Փաստ ինֆո

Ստարսբուգում Սերժ Սարգսյանը պատասխանել է ԵԽԽՎ պատվիրակների հարցերին: Դրանց գերակշիռ մասը նվիրված է եղել Մաքսային միությանն անդամակցելու  և Ասոցացման համաձայնագրի շուրջ Հայաստանի դիրքորոշմանը: 

Սերժ Սարգսյանը հավաստիացրել է, որ Հայաստանն իր ուղուց չի շեղվել: «Մենք բանակցությունների հենց սկզբից եվրոպական հանձնաժողովից մեր գործընկերներին մշտապես ասել ենք, որ մեր քաղաքականությունը կայանում է շահերի համադրման և ոչ թե հակադրման մեջ»,- ասել է Սերժ Սարգսյանը, հավելելով. «Մեր գործընկերները մեզ հետ համաձայնել են ասելով, որ արևելյան գործընկերությունն ուղղված չէ որևէ այլ երկրի կառույցի դեմ և, որ Արևելյան գործընկերությունը մշտապես կարող է փոխլրացվել այլ կառույցների կողմից տարվող աշխատանքը»: 

Սերժ Սարգսյանը վերահասատատել է Հայաստանի պատրաստակամությունը Եվրամիության հետ Ասոցացման համաձայնագիր ստորագրելու, ցավով փաստելով, որ «Մաքսային միությանն անդամակցելու մասին մեր հայտարարությունից հետո Եվրոպական հանձնաժողովի մեր գործընկերներն ասացին, որ ուղղակի հակասություն կա Մաքսային միության և Ազատ առևտրի պայմանագրի միջև, կանոնների տարբերություն կա»:

ՀՀ նախագահը հայտնել է, որ ստեղծած իրավիճակում Հայաստանն առաջարկել է ստորագրել Ասոցացման համաձայնագիրը, հիշեցնելով որ այն հիմնական քաղաքական բարեփոխումներ է ենթադրում, որոնք մենք պատրաստ ենք իրականացնել մեր  երկրում: 

Անդրադառնալով Մաքսային միությանն անդամակցելու համար Հայաստանի նկատմամբ կիրառված հնարավոր ճնշումների մասին հարցին, Սերժ Սարգսյանն ասել է. «Որևէ պաշտոնյա ՌԴ-ից, կամ ՄՄ-ից կես բառ անգամ չի ասել Հայաստանի անդամակցության անհրաժեշտության մասին: Մենք ենք այդ ցանկությունը հայտնել, որովհետև ելել ենք շատ պարզ իրողությոնից. մենք 20 տարուց ավելին է, որ գտնվում ենք ռազմական անվտանգության մի համակարգում, որի բաղկացուցիչ մասերն են կազմում այն պետությունները, որոնք այսօր ձևավորել են ՄՄ-ը, և մենք չենք կարող մեկուսանալ աշխարհատնտեսական այն տարածքից, որի հետ 20 տարուց ավելի համագործակցում ենք»:

Այդուհանդերձ, պատասխանելով պատվիրակներից մեկի հարցին, թե ի՞նչ է պատրաստվում անել Հայաստանը Վիլնյուսում նախանշված   Արևելյան գործընկերության գագաթնաժողովին, այն պարագայում, երբ դրա շրջանակներում նախատեսված է նախաստորագրել Եվրամիության հետ Ասոցացման համաձայնագիրը, Սերժ Սարգսյանը հայտարարել է, որ Հայաստանը մասնակցելու է գագաթաժողովին, մինչ այդ բանակցված փաստաթղթում որոշակի փոփոխությունների ակնկալիքով, ևս մեկ անգամ ընդգծելով համաձայնագիրը ստորագրելու մեր երկրի պատրաստակամությունը:

«Քանի որ Ասոցացման համաձայնագիրը 2 դեմքով է հանդես գալիս` Ասոցացման համաձայնագիր և Ազատ առևտրի պայմանագիր, և քանի որ եվրոպացի մեր գործընկերներն ասում են, որ Ազատ առևտրի պայմանագրի դրույթները հակասում են ՄՄ դրույթներին, ապա մենք ակնկալում ենք առանձին ստորագրել Ասոցացման համաձայնագիրը»,-ասել է Ս.Սարգսյանը, փաստելով, որ դրանում նախատեսված բարեփոխումները կազմում են Հայաստանի և ԵՄ-ի հարաբերությունների առանցքը: