Փաստ ինֆո

Պոդոլսկի մոտ տեղի ունեցած ավտովթարի մեջ մեղադրվող Հայաստանի քաղաքացի Հրաչյա Հարությունյանից «Россия 1» հեռուստաալիքի կողմից հանրության առջև ներողություն խնդրելու  միջնորդության տակ հուլիսի 21-ի դրությամբ  հավաքվել է 12,5 հազար ստորագրություն, գրում է «gazeta.ru»-ն՝ հղում անելով  «change.org» կայքին   :

Նախաձեռնության հեղինակ Նարեկ Ստեփանյանի կարծիքով,  Նոր Մոսկվայում այդ դեպքի մասին հեռուստաալիքի «Вести» ծրագրի թողարկած ռեպորտաժում «ԿամԱԶ»-ի վարորդի հասցեին հնչել է ոչ հարգալից արտահայտություն: Ռեպորտաժի հեղինակ Օլգա Սկաբեևայի խոսքերով, Հայաստանի քաղաքացու  ցուցմունքներ տալուց  հրաժարվելը կապվել  է  ոչ թե առողջության հետ, այլ  համարվել խաբեություն:

«Լրագրողուհին իրեն դրսևորել  է բացահայտ  ագրեսիվ, որն անթույլատրելի է լրագրողական վարվելակերպով, նա առանձնահատուկ  եղանակով առանձնացրել է Հարւթյունյանի ազգությունը, նրա անունը արտաբերել է առանձնահատուկ շեշտադրմամբ»,- ասվում է հաղորդագրության մեջ:

Այժմ  էլեկտրոնային թղթապանակը հավաքված ստորագրություններով պետք է փոխանցվի  «Россия 1» հեռուստաալիքին:

Հիշեցնենք, որ հուլիսի 13-ին Նոր Մոսկվայում Հրաչյա Հարությունյանի ավազաքարով լի բարձված  «ԿամԱԶ»-ը բախվել էր մարդատար ավտոբուսին, որի հետևանքով մահացել էին 18 և վիրավորվել  30 մարդ: Հրաչյա Հարությունյանը գտնվում է կալանքի տակ: