Փաստ ինֆո

Թերթը գրում է, որ օրերս Բուդաղյանների փաստաբան Հայկ Ալումյանն ասուլիսում հայտարարել է, որ Գորիսի դեպքերից հետո՝ հունիսի 2-ից, ապատեղեկատվության մեծ ալիք է բարձրացել՝ դրա աղբյուրը համարելով զինդատախազությունը:

Այս կապակցությամբ թերթի թղթակիցը զրուցել է ՀՀ զինդատախազի տեղակալ Արտակ Հարությունյանի հետ, ով կտրականապես հերքել , որ զինդատախազությունը որևէ ապատեղեկատվություն է տարածել:

«Այն փաստերը, որոնք ներկայացվում են հանրությանը, դրանք բոլորը հիմնված են փաստերի վրա՝ հարցաքննություններ, արձանագրություններ, որոշումներ»,- ասել է Ա.Հարությունյանը:

Ինչ վերաբերում է համացանցում հայտնված տեսաձայնագրությանը, Ա.Հարությունյանը շեշտել է, որ բովանդակային առումով համացանցում տեղադրված տեսագրությունը և վարույթն իրականցնող մարմնի տրամադրության տակ եղած տեսագրությունը , որի կապակցությամբ փորձաքննություն է կատարվել, նույնն են:

Ա.Հարությունյանի դիտարկմամբ՝ երբ Հ.Ալումյանն ասել է, որ տեսանյութը մոնտաժված է, նկատի է ունեցել դրանում տեղադրված սլաքները, թե այստեղ այսինչը եղավ, այստեղ հնչեց կրակոց:  «Հիմա սլաքնեչր տեղադրողը օպերատոր է եղել, թե ինչ է եղել, իր սուբյեկտիվ ընկալմամբ այդ մարդը սլաքներ է դրել: Բայց դա չի նշանակում, որ նախաքննության մարմինը դա ընդունել է հիմք»,- ասել է Ա.Հարությունյանը:

Թղթակցի այն հարցին, թե ինչպես է տեսանյութը հայտնվել որոշ մարդկանց ձեռքում, երբ դեպքից հետո այն առգրավվել է քննչական մարմինների կողմից, Ա.Հարությունյանը  նշել է, որ զինդատախազությունը դրա հետ որևէ առնչություն չունի. «Տեսանյութն առգրավվել է ոչ մեր կողմից, այլ՝ վարույթն իրականացնող մարմնի կողմից, փաթեթավորված տրամադրվել է մեզ, հետո փաթեթով հադերձ՝ հանձնվել փորձագետներին: Մենք հնարավորություն չենք էլ ունեցել բացելու այդ փաթեթը: Փակ փաթեթով ինչպես առգրավվել է, նույն կնիքով էլ ուղարկվել է փորձագետներին»:

Լրատվամիջոցը հիշեցնում է, որ Հայկ Ալումյանը ասուլիսում հերքել է այն տեղեկությունը, թե Արտակ Բուդաղյանը հրաժարվել է ցուցմուքներ տալ, առերեսումների մասնակցել: Ըստ նրա՝ ամեն ինչ արվում է, որ Արտակ Բուդաղյանին տուժած կողմից տեղափոխեն պաշտպանվող սուբյեկտի կարգավիճակի: Սակայն, թերթի տեղեկացմամբ, զինդատախազի տեղակալ Ա.Հարությունյանը  թղթակցի հետ զրույցում պնդել է, որ իրականում Արտակ Բուդաղյանը հրաժարվել է մասնակցել առերեսումների և որ դա ապատեղեկատվություն չէ, ինչպես փորձում են ներկայացնել Բուդաղյանները: 

Միաժամանակ Ա.Հարությունյանը տեղեկացրել է, որ այն լուրը, որ Սուրիկ Խաչատրյանի տանից ինքնաշեն զենք է հայտբաերվել, ապատեղեկատվություն է. «Սուրիկ Խաչատրյանի տանից ինքնաշեն զենք չի առգրավվել»:

Իսկ թե ինչու են Բուդաղյանները զինդատախազությանը մեղադրում գործին միակողմանի մոտենալու մեջ, ըստ արտակ Հարությունյանի՝ «Երևի պաշտպանական տակտիկա է: Իրականացվում է բառիս ամենալայն իմաստով օբյեկտիվ նախաքննություն»:

Հոդվածն ամբողջությամբ կարող եք կարդալ «Առավոտ» օրաթերթի՝ 28.08.13թ. համարում: