Փաստ ինֆո

Թերթը հարցազրույց  է ունեցել Փաստաբանների պալատի նախագահի թեկնածու Ա.Զոհրաբյանի հետ: Պատասխանելով լրագրողի հարցերին՝ Ա.Զոհրաբյանը նկատել է, որ մրցակցելն իհարկե որոշակի լարվածություն ենթադրում է, սակայն լավ կլիներ,որ դա լիներ որոշակի հավասարակաշռության սահմաններում: Հասարակությանը կապացուցվեր,որ ՓՊ-ում ընտրությունները տարբերվում են,քանի որ խոսքը փաստաբանների մասին է: Հասարակության մոտ ինտրիգ առաջացավ և հասարակությունը հետաքրքրվեց այս ընտրություններով:

Ա.Զոհրաբյանն իր խոսքում նշել է, որ Ռուբեն Սահակյանի օրոք Փաստաբանների պալատը մեծ ձեռքբերումներ է ունեցել, որոնք ինքը, ընտրվելու դեպքում, կպահպանի, իսկ առկա խնդիրները փորձելու է խուծել:

«Չընտրվելու դեպքում էլ անմասն չեմ մնալու խնդիրների լուծման հարցում: Ով էլ լինի Պալատի նախագահը, մենք կստիպենք, որ նա աշխատի փաստաբանների համար»,- ասել է Ա.Զոհրաբյանը:

Թղթակցի՝ փաստաբանների պալատի անհրաժեշտությանը վերաբերող հարցին թեկանծուն պատասխանել է.  «Պալատի անհրաժեշտությունը ոչ միայն օրենքով է արձանագրված, այլ, ընդհանրապես, զարգացած երկրներում փաստաբաններին համախմբող կառույցներ կան; Պալատն էլ այդպիսի մի կառույց է: Պալատը համախմբում է փաստաբանների խնդիրները; Եթե որևէ փաստաբան խնդիր է ունենում, Պալատն իր ամբողջ ռեսուրսներով պաշտպանում է այդ փաստաբանին: Բացի այդ, վերապատրաստման գործընթաց է իրականացնում, փաստաբանների վարքագծի վերահսկողություն իրականացնում: Եթե Պալատը հանենք, խաղի կանոններն ընդհանրապես կփոխվեն, և մենք կհայտնվենք քաոսում»: 

Թղթակցի այն դիտարկմանը, որ թեկնածուի հակառակորդը շեշտը դրել է փաստաբաններ պաշտպանված չլինելու վրա, Ա.Զոհրաբյանը նշել է. «Լինում են դեպքեր, երբ փաստաբանը հայտնվում է վատ, դժվարին դրության մեջ: Պալատը միշտ արձագանքել է այդ դեպքերին և կանգնել իր գործընկերոջ կողքին»:  

Իսկ հնչած այն կարծիքների  վերաբերյալ, թե այնպիսի երևույթներ կան, ինչպիսիք են օտարներ, յուրայիններ, Ա.Զոհրաբյանն իր խոսքում ասել է, որ դրանք վերացվելու են և լինելու է մեկ թիմ՝ փաստաբանների թիմ:

Իսկ այն հարցին, թե ինչպես է պատրաստվում թեկնածուն պայքարել այն փաստաբանների դեմ, որոնք միջնորդի դեր են խաղում՝ քննիչի, դատավորի և կողմի միջև կապեր հաստատելով, Ա.Զոհրաբյանը պատասխանել է.

«Այդ փաստաբանների դեմ արդեն պայքար հայտարարված է: Այդ պայքարը պարոն Սահակյանն է հայտարարել:

Նախ դա դժվար ապացուցվող բան է: Բայց որպեսզի դա կարողանանք ապացուցել և պայքարել նրանց դեմ, Փաստաբանի վարքագծի կանոնագրքում մի քանի այդպիսի թակարդային կանոններ կան նախատեսված: Փաստաբանը չի կարող բրոքերական միջնորդությամբ զբաղվել»: 

Հոդվածն ամբողջությամբ կարող եք կարդալ «Հրապարակ» օրաթերթի՝ 13.09.13թ. համարում: