Փաստ ինֆո

Թերթի թղթակիցը զրուցել է «Դեմոկրատիա այսօր»  թրաֆիքինգի ծրագրի ղեկավար Հ.Էդիլյանի հետ, ով իր խոսքում նշել է, որ այս տարվա կտրվածքով 8 մարդ դարձել է թրաֆիքինգի զոհ:

Ըստ ծրագրի ղեկավարի՝ Հայաստանում գոյություն ունեն թրաֆիքինգի հայտնաբերման հետ կապված խնդիրներ: Չնայած որ Հայաստանը միջազգային բարձր գնահատականի է արժանացել՝ այս ոլորտում ձեռնարկված քայլերի և կատարված աշխատանքների համար, և հայտնվել ենք պետդեպարտամենտի զեկույցի առաջին խմբում, սակայն  Հ.Էդիլյանը նշել է այն գործոնները, որոնք նպաստում են թրաֆիքինգի առաջացմանը՝ տնտեսական ծանր պայմաններ, գործազրկություն, աղքատություն և այլն:

Ինչպես նշել է Հ.Էդիլյանը. «Գործից անտեղյակ մարդիկ թրաֆիքինգը խառնում են մարմնավաճառության հետ»:

Հ. Էդիլյանի դիտարկմամբ՝ գոյություն ունի նաև տեղական թրաֆիքինգի երևույթը: Նա «Առավոտին» տեղեկացրել է նաև, որ կա կարծիք, թե շատ ավելի մեծ թիվ են կազմում դեպի ՌԴ մեկնող տղամարդկանց շահագործումը, բայց քանի որ այդ դեպքերը չեն հայտնաբերվում, նրանք չեն դիմում աջակցության համար, այդ գործերը դաշտից դուրս են մնում:

Թղթակիցը զրուցել է նաև ՄԱԿ-ի մարդու իրավունքների խորհրդի՝ ստրկության գծով հատուկ զեկուցող Գյուլնարա Շահինյանի հետ, ով տեղեկացրել է, որ ՀՀ-ում նշված խնդրի հետ կապված իրավիճակի ուսումնասիրություն ՄԱԿ-ից իրականացրել են պորտուգալացիները, ովքեր բվական դրականա են գնահատել ՀՀ-ում իրավիճկը:

Ըստ Գյուլնարա Շահինյանի՝ չնայած որ մի շարք քայլեր իրականացվում են խնդրի լուծման ուղղությամբ, սակայն դեռևս կան բացեր:

«Ամենակարևորներից մեկն այն է, որ մենք չունենք այն միջոցները, որով կանխենք այդ խնդրի առաջացումը: Հայսատանի նման հետխորհրդային երկրում աղքատությունը, համակարգին չվստահելը, ապագա չտեսնելը, պաշտպանված չլինելը, այն, որ օրենքն ընտրովի է աշխատում, հանգեցնում է նրան, որ շատ մարդիկ դառնան թրաֆիքինգի զոհ»,- ասել է Գ.Շահինյանը:

Հոդվածն ամբողջությամբ կարող եք կարդալ «Առավոտ» օրաթերթի՝ 20.08.13թ. համարում: