Փաստ ինֆո

Այն ժամանակ երբ Ադրբեջանը գերևարում է հայկական բանակի անզեն զիվորին և խախտելով միջազգային կոնվենցիաների պահանջները նրա նկատմամբ տարբեր բռնարարքների գործադրմամբ ստիպում  հրապարակավ հանդես գալ սեփական հայրենիքի դեմ, հայ-ադրբեջանական հակամարտության կարգավորման առաքելությունը ստանձնած միջազգային կառույցները խաղաղություն են արձանագրում երկու երկրների միջև:

Այսպես, ԵԱՀԿ-ն այսօր հերթական դիտարկումն է անցկացրել Հայ-Ադրբեջանական սահմանին:

Հայկական կողմից դիտարկումն անցկացրել են ԵԱՀԿ գործող նախագահի անձնական ներկայացուցչի դաշտային օգնականներ Խրիստո Խրիստովն ու Եվգենի Շարովը, իսկ ադրբեջանական կողմից«Վճարում ենք 100 դրամ» ԵԱՀԿ գործող նախագահի անձնական ներկայացուցիչ, դեսպան Անջեյ Կասպրշիկը և դաշտային օգնական Ուիլյամ Փրայորը:

Դիտարկումն անցկացվել է Տավուշի մարզի Այգեպար և դրան սահմանակից ադրբեջանական Թովուզի շրջանի Ալիբեյլի գյուղերի ուղղությամբ: Դիտարկումը սկսվել է 12:01-ին և ավարտվել 12:08-ին: 700 մետր հեռավորությունից վիզուալ կապ է հաստատվել: Դիտարկումն անցել է առանց միջադեպերի:

Նշենք, որ այսօրինակ դիտարկումների ընթացքում գրեթե մշտապես այսպիսի արդյունք է գրանցվում, քանի որ կողմերը նախապես զգուշացվում են եվրոպացի պաշտոնյաների ժամանման օրվա, ժամի և տեղի մասին:

Իսկ ինչ վերաբերում է դիտարկումներից դուրս տեղի ունեցող դեպքերին, ապա, համաձայն պաշտնական վիճակագրության տվյալների, միայն վերջին 7 ամիսների ընթացքում Ադրբեջանը 7960 անգամ խախտել է ԼՂ և Հայաստանի հետ հրադադարի ռեժիմը,1240 անգամ կիրառել է դիպուկահար զենք, 410 անգամ՝ խոշոր տրամաչափի սպառազինություն, այդ թվում՝ խոշոր տրամաչափի դիպուկահարային զենք: Ադրբեջանի կողմից հրադադարի ռեժիմի խախտման արդյունքում զոհվել է 3, վիրավորվել՝ 9 հայ զինծառայող և մեկ քաղաքացիական անձ: