Փաստ ինֆո

Դրանց դեմ իրենց հակափաստարկներն արդեն որոշ մասնագետներ ու տնտեսագետներ ներկայացրել են, բայց հետաքրքրական է, որ քաղաքային իշխանությունների հրապարակած թվերի հետ համաձայն չեն անգամ իրենք` երթուղայինների վարորդները:

«Փաստինֆո»-ի հետ զրույցում նրանք ուղղակի զարմացան լսելով քաղաքապետարանի հրապարակած ցուցակի որոշ կետերի մասին:

Դրանցից առաջինը աշխատավարձի չափն է: 

Քաղաքապետարանում համոզված են, որ երթուղային միկրոավտոբուսների վարորորդներն ամսական 150 000 դրամ աշխատավարձ են ստանում, իսկ ավտոբուսներինը’ 200 000 դրամ: Մեզ հետ զրուցած վարորդները, ովքեր չցանկացան ներկայանալ և խնդրեցին չնշել նույնիսկ իրենց երթուղու համարը, այս թիվն ուղղակի զավեշտ համարեցին, հայտնելով, որ իրականում իրենք 60-70 000 դրամ են վաստակում:

Հաջորդը` քաղաքապետարանի նշած ավտոմեքենայի տեխնիկական աահովման հետ կապված ծախսեր  են: Օրինակ քաղաքապետարանում վստահ են, որ մեքենային մարտկոցի, յուղերի և քսայուղերի, անվադողերի և այլ պահեստամասերի փոխարինումը կատարվում է գծատերերի գրպանից: Մինչդեռ վարորդները պնդում են, որ բոլոր այս ծախսերն իրենք են կատարում և երթուղու տերերն այս ամենին որևէ կերպ չեն մասնակցում: Նշենք, որ այս տեխնիկական ծախսերի համար ընդհանուր առմամբ քաղաքապետարանում հաշվարկել են 100 862 դրամ: Սրան ավելացնենք նաև վարարոդների ավել հաշվարկած աշխատավարձի շուրջ 70 000 դրամը: Ստացվում է, որ քաղաքապետարանում առնվազն 170 862 դրամ ավել են հաշվարկել` հօգուտ գծատերերի:

Եթե այս գումարը բաժանենք քաղաքապետարանի ներկայացրած ուղևորների քանակի վրա, կստացվի, որ յուրաքանչյուր ուղևորի հաշվարկով 29 դրամ ավել գումար է հաշվարկվել: Դե, իսկ քանի որ հաշվարկված ուղեվարձը, ըստ քաղաքապետարանի պաշտոնական տեղեկատվության, 138 դրամ է, ենթադրվում է, որ իրականում այն պետք է լինի 109 դրամ:

Ի դեպ, նշենք, որ հաշվարկված 138 դրամին ավելացված 12 դրամն էլ քաղաքապետարանը տրանսպորտային ընկերության համար շահույթ է հաշվարկել: Մինչդեռ, վարորդները մեզ հետ զրույցում նշեցին, որ իրենց տերերի շահույթն էլ իրենց գրպանից են տալիս: Նրանց օրվա «պլանը» տատանվում է 10 000-15 000-ի սահմանում: Եթե հաշվենք, որ յուրաքանչոյուր երթուղում մի քանի տասնյակ ավտոմեքենա է աշխատում, ապա դրանց տերերի օրական շահույթը մի քանի հարյուր հազար դրամ է կազմում:

Մեզ հետ զրուցած վարորդները հավաստիացրեցին, որ նոր սակագնից իրենց կյանքում որևէ դրական տեղաշարժ չի լինելու, ավելին, նրանք անհանգստացած էին, որ ուղևորների դժգոհութունն իրենց է ուղղված լիելու, մինչդեռ իրական պատասխանատուները հանգիստ նստելու են իրենց հարմարավետ աշխատասենյակներում: