Փաստ ինֆո

Թերթի ուշադրության կենտրոնում է Պարույր Հայրիկյանի դեմ իրականացված մահափորձի գործով դատաքննությունը՝ հիշեցնելով, որ Վարդան Սեդրակյանին դատարանը մեղավոր է ճանաչել և  դատապարտվել ազատազրկման՝ 14 տարի ժամկետով: Թղթակիցը զրուցել է Պարույր Հայրիկյանի հետ, ով իր խոսքում մասնավորապես ասել է. «Ես բավարարված կլինեի, անվտանգության ապահովման տեսանկյունից եմ ասում, երբ հանցագործության կծիկը մինչև վերջ բացվեր: Դատարանն ու նախաքննությունն այս հարցում իրենց գործը չարեցին»: 

Թերթը գրում է, որ չնայած մեղադրողը Սեդրակյանի համար պահանջել էր 12 տարվա ազատազրկում, սակայն դատարանը նրան դատապարտեց 14 տարվա ազատազրկման:

Այնուամենայնիվ, Հայրիկյանը փաստել է, որ նախաքննությունը գոնե կարողացել է գնտել կծիկի ծայրը՝ նկատի ունենանլով, որ Սեդրակյանին 100 հազար դոլար գումար է փոխանցվել, և որ վերջինս իր ունեցվածքին ոչ համապատասխան ծախսեր է կատարել:

Այս կապակցությամբ Հայրիկյանն ասել է. «Բայց երբ դատարանը մերժեց նրանց որպես վկա կանչելու մեր պահանջը, ես հասկացա, որ դատարանը կախվածության մեջ է, կամ էլ կաշառքն այստեղ էլ է իր դերը կատարել»: 

Վ.Սեդրակյանի ստացած պատժի հետ կապված՝ Հայրիկյանը կարծիք է հայտնել, որ նա ստացել է նվազագույն պատիժ, այնպես որ «Պետք է երջանիկ զգան իրենց. 20 տարուց ցմահ է հասնում»:

Թղթակցի հարցին, թե «կծիկը մինչև վերջ բացելու համար» ինքը պատրաստվու՞մ է արդյոք բողոքարկել դատավճիռը, Հայրիկյանն ասել է, որ իր փաստաբանն այդ հարցերի վերջնական պատասխանը կտա՝ հավելելով, որ նաև փոխհատուցման հարց կա: 

Հոդվածն ամբողջությամբ կարող եք կարդալ «Առավոտ» օրաթերթի՝ 24.09.13թ. համարում: