Փաստ ինֆո

Մոսկվայի ոստիկանության  օպերատիվ աշխատակիցներին երկու օրից էլ քիչ ժամանակ պետք եղավ, որպեսզի  հայտնաբերեն և ձերբակալեն 14-ամյա Եվգենիա  Գ.-ի  հավանական սպանողին:Դպրոցական աղջկան բռնաբարելու և սպանության մեջ մեղադրվում է  թափառաշրջիկի կյանք վարող,  Կրասնոյարսկցի  19-ամյա Անդրեյ Գ.-ն:

«Անչափահասի սպանության մեջ կասկածվողը ձերբակալված է: Այժմ  նրա հետ իրականացվում են բոլոր անհրաժեշտ օպերատիվ միջոցառումները,- փոխանցում է «lifenews.ru»-ն Մերձմոսկվայի ոստիկանական գերատեսչության մամլո ծառայության հաղորդագրությունը:

Ըստ նախնական տվյալների ձերբակալվածն արդեն գրել է անկեղծ խոստովանություն, սակայն բռնաբարության փաստը մերժում է: Նրա ասելով ամեն ինչ  տեղի է ունեցել երկկողմանի համաձայնությամբ:

Մարդասպանը հայտնաբերվել է զոհի բջջային հեռախոսով: Օպերատիվ աշխատակիցները պարզել են, որ աղջկան  նախօրեին մի քանի անգամ զանգահարել է նրա ծանոթներից մեկը, ում հետ նա վերջերս դադարեցրել էր հաղորդակցվել:

Քննության ընթացքում պարզվել է, որ այդ անձնավորությունը եղել է 19-ամյա երիտասարդը, որից  աղջիկը վախենում էր և այդ մասին ժամանկին արտահայտվել էր, նշել է ՌԴ Քննչական կոմիտեի Մերձմոսկվայի վարչության ներկայացուցիչ Իրինա Գումեննայան:

Կասկածյալը ձերբակալվել է  Դոմոդեդովո քաղաքում, իր անչափահաս ընկերոջ բնակարանում իրականացված խուզարկության ընթացքում:

Հատկանշական է, որ  հանցագործին թաքցնողը  նախկինում նույնպես հայտնվել է իրավապահների տեսադաշտում: Ավելի վաղ նա պատասխանատվության էր ենթարկվել իշխանության ներկայացուցչի վրա հարձակվելու համար:

Նշենք, որ Դոմոդեդովյան շրջանի Ավիացիոննի միկրոշրջանի դպրոցական, 14-ամյա Եվգենիա Գ.-ի մարմինը հայտնաբերվել է երկուշաբթի օրը՝ հուլիսի 15-ին: Նրա վրա փորձագետները հաշվել են դանակի հարվածից առաջացած ավելի քան 15  վերք: Սպանությունից առաջ անչափահասին բռնաբարել էին: