Փաստ ինֆո

Իսկ թե ինչպե՞ս է համացանցում  պարի տեսագրությունը  տարածողը իմացել, որ հենց սա է եղել 12 արտիստների դժբախտ ճակատագրի պատճառը, անհայտ է, գրում է «newsru.com»-ը:

Նշենք նաև արտիստների մահապատժի փաստի մասին հաճախ հնչում են ամենատարբեր փորձագիտական կարծիքներ, ընդհուպ այնպիսի տեսակետ, որ մահապատիժ չի եղել: 

Օրինակ Ռուսաստանի գիտությունների ակադեմիայի Հեռավոր Արևելքի ինստիտուտի գիտաշխատող  Կոնստանտին Ասոլովը գտնում է, որ այդ տեղեկատվությունը լրագրողական «խայծ» է և ունի զուտ քարոզչական նպատակներ: Որպես դրա հիմնավորում, նա նշում է, որ արտիստների մահապատժի մասին առաջին անգամ գրել է հարավկորեական  «Chosun Ilbo» թերթը, որը հայտնի է տեղեկատվական «խայծեր» տարածելով:

Բացի այդ գիտնականը նշում է, որ արտիստների մահապատժի հիմնավորումներում թերթերը նշում են, որ տեսագրությունների հետ միասին նրանց մոտ հայտնաբերվել է Աստվածաշունչ, որով  միտում է եղել ընդգծելու նրանց հավատացյալ  լինելը: Եվ այստեղ ի հայտ է գալիս հակասություն, իսկ ինչպես կարող էին հավատացյալները նկարահանվել պոռնոգրաֆիական ֆիլմում:

Հյուսիսային Կորեայի առաջնորդի սիրուհու անունն առաջին անգամ արտասահմանյան մամուլում երևաց այն ժամանակ, երբ հայտնի դարձավ, որ աշխարհի ամենափակ երկրի ղեկավարն ամուսնանում է: Հաղորդվում էր, որ Հեն Սոն Վոլը Կիմ Չեն Ինի  հետ հանդիպում էր արդեն 10 տարի: Սակայն երկրի ապագա  ղեկավարի հայրը՝ Քիմ Չեն Իրը, դեմ էր  այդ կապին և պահանջում էր վերջ տալ հարաբերություններին: Դրանից հետո, ըստ լուրերի, երգչուհին ամուսնացել հյուսիսկորեացի մի գեներալի հետ,  որից որդի է ունեցել և հեռացել երկրից: