Փաստ ինֆո

Թերթի ուշադրության կենտրոնում Մալաթիա-Սեբաստիա վարչական շրջանի ընդհանուր իրավասության դատարանի նախագահ Տիգրան Պետրոսյանի որդին է` Շահեն Պետրոսյանը: Թերթը գրում է. «Տիգրան Պետրոսյանի որդու` Շահեն Պետրոսյանի կողմից մարդկանց «քցելու» դեպքերին մամուլն արդեն անդրադարձել է: Հերթական քցվածը` Սուսաննա Մնացականյանը, իր և ընտանիքի անունից դիմել է մեր խմբագրություն»:

Ըստ քաղաքացու պատմածի` պարտքերի պատճառով ինքը որոշում է գրավադնել իր բնակարանը: Այդ նպատակով նա դիմում է «Արմենիա Ռիելթի» անշարժ գույքի գործակալություն` 2մլն. վարկ վերցնելու համար: Հետո պարզվում է, ինչպես պատմում է Սուսաննան, որ դա հենց Շահեն Պետրոսյանին և նրա հորաքրոջ որդու` Կարեն Մկրտչյանին պատկանող գործակալությունն է:

Գործարքը կնքվում է «Կենտրոն» նոտարական գրասենյակում: Տիկնոջ պատմելով` իրեն ընդամենը 2մլն. դրամ է պետք եղել` 5 տոկոս տոկոսադրույքով, սակայն, նոտարական գրասենյակից դուրս գալուց հետո, նա փաստաթղթերից հասկացել է, որ իր բնակարանի դիմաց Շահեն Պետրոսյանը 11,5 մլն. դրամ է վերցրել:

Ավելի ուշ Սուսաննան պարզել է, որ Շահեն Պետրոսյանն ու Կարեն Մկրտչյանն իր բնակարանը իրականում գրավադրել են ինչ-որ կնոջ մոտ, որը հրաժարվում է վերադարձնել բնակարանը` պատճառաբանելով, որ եթե ինքը վերադարձնի բնակարանը, այլևս չի կարողանա Շահեն Պետրոսյանից ու Կարեն Մկրտչյանից ետ ստանալ իր փողերը:

Անցնում է երեք տարի, և Սուսաննան դատարանից ծանուցում է ստանում, որ Անահիտը, այսինքն այն կինը, ում մոտ գրավադրված է տունը, դիմել է դատարան` իր գումարն ստանալու պահանջով:

Հոդվածն ամբողջությամբ կարդացեք «Հրապարակ» օրաթերթի` 29.06.2013թ. համարում: