Փաստ ինֆո

Թերթը գրում է, որ երեկ կառավարության շենքի մոտ բողոքի ակցիա էր անում Առինջ գյուղի բնակիչ Արուսյակ Սահակյանը, ում որդին՝ Հովհաննես Հովհաննիսյանը, արդեն մեկ տարի է, գտնվում է կալանքի տակ: Թերթի թղթակցին նա հայտնել է, որ իր որդին անհիմն է պահվում կալանքի տակ:

Ըստ Ա.Սահակյանի՝ 2012թ. հոկտեմբերին ոմն Արտյոմ Հակոբյան, ով վեցերորդ անգամ գողության համար դատապարտվել է և հիմա էլ նույն պատճառով կալանքի տակ է, իր տղային հեռախոս է վաճառել, իսկ որդին որոշել է այն գնել: Ըստ տիկնոջ՝ մինչև հիմա քննիչները թաքցրել են, որ Արտյոմի մոտ դանակ է եղել և դատի ընթացքում է պարզվել:  Հեռախոսի առքուվաճառքի նպատակով Ա.Հակոբյանը գալիս է Հ.Հովհաննիսյանի տուն:

«Մեր տան մեջ հայհոյում է որդուս, որդիս ասում է՝ ինչ իրավունքով ես հայհոյում: Սա դուրս է գալիս, գնում Ավանի ոստիկանության բաժանմունքում ասում, որ որդիս խփել է իրեն, հետո Նոր Նորքի բաժին են տանում: Հայհոյանքի ընթացքում իրար չեն վիրավորել, տղաս մի ապտակ է տվել, ընդամենը,- պատմել է Ս.Սահակյանը:

Նա լրագրողին միաժամանկ հայտնել է, որ որդին արդեն մեկ տարի է՝ ՔԿՀ-ում է, ունի հոգեկան խնդիրներ:

Ա.Սահակյանն իր խոսքում ասել է, որ դատական նիստերն անընդհատ հետաձգվում են և այս անգամ հետաձգվել է վկա Ժենյա Հակոբյանի պատճառով:

«Ծերեթելիից օրական 15 մարմնավաճառ  են բերում տանում, մի մարնավաճառի մի՞թե չեն կարողանում բերման ենթարկել»:  

Ոստիկանապետին դիմած ցուցապաստառում գրված է եղել. «Որդուս դատը հետաձգվեց՝ իրենց սարքած գործի վկա Ժենյա Հակոբյանին 4-րդ անգամ բերման չենթարկեցնելու պատճառով»:  

Հոդվածն ամբողջությամբ կարող եք կարդալ «Ժամանակ» օրաթերթի՝ 20.09.13թ. համարում: