Փաստ ինֆո

Թերթը գրում է, որ խմբագրություն է այցելել 53-ամյա Նունե Մկրտչյանը և պատմել, որ  վերաքննիչ քրեական դատարանի դատավոր Աիդա Հովհաննիսյանը չորս տարի է՝ իրեն խաբում է  և չի վերադարձնում մոտ 9000 դոլար պարտքը:

Ըստ Ն.Մկրտչյանի պատմածի՝ ինքը և դատավոր Ա.Հովյհաննիսյանը ծանոթացել են իր քավորի շնորհիվ: Մի օր էլ դատավորն ասել է, որ իր ամուսինը վատառողջ է ու իրեն շտապ գումար է հարկավոր:

Արդյունքում,  Ն.Մկրտչյանը դատավոր Ա.Հովհաննիսյանին 2մլն. գումար է տվել, որը հաստատել են նաև գրավոր: Հետագայում Ա.Հովհաննիսյանը, ըստ քաղաքացու, ևս 1մլն է ուզել, սակայն դրա համար որևէ թուղթ չի ստորագրվել:

Գումարի մի մասը դատավորը մաս-մաս վերադարձրել է, իսկ մոտ 2մլն. դրամի չափով գումարն այդպես էլ չի վերադարձրել:

Ինչպես գրում է թերթը, ըստ Ն.Մկրտչյանի՝ փաստորեն դատավոր Աիդա Հովհաննիսյանը հաճախ է իր ներկայությամբ ամուսնու հիվանդության անվան տակ տարբեր մարդկանցից գումարներ վերցրել:

Եվ այսպես, Ն.Մկրտչյանի պատմելով՝ դատավորն իրեն 4 տարի շարունակ խաբել է՝ վերցրած պարտքն ընդհանուր չափով հասցնելով  9000  դոլարի: 

Խմբագրություն այցելած կինը նաև նշել է, որ դատավորը մի անգամ էլ պարտք է եղել մի իրավաբանի, ով ձայնագրել է իրենց խոսակցությունը և հետագայում դատարանի միջոցով կարողացել է հետ ստանալ իր գումարը:

«Հետաքրքիր է, որ Նունե Մկրտչյանը այս դատավորից միակ տուժածը չէ»,- եզրափակում է թերթը:  

Հոդվածն ամբողջությամբ կարող եք կարդալ «ժողովուրդ» օրաթերթի՝ 12.10.13թ. համարում: