Փաստ ինֆո

Թերթի թղթակիցը զրուցել է «Նոր Մոսկվայում» տեղի ունեցած վթարի գործով մեղադրյալ Հ.Հարությունյանի պաշտպան Ալեքսանդր Մալցևի հետ, ով իր խոսքում նշել է, որ ինքը և փաստաբան Էրիկ Չոբանովը բողոք են ներկայացրել` Հ.Հարությունյանին կալանավորելու և նրան կանացի հագուստով դատարան բերելու վերաբերյալ: 

Պաշտպանը նաև նշել է, որ իրենք պատրաստվում են նաև միջնորդություն ներկայացնել վթարված բեռնատարի տեխնիկական անվտանգության փորձաքննությանը մասնակցելու վերաբերյալ, ինչպես նաև`որ հարցաքննվեն ավտոմեքենայի տերն ու ընկերության սեփականատերը` ավտոմեքենայի տեխնիկական վիճակի վերաբերյալ:

Թղթակցի այն հարցին, թե արդյոք հնարավոր է դատարանում ապացուցել, որ Հարությունյանը փորձել է մեքենան շրջել` մյուս ավտոմեքենաների հետ բախումից խուսափելու համար, պաշտպանը պատասխանել է`այո, վստահ եմ:

Թղթակիցը պաշտպանի հետ զրույցում նաև նշել է, որ ըստ խոսակցությունների` «Կամազը» անսարք վիճակում է եղել, ավելին` այն տարբեր մասերից է հավաքված: Ի պատասխան ասվածի Մալցևն ասել. «Այո, դա ճիշտ է: Դրա մասին վկայել է հենց Հրաչյան»:

Ըստ փաստաբանի` առաջին հերթին մեղավորության մեծ բաժին ունի այն կազմակերպությունը, որին պատկանում է մեքենան: Ես այդ դեպքում չեմ տեսնում պաշտպանյալիս` որպես դժբախտ պատահարի միակ մեղավոր: Մեղավոր է այն կազմակերպությունը, որը Հրաչյային տրամադրել է նման անսարք վիճակում գտնվող մեքենա: Մեղավոր են այն մարդիկ, ովքեր նրան ստիպել են աշխատել անսարք տեխնիկայով:

Իսկ հարցին, թե արդյոք խոսել են տվյալ կազմակերպության սեփականատիրոջ հետ, Մալցևը պատասխանել է, որ նրան գտնել չի հաջողվում: Դեպքի հենց առաջին օրվանից փախած են թե կազմակերպության սեփականատերը, թե պատասխանատու աշխատակիցները: Նրանց նկատմամբ հետախուզում է հայտարարվել:

Հոդվածն ամբողջությամբ կարդացեք «Իրավունք» օրաթերթի` 19.07.2013թ. համարում: