Փաստ ինֆո

 

ՀՀ փաստաբանների պալատի նախագահի թեկնածու Տիգրան Աթանեսյանի հետ «Փաստինֆո»-ի զրույցի ընթացքում խոսք գնաց նաև թեկնածու սևփիարային

մարտավարության,  առկա խնդիրների մասին: 

 

 

Ինձ դրդել է առաջադրվել, ընդ որում, վերջին պահին եմ այդ որոշումը կայացրել,  «ժառանգ» օպերացիան, որով Ռուբեն Սահակյանը ցանկանում է Պալատը փոխանցել իր վաղեմի տեղակալին: Քանի որ պրն. Զոհրաբյանը 7 տարի եղել է  Փաստաբանների պալատի նախագահի տեղակալ, ապա Պալատի գործունեության մեջ արմատացած բոլոր բացասական երևույթների համար պատասխան է տալիս նաև ինքը: 

Կրոմվել Գրիգորյանը չի կարող դառնալ  Փաստաբանների պալատի նախագահ զուտ փաստաբանների շրջանում իր ունեցած համբավի պատճառով: Կարող է ինքը լավ փաստաբան է, չգիտեմ,  բայց իր առաջադրումը նման է Ժիրինովսկու առաջադրմանը, այսինքն՝  ինքը միշտ կա,   բայց բացառվում է,   հա,  ունի մի 5-10 տոկոս ձայն և ոչ ավել:  Հետևաբար, եթե Կրոմվել Գրիգորյանն ու Արա Զոհրաբյանը միջև գնաց պայքարը,  միանշանակ  Արա Զոհրաբյանն է դառնալու Պալատի նախագահ:   Սա այդ օպերացիայի իմաստն էր,  որովհետև  ցանկացած լուրջ փաստաբան, եթե մասնակցեր քվեարկությանը,  կընտրեր Արա Զոհրաբյանին:     Բայց Պալատն ինքը գրասենյակ չէ, ինքը չի պատկանում մի քանի մարդու, ինքը բոլոր փաստաբաններինն  է: Դա է ինձ մղել մտնել պայքարի մեջ և առաջարկել փատաբաններին նոր գաղափարներ, թե ինչպես է պետք բարեփոխել Պալատը: Ես բազմիցս միշտ նշել եմ, որ շատ թերություններ կան, և իմ տեսահոլովակում անդրադարձա դրան, դա այն է, որ Պալատն իր փաստաբաններին չի պաշտպանում, երբ  որ դրա կարիքը կա: 

Շատ հետաքրքիր է, որ սկսեցին պատասխանել՝ բա ուր եմ ես փաստաբաններին պաշտպանելիս, առնվազն դա ծիծաղելի է: Դա ասում են մարդիկ, ովքեր 1-2 տարվա ստաժ ունեն, չեն էլ ամաչում գոնե հետաքրքրվեն ես ով եմ, նոր  նման բաներ ասեն: Հիշեցնեմ, Վահե Գրիգորյանի գործը 2005թ.,  ո՞վ էր Վահեի կողքին, ո՞ւր էր Պալատը,    չկար Պալատը, Վահեի կողքին ես էի, ես եմ կազմակերպել իր պաշտպանությունը: 2009թ. Արթուր Գրիգորյան, Արա Զաքարյան, Մուշեղ Շուշանյան, Սահմանադրական դատարանի որոշում՝ ո՞ւր էր Պալատը, թաքնվել էր, չեմ վախենում այդ բառից: Ես էի կանգնած իմ ընկերների կողքին, և  ճիշտ կլինի իրենցից հարցնեք, թե ես ինչ եմ արել: 

Ինձ մեղադրողները ասում են՝   Ստեփան Ոսկանյանին ու Մուշեղ Շուշանյանին պաշտպանելուց ո՞ւր էր Տիգրան Աթանեսյանը, երկուսն էլ իմ ընկերներն են, երկուսի հետ էլ խոսել եմ, սարսափելի վրդովված էին այդ ամեն ինչից,  այսինքն՝ սև փիառ օգտագործում են իմ մրցակիցները: Ես անում եմ  առողջ քննադատություն, և իմ քննադատությունը տեղին է, հակառակ դեպքում չէին փորձի դա պիտակավորել:

 

 

Ես առաջ եմ քաշել գաղափարներ, ես իմ անձը չեմ առաջ քաշում: Եվ արդեն փաստաբաններն իրենք պետք է որոշեն ինչ է իրենց դուր գալիս, ես համոզված եմ, որ իմ գաղափարները ճիշտ են,  ես չեմ աշխատում էժան փիառի վրա,  ուզում եմ ցույց տալ, որ Փաստաբանների պալատի ներսում կան առողջ գաղափարներ, առողջ ուժեր, կկազմեն նրանք մեծամասնություն, թե ոչ, դա ցույց կտա քվեարկությունը,  դա ցույց կտա  նաև իմ աշխատանքը, թե կկարողանամ   այդ գաղափարները մարդկանց հասցնել և հավատ ներշնչել, որ այդ գաղափարները ես կարող եմ իրականացնել, թե ոչ: 

 

 

Պալատի ֆինանսական գործունեությունը  պետք է լինի պարզ,  նպատակային, թափանցիկ, Պալատը պետք է պաշտպանի իր փաստաբաններին, նրանց կողքին լինի, երիտասարդ փաստաբանների գործունեությանը սատարելու ծրագիր պետք է լինի:  Ներկայումս բացարձակ չկա ոչ մի միջազգային համագործակցություն, խոշորագույն երկու միջազգային փաստաբանական կազմակերպություններին՝ Փաստաբանների միջազգային ասոցիացիային ու Փաստաբանների միջազգային միությանը,   մենք անգամ չենք անդամակցում, Ադրբեջանը, Վրաստանը կան, մենք չկանք: Չկա ոչ մի նպատակային քաղաքականություն: Սակայն ամենավատը մթնոլորտն է, փաստաբանների 90 տոկոսի համար Պալատն ընդամենը դրամարկղ է, որտեղ անդամավճար են վճարում: Շատ փաստաբաններ գիտեմ, որոնք  Պալատ չայցելելու համար բանկով են փոխանցում անդամավճարը՝ միայն թե Պալատ չգնան:

Փաստաբանները պետք է միասնական լինեն ընդհանուր խնդիրների դեպքում, դա բացարձակ չկա: 

 

 

Իհարկե, կայանում է: Ունենք շատ լավ երիտասարդ փաստաբաններ, ովքեր չեն վախենում, պայքարում են, նաև փորձառու փաստաբաններ ունենք: Միայն փաստաբանական ինստիտուտի մեղքը չէ, որ  չի կարողանում վերջնական հզոր կայանալ, պետության ընդհանուր վիճակն է:  Պետությունում դատավորները փաստաբաններից հարուստ են, և պետությունը խնդիր ունի, հակառակը պետք է լինի, երբ որ եղավ հակառակը, ուրեմն երկիրն ինչ-որ տեղ զարգանում է: Իհարկե, Պալատը չի կարող լուծել բոլոր խնդիիրները, բայց գոնե ապահովել, որ լինեն  միասնական  ամենակարևոր հարցերում,  պաշտպանեն իրար, դա Պալատը կարող է: 

 

 

Բոլոր ընտրված գերատեսչությունների հետ փաստաբանն աշխատում է ամեն օր, և բոլոր այդ գերատեսչությունների աշխատանքում կան շատ մեծ խնդիրներ, նույնիսկ, իմ կարծիքով ազգային անվտանգության մակարդակի խնդիրներ: Ես տեսահոլովակում փաստաբաններին «հարազատ» տեղերն էի ցույց տալիս, որտեղ ամեն օր այցելում ենք, և նշում այն խնդիրները, որ յուրաքանչյուր փաստաբան ունի՝ շփվելով այդ մարմինների հետ: 

 

 

Ձևավորելու համար առողջ և թիրախային քննադատություն պետք է համակարգված աշխատանք տանել: Ես ունեմ գործեր, որոնցով Վճռաբեկ դատարանի որոշումներն ակնհայտորեն հակասում են նախադեպային իրավունքին:Պետք է ցույց տանք, որ նախադեպերը չեն աշխատում: Նախադեպային իրավունքը կոռուպցիայի ամենամեծ թշնամին է, նախադեպի միջոցով դատարանը դառնում է կանխատեսելի: