Փաստ ինֆո

«Ժողովուրդ»-ի թղթակիցը զրուցել է Սյունիքի նախկին մարզպետ Սուրիկ Խաչատրյանի հետ, ով իր խոսքում  նշել է, որ ինքը երբևէ ցանկություն չունի Սյունիքում ունենալ իր սեփական իշխանությունը: Նրա խոսքով՝ այսօր գոյություն ունի օրինական իշխանություն, որն ինքը հարգում է:

Նախկին մարզպետն իր խոսքում նաև անդրադարձել է հայտնի տեսանյութին և ասել, որ այն հասանելի է բոլորին, և որ ՀՀ-ում չկա մասնագետ, որ տեսագրություններ կեղծի:

Թղթակցի այն հարցին, թե ինչու Ս.Խաչատրյանը չի պահանջում ձերբակալել Բուդաղյանին այն դեպքում, երբ նախկին մարզպետը հայտարարել էր, որ իր տան վրա հարձակվել են, Ս.Խաչատրյանը պատասխանել է.   «Գործը հարուցված է մեր բողոքի հիման վրա»: 

Մի բան հստակ է՝ հունիսի 1-ի միջադեպից հետո բոլորն սկսել են սուտ տեղեկություններ տարածել»:

Իսկ այն հարցին, թե ինչով է զբաղված Ս.Խաչատրյանն այժմ, վերջինս պատասխանել է, որ այս պահին անելու բան չունի և սպասում է օբյեկտիվ քննության. «Ես ոչ մեկից նեղանալու բան չունեմ, սա մի փորձություն էր, որ եկավ պատահեց: Ես այժմ պետք է հավաքվեմ, որ այս փորձությանը դիմանամ»,- ասել է Ս.Խաչատրյանը:

Հոդվածն ամբողջությամբ կարող եք կարդալ «Ժողովուրդ» օրաթերթի՝ 20.08.13թ. համարում: