Փաստ ինֆո

Ֆուտբոլի Հայաստանի ազգային հավաքականը երկուշաբթի օրվանից կսկսի պատրաստվել աշխարհի առաջնության ընտրական մրցաշարի Չեխիայի և Դանիայի թիմերի հետ հանդիպումներին, որոնք տեղի են ունենալու սեպտեմեբրի 6-ին և 10-ին՝ համապատասխանաբար Պրահայում և Երևանում:

Սեպտեմբերի 2-ին՝ ժամը 19-ին, հայ մարզիկները Ավանի ֆուտբոլի ակադեմիայում կանցկացնեն առաջին մարզումը, որը բաց կլինի միայն լրագրողների համար: Հաջորդ երկու օրերին տեղի կունենան արդեն փակ պարապմունքներ: 

Առաջիկա հանդիպումներին կպատրաստվեն հետևյալ ֆուտբոլիստները. դարպասապահներ Ռոման Բերեզովսկին («Դինամո», Մոսկվա, Ռուսաստան), Գևորգ Կասպարովը («Զոբ Ահան», Իրան), Արսեն Բեգլարյանը («Գանձասար», Կապան), Գոռ Մանուկյանը («Փյունիկ», Երևան), պաշտպաններ Ռոբերտ Արզումանյանը («Ակտոբե», Ղազախստան), Կամո Հովհաննիսյանը, Վարազդատ Հարոյանը և Տարոն Ոսկանյանը (երեքն էլ «Փյունիկից»), Լևոն Հայրապետյանը («Վիձև», Լեհաստան), Հրայր Մկոյանը և Արթուր Ավագյանը (երկուսն էլ «Գանձասարից»), Անդրանիկ Ոսկանյանը («Միկա», Երևան), կիսապաշտպաններ Հենրիկ Մխիթարյանը («Բորուսիա», Գերմանիա), Արթուր Եդիգարյանը («Կայրաթ», Ղազախստան), Դավիթ Մանոյանը («Փյունիկ»), Կառլեն Մկրտչյանը («Անժի», Ռուսաստան), Գևորգ Ղազարյանը («Շախտյոր», Ղազախստան), Մարկոս Պիցելին («Կրասնոդար», Ռուսաստան), Արազ Օզբիլիսը («Սպարտակ», Ռուսաստան), Դավիթ Հակոբյանը և Կարեն Մուրադյանը (երկուսն էլ «Շիրակից», Գյումրի), Արտակ Դաշյանը («Գանձասար»), Վարդգես Սաթումյանը («Միկա»), հարձակվողներ Յուրա Մովսիսյանը («Սպարտակ», Ռուսաստան), Արթուր Սարկիսովը («Ուրալ», Ռուսաստան), Սարգիս Ադամյանը («Հանզա», Գերմանիա):