Փաստ ինֆո

Երեկ ԱԱԾ-ից թերթը տեղեկացել է, որ քաղաքագետ, քաղաքական գործիչ Արկադի Վարդանյանի գործով նախաքննությունն ավարտվել է, և օգոստոսի 29-ին  գործն ուղարկվել է Կենտրոն և Նորք-Մարաշ վարչական շրջանների ընդհանուր իրավասության ադատարան:

Թերթը նշում է, որ Ա.Վարդանյանը ձերբակալվել էր մայիսի 18-ին՝ իր ընկերոջ՝ Արսեն Ավետյանի հետ:

Նարնք կասկածվում էին Ա.Ավետյանի հորը՝ Ռոբերտ ավետյանին, թունավորելու փորձ կատարելու մեջ:

«Այդ օրերին քննչական շրջանակից  չճշտված լուր սպրդեց, թե Արկադի Վարդանյանն ու Արսեն Ավետյանը գումարի կարիք ունեին և իբր համոզել էին Արսեն Ավետյանի տարեց հորը վաճառել իր երևանյան բնակարանը և վաճառքից գոյացած միջոցներն իրենց տալ՝ բիզնես նպատակներով օգտագործելու համար: Սակայն Արսենի հայրը չի հմաձայնել և կասկածելով, որ տղան ու նրա ընկերն ուզում են իրեն թունավորել՝ հայտնել էր իրավապահներին»,- գրում է թերթը՝ հավելելով, որ այս տեղեկությունները պաշտոնապես չէին հաստատվել:

Իսկ Ա.Վարդանյանին մեղադրանք է առաջադրվել ՀՀ քրեական օրենսգրքի 35-104-րդ հոդվածով: Առաջադրված մեղադրանքը Վարդանյանը չի ընդունել, որի մասին թղթակցին աասել է նրա փաստաբան Գայանե Գալոյանը:

Փաստաբանն իր ծոսքում նաև ասել է. «Կարծում  ենք, որ մեղադրանքը ճիշտ չէ: Ըստ մեղադրանքի՝ Ավետյանը ցանկացել է իր հորը թունավորման ճանապարհով սպանել, բայց հայրը բողոք չունի: Նա սկսզբում ներկայացել է բողոքով, բայց հետո ասել, որ չի հավատում, որ իր տղան նման բան կաներ»:

Թղթակցի այն հարցին, թե ճիշտ են այն լուրերը, որ Արկադի Վարդանյանը ֆինանսական ծանր վիճակում է, փաստաբան Գ.Գալոյանը պատասխանել է. «Ոչ: Նա Իսպանիայում վիլլա ունի, ոչ մի պարտ ք էլ չունի: Ես երեք ամիս է նրա շահերը ներկայացնում եմ, և մեկը չհայտնվեց, որ ասի՝ Արկադի Վարդանյանն իրեն պարտք է: Պարտք ունեցող մարդը հանրային պաշտպան կվերցներ, ոչ թե՝ փաստաբան: Իսկ ինձ վճարել են  ու բավականին բարձր»: