի հետ և մի քանի հարցեր ուղղել նրան:

Թղթակիցը, անդրադառնալով այն թեմային, թե համաձայն տեղեկությունների` հնարավոր չէ Գ.Կոստանյանի հետ լեզու գտնել, Ա.Դանիելյանը շեշտել է, որ Գ.Կոստանյանն ունի իր դիրքորոշումը, ինքն էլ` իրենը և կարող են, իհարկե,  խնդիրներ լինել: Բայց գտել են ավելի դրական լուծում, և հանարպետության Նախագահի որոշումը մեկնաբանելու առիթ չի տալիս:

Հարցին, թե արդյոք Ա.Դանիելյանի ասածը նշանակում է, որ դա եղել է Նախագահի որոշումը, Ա.Դանիելյանը պատասխանել է. «Իհարկե, ես եմ դիմումը ներկայացրել, բայց դա Նախագահի որոշելու խնդիրն է»:

Ինչ վերաբերում է դիմում ներկայացնելու պատճառներին, Ա.Դանիելյանը շեշտել է, որ ինքն ունի կոնկրետ հարցադրումների վերաբերյալ իր դիրքորոշումը, իր սկզբունքայնությունը, և հենց դրանից է բխում աշխատանքից ազատվելու դիմում ներկայացնելը` հավելելով, որ ինքն է որոշում շարունակե՞լ աշխատել դատախազության համակարգում, թե՞ ոչ: 

Ա.Դանիելյանը կտրականապես հերքել է այն, որ Գ.Կոստանյանն է հուշել նրան աշխատանքից հեռանալու միտքը:

Թղթակիցը նաև անդրադարձել է ընդհանրապես դատախազությունում կադրային փոփոխությունների հարցին: Այս առթիվ Ա.Դանիելյանը նշել է, որ յուրաքանչյուր ոք ինքն է որոշում աշխատել, թե` ոչ` հավելելով.  «Իհարկե, եթե օբյեկտիվ նախադրյալներ կան, որ նարնք պետք է ազատվեն, դա արդեն գլխավոր դատախազի տիրույթում է»:

Իսկ թղթակցի այն դիտարկմանը, որ այսօր դատախազությունում երկրաշարժ է, Ա.Դանիելյանն ասել է. «Դատախազությունում հնարավոր չէ երկրաշարժ անել»:

Ինչ վերաբերում է իր և գլխավոր դատախազի միջև տարաձայնություններ լինել-չլինելուն, Ա.Դանիելյանը նշել է` տարաձայնություններ չկան և չեն էլ կարող լինել:

Լրագրողը նաև հարցրել է, թե ուր է գնալու Ա.Դանիելյանն պաշտոնից հեռանալուց հետո, ինչին ի պատասխան` Ա.Դանիելյանն ասել է. «Ձեզ հավաստիացնում եմ, որ մենք ապագայում հանդիպելու ենք»:

Հոդվածն ամբողջությամբ կարդացեք «Ժամանակ» օրաթերթի` 17.10.2013թ. համարում: