Փաստ ինֆո

Ֆուտբոլի Հայաստանի ազգային հավաքականը չորս օր կպատրաստվի Ալբանիայի ընտրանու հետ օգոստոսի 14-ի արտագնա ստուգողական հանդիպմանը:

Փորձախաղին կպատրաստվեն 29-ը ֆուտբոլիստներ՝ այդ թվում նորեկներ, որոնցից Տիրանա կմեկնեն 23-ը: Գլխավոր մարզիչ Վարդան Մինասյանը ՀՖՖ պաշտոնական կայքին հայտնել է, որ հրավիրվածներից մի քանիսը կմասնակցեն նաև մինչև 21 տարեկանների Եվրոպայի առաջնության օգոստոսի 11-ին կայանալիք Ղազախստան-Հայաստան ընտրական հանդիպմանը: 

Ահավասիկ հրավիրվածների կազմը. դարպասապահներ՝ Ռոման Բերեզովսկի («Դինամո» Մոսկվա, Ռուսաստան), Գևորգ Կասպարով («Զոբ Ահան», Իրան), Արթուր Հարությունյան («Շիրակ»), Գոռ Մանուկյան («Փյունիկ»), պաշտպաններ՝ Ռոբերտ Արզումանյան («Ակտոբե», Ղազախստան), Վալերի Ալեքսանյան («Ռահ Ահան», Իրան), Հրայր Մկոյան, Արթուր Ավագյան (երկուսն էլ «Գանձասար»), Արտյոմ Խաչատուրով («Տիրասպոլ», Մոլդովա), Վարազդատ Հարոյան, Տարոն Ոսկանյան, Կամո Հովհաննիսյան (երեքն էլ «Փյունիկ»), Լևոն Հայրապետյան («Վիձև», Լեհաստան), կիսապաշտպաններ՝ Կառլեն Մկրտչյան («Մետալուրգ» Դոնեցկ, Ուկրաինա), Արթուր Եդիգարյան («Կայրաթ», Ղազախստան), Հենրիխ Մխիթարյան («Բորուսիա» Դորտմունդ, Գերմանիա), Դավիթ Մանոյան («Փյունիկ»), Գևորգ Ղազարյան («Շախտյոր» Կարագանդա, Ղազախստան), Մարկոս Պիզելի («Կրասնոդար», Ռուսաստան), Արաս Օզբիլիս («Սպարտակ» Մոսկվա, Ռուսաստան), Էդգար Մանուչարյան («Ուրալ», Ռուսաստան), Նորայր Ասլանյան («Վիլլեմ II», Հոլանդիա), Կարեն Մուրադյան («Շիրակ»), Վարդգես Սաթումյան («Միկա»), հարձակվողներ՝ Յուրա Մովսիսյան («Սպարտակ» Մոսկվա, Ռուսաստան), Արթուր Սարկիսով («Ուրալ», Ռուսաստան), Միխաիլ Մարկոսով («Սիբիր», Ռուսաստան), Սարգիս Ադամյան («Հանզա» Ռոստոկ, Գերմանիա), Աղվան Պապիկյան («Փյունիկ»):

Օգոստոսի 10-ից հավաքականը կհանգրվանի ՀՖՖ տեխնիկական կենտրոնում՝ Ֆուտբոլի ակադեմիայում, իսկ երեք օրից կմեկնի մրցավայր: Օգոստոսի 14-ին՝ ժամը 22:45-ին, Տիրանայի «Քեմալ Սթաֆա» մարզադաշտում տեղի կունենա Ալբանիա-Հայաստան ընկերական հանդիպումը: