Դատապարտյալի կինը դատարանում հայտարարել է, որ ամուսնուն ՔԿՀ-ում թագավորի պես է պահել

ԲՈԼՈՐ ՆՅՈՒԹԵՐԸ

Բոլորը

09/27/2024 14:45 Գրիգոր Մինասյանը շատ վտանգավոր բան է ասել, պիտի գա ու բացատրություն տա. Անդրանիկ Քոչարյան 09/28/2024 17:17 «Խոսում են էլի». Սամվել Կարապետյանը՝ «ՀԷՑ»-ը խլելու իշխանության ցանկության լուրերի մասին (տեսանյութ) 09/27/2024 16:15 «Զիբիլի վրայի կատու», «Սուրբ տեղա, ձեր տեղը չի, գնացեք»․ ՔՊ-ականները գերազանցում են իրենց իսկ հակառեկորդը․ լկտի վարքագծի համար չխանգարեց անգամ «Եռաբլուրում» լինելու հանգամանքը 09/28/2024 16:19 Սրբալույս Մյուռոնի օրհնության արարողություն՝ Մայր Տաճարում․ ուղիղ միացում 09/28/2024 13:48 Իշխանափոխությունից հետո շատ բաներ կբացահայտվեն. հարցվածների 49 տոկոսը Փաշինյանի կառավարությանն է մեղադրում Արցախը հանձնելու մեջ 09/28/2024 20:58 Սա ևս մեկ լավ երևույթ է, Էջմիածինը մաքրվեց նրանց տեսական ներկայությունից. Ռուբինյանը՝ երկրորդ ու երրորդ նախագահների բացակայության մասին (տեսանյութ) 09/28/2024 19:49 Անդրանիկ Քոչարյանը ջերմ ողջագուրվեց Լֆիկ Սամվելի հետ, որը փնտրում էր իր մեքենան՝ «ուր է իմ մաշնեն» (տեսանյութ) 09/27/2024 16:10 Էմոցիաներս չկարողացա զսպել, ՔՊ-ականներին մի քանի վանկարկում արեցի. Մետաքսե Հակոբյան 09/27/2024 17:17 23-ամյա երիտասարդ խոստովանեց, որ հրկիզողն ինքն է. Արաբկիրի ոստիկանների բացահայտումը չուշացավ 09/28/2024 11:43 Փաշինյանը կնոջ՝ Աննա Հակոբյանի, հետ Եռաբլուր է այցելել ու կադրեր հրապարակել (տեսանյութ) 09/27/2024 17:27 Ո՞ւմ շահերն է պաշտպանում ՔԿ նախագահ Քյարամյանը. Դադարեցվե՞լ են ադրբեջանցիների նկատմամբ քրեական հետապնդումները, ինչու է ՔԿ-ն լռություն պահպանում 09/27/2024 23:27 Սեպտեմբերի 30-ին մանդատները վայր չդնող պատգամավորները միջավայր են ստեղծելու ՀՀ-ի կործանման համար. Էդգար Ղազարյան 09/28/2024 00:00 Հեռու չէ այն օրը, երբ ժամանակավոր պարտությունը կփոխարինենք հաստատուն հաղթանակով. Առուշ Առուշանյան 09/27/2024 21:25 Բժիշկները բացահայտել են արյան բարձր ճնշման և քաղցկեղի միջև կապը 09/28/2024 08:02 Ինչպես կդասավորվի Փարսյանի ճակատագիրը․ «Հրապարակ» 09/28/2024 07:49 Փաշինյանի քրոջ փեսան հասարակ մասնագետից` ՄԻՊ գլխավոր քարտուղարի տեղակալ. «Ժողովուրդ» 09/28/2024 14:30 Վեդիի թիվ 2 միջնակարգ դպրոցում վնասվքածներ ստացած 9-ամյա աղջիկը մահացել է 09/28/2024 21:53 Տղամարդիկ և կանայք կիսվել են՝ սեքս-խաղալիքներով միգենի բուժման իրենց փորձով 09/28/2024 20:05 Հրավիրել էին, եկա. Չյոռնի Գագո (տեսանյութ) 09/27/2024 16:08 Նիկոլ Փաշինյանը և Ալեն Սիմոնյանը մտադիր են մասնակցել Մայր Տաճարի վերաօծման արարողությանը

Դատապարտյալի կինը դատարանում հայտարարել է, որ ամուսնուն ՔԿՀ-ում թագավորի պես է պահել 08/27/2013 23:37 | ՀՐԱՏԱՊ ԹԵՄԱ

«Նուբարաշեն» ՔԿՀ-ի պետի օպերատիվ գծով տեղակալ Դավիթ Մուրադյանի գործով այսօր հարցաքննվեց դատապարտյալ Արտակ Հակոբյանի կինը՝ Հայաստան Հակոբյանը` ըստ էության հաստատելով, որ քրեակատարողական հիմնարկում պատիժը կրող ամուսնու համար արտոնյալ պայմաններ են ստեղծվել` որոշակի վճարի դիմաց:

Այսպես, հարցաքննության ընթացքում վկան նախ հայտարարեց, որ ամիսը 1 անգամ գնացել է ամուսնու մոտ` երկարատև տեսակցության: Այսինքն՝ յուրաքանչյուր ամիս` 3 օր մնացել է նրա մոտ: Ապա նաեւ նշեց, որ գնալիս նրան գումարներ է տվել, ընդ որում՝ գումարների չափը տարբեր ժամանակ տարբեր է եղել: Վկան նաեւ նշեց, որ սկզբում չի իմացել, որ դատապարտյալ ամուսնուն տված գումարները նախատեսված են եղել իր երկարատև տեսակցությունների համար: Բացի այդ, վկան հայտնեց, որ «Նուբարաշեն» ՔԿՀ-ում ամուսնուն 2 անգամ հեռախոս է տարել: Հեռախոսներից մեկի հետ դատապարտյալը կնոջից պահանջել է նաև 200 ԱՄՆ դոլար՝ պարզաբանելով, որ նշված գումարի դիմաց Մուրադյանը հեռախոսը կփոխանցի իրեն:

Վկայի խոսքով ամուսինը գտնվել է 57 խցում, որտեղ 22 դատապարտյալ է եղել, ամբաստանյալ Մուրադյանը դատապարտյալին ասել է 4-րդ խուցը վերանորոգի ու գնա հանգիստ ապրի մինչև վաղաժամկետ ազատ արձակվելը, իսկ վաղաժամկետ ազատ արձակվելու հարցը կարգավորելու համար դատապարտյալի կինը՝ ամբաստանյալին է տվել 10 000 ԱՄՆ դոլար, սակայն մոտ 2 ամիս անց Մուրադյանը իր աշխատասենյակում վկային ետ է վերադարձրել այդ գումարը՝ պատճառաբանելով, որ իր ընկերը ով պետք է օգներ դատապարտյալ Արտակ Հակոբյանին վաղաժամկետ ազատ արձակվելու հարցում քաղաքում չի:

Նշված դեպքից 1,5 ամիս անց դատապարտյալի վաղաժամկետ ազատ արձակվելու հարցը նորից օրակարգում է եղել և վկան այս անգամ Մուրադյանին է տվել 4000 ԱՄՆ դոլար: Պահանջված գումարի չափի նվազումը փոքր ինչ տարօրինակ է թվացել վկային, սակայն ամուսինը պարզաբանել է, որ սեպտեմբեր ամսին համաներում է լինելու, հետեւաբար ավելի քիչ գումար է պետք «գործը գլուխ բերելու համար»:

Այս գումարը եւս որոշ ժամանակ անց Մուրադյանը վերադարձրել է. փոխանցել է Արտակ Հակոբյանին, վերջինս էլ գործով մյուս վկա` տաքսիստի միջոցով կնոջը:

Հարցաքննման ժամանակ պարզ դարձավ, որ արտոնյալ վիճակում է եղել նաեւ դատապարտյալի կինը, քանի որ քրեակատարողական հիմնարկ է մտել առանց ստուգվելու, ընդ որում` առանց հերթի, բայց գումարի դիմաց ներս են թողել անգամ մինչև «Նուբարաշեն» ՔԿՀ-ի պետի օպերատիվ գծով տեղակալ Դավիթ Մուրադյանի աշխատասենյակ, ով սույն գործով ամբաստանյալն է

Զատիկի կապակցությամբ գնացել է ամբաստանյալի տուն` ամուսնու վաղաժամկետ ազատ արձակվելու կամ դատապարտյալների հիվանդանոցում պահելու հարցերի շուրջ խոսելու նպատակով: Պարզ դարձավ նաև, որ այս ամբողջ ընթացքում վկայի և Դավիթ Մուրադյանի միջև հեռախոսային կապ է եղել:

Ամուսնուն դատապարտյալների հիվանդանոցում պահելու համար վկան ամսական վճարել է 600 ԱՄՆ դոլար:

Ինչ վերաբերում է խցին, ապա վկան նշեց, որ վերանորոգման համար անհրաժեշտ ամեն բան ինքն է գնել: Վկայի խոսքով՝ բոլորը գիտեին, որ իր ամուսնուն ՔԿՀ-ում թագավորի պես է պահել, սակայն այս ամենը եղել է Մուրադյանի աջակցությամբ:

Մուրադյանի տան կահույքի համար ևս վկան է վճարել: Ամիսներ անց Մուրադյանը, գնալով վկայի տուն, այդ գումարը ևս վերադարձրել է: Վկան նշեց նաև, որ ամուսինը նրան ասել է «դու գործ չունես այդ գումարի հետ, թող բերի ինձ տա»:

Սակայն այս տարվա սկզբներին դատապարտյալ Արտակ Հակոբյանին տեղափոխել են այլ ՔԿՀ և երբ գնացել է նրան տեսակցության, տեսել է նրան «ծեծված, ջարդված, աչքերը կարած»: Վկան դատարանում հայտնեց, որ ամուսինն այն ժամանակ հայտնել էր, թե Մուրադյանն է իրեն ասել «աչքերդ կարի, որ քեզ հիվանդանոց տեղափոխեն»:

Այս ամենից հետո դատապարտյալը Արտակ Հակոբյանը բողոքներ է ներկայացրել Դավիթ Մուրադյանի դեմ:

Մեղադրող դատախազը, էական հակասություններ տեսնելով վկայի նախաքննական և դատաքննական մարմնին տված ցուցմունքներում, միջնորդեց ընթերցել վկայի նախաքննական ցուցմունքի այն հատվածը, որտեղ վկան նշել էր, որ ամբաստանյալը զանգահարել է իրեն և խնդրել, որ ամուսնուն համոզի բողոքները հետ վերցնի, իսկ ինչ վերաբերում է գումարներին, ապա նշի, որ այդ գումարները Մուրադյանին պարտքով է տվել: Վկան պնդեց նախաքննական ցուցմունքը:

Հաջորդը հարցաքննվեց վկա Աշոտ Աղաջանյանը, ով կահույք արտադրող ընկերության գործադիր տնօրեն է: Վկան նշեց, որ առաջին անգամ իրեն զանգահարել է դատապարտյալ Արտակ Հակոբյանը` պատվիրելով պահարան և հեռուստացույցի տակդիր, որը կազմել է 100 000 դրա: Նրա վկայությամբ, այս կահույքը տեղափոխվել է ՔԿՀ: Այնուհետև զանգահարել է Դավիթ Մուրադյանը եւ պատվիրել մոտ 540 000 դրամ ընդհանուր արժողությամբ կահույք:

Վկա նշեց, որ կահույքի գումարը ինքը ստացել է մաս-մաս, Արտակի կնոջից: Պատվիրված կահույքը ամբաստանյալին է հանձնվել մինչեւ Ամանոր` 2012թ. դեկտեմբերի վերջ:

Տոներից հետո Մուրադյանը հանդիպել է վկային, սակայն դժվարացավ ասել պատահական է եղել հանդիպումը, թե ծրագրավորված, բայցեւայնպես դատարանն հայտնեց, որ նրա հետ տան կահույքի գումարի չափի և վճարման մասին խոսակցության չի եղել:

Վկա Արա Խաչունցն էլ նշեց, որ դատապարտյալ Արտակ Հակոբյանին ճանաչում է վերջինիս կնոջ միջոցով. նրանք հարևաններ են: Վկան տաքսի է վարում եւ դատապարտյալի կինը երբեմն օգտվել է իր ծառայություններից եւ նրա ամուսինը ցանկացել է ծանոթանալ իր հետ, վերջինս էլ Արտակի կնոջ հետ գնացել է «Նուբարաշեն» ՔԿՀ և ծանոթացել:

Երևանի Էրեբունի և Նուբարաշեն վարչական շրջանների դատարանում, սույն գործով հաջորդ նիստը տեղի կունենա օգոստոսի 30-ին: