Փաստ ինֆո

Թերթը գրում է ՀՀ նախագահի նախկին թեկնածու Պարույր Հայրիկյանի դեմ մահափորձի գործով երեկվա դատական նիստի մասին:

Թղթակիցը զրուցել է Պ.Հայրիկյանի մտերիմ ընկեր Կարո Եղնուկյանի հետ, ով անդրադառնալով մի քանի ամիս շարունակվող գործընթացին, իր խոսքում նշել է. «Այսօր մենք տեսնում ենք միտումնավոր գործընթաց, որը, ինչպես Սիրունյանն է ասում, բրազիլական սերիալ է, բայց հենց ինքն է բրազիլական սերիալ ստեղծում իր հայտարարություններով և գործունեությամբ»:

Հարցին, թե իրականում ով է կանգնած Պ.Հայրիկյանի դեմ մահափորձի հետևում, Կ.Եղնուկյանը նշել է, որ Պ.Հայրիկյանն իր գնահատականում ճիշտ էր, երբ ասում էր, որ դա ռուսական ուժերն են:

«Մենք գիտենք, որ Սեդրակյանն այդ ժամանակահատվածում այդ շրջանակների հետ կապի մեջ է եղել, նաև գիտենք, որ Սեդրակյանը Ռուսաստանից ստացել է 100 հազար դոլար, դա գործի մեջ է, ստացել է 100 հազար դոլար ԱԱԾ-ի նախկին աշխատակցից, որը Ռուսաստանի քաղաքացի է: Այդ 100 հազար դոլարը չի վերադարձվել, նրան հարցրել են` ինչ կապ ունի գործի հետ, նա պատասխանել է, որ որևէ կապ չունի, այդ հարցը մնացել է անպատասխան»:

Թղթակիցը զրուցել է նաև նախկին դատավոր Պարգև Օհանյանի հետ. «Սա բարդ գործ է, քանի որ, ըստ Օհանյանի, ոչ մի ապացույց չկա, ընդամենը կա ինչ-որ հաշիշամոլի խոստովանություն, ինչը չի կարող բավարար լինել»,- գրում է թերթը` մեջբերելով Պ.Օհանյանի խոսքը. «Բոլորս ենք հասկանում, որ ճնշումներ կան, և այդ ճնշումների տակ խոստովանելը հեշտ է, բայց դա պետք է ամրապնդվի այլ ապացույցներով, որը կարծես թե չկա: Սա բարդ գործերից է, դատավորի համար շատ բարդ կլինի»:

Հոդվածն ամբողջությամբ կարդացեք «Ժամանակ» օրաթերթի` 25.06.2013թ. համարում: