Փաստ ինֆո

Ֆուտբոլի Հայաստանի առաջնության ոսկե մեդալակիր Գյումրիի «Շիրակը» Չեմպիոնների լիգայի 2013-14 թվականների խաղարկության որակավորման առաջին փուլում կմրցի Սան Մարինոյի «Տրե Պենե» ակումբի հետ: Հանդիպումները տեղի կունենան հուլիսի 2-3-ին և 9-10-ին: Մեր թիմի խաղերի ժամկետը դեռ պետք է հստակեցվի, սակայն ՈւԵՖԱ-ի կենտրոնակայանում տեղի ոնեցած վիճակահանությամբ Վարդան Բիչախչյանի սաները ելույթը սկսելու են սեփական դաշտում: Առաջին փուլին մասնակցում են Եվրոպայում առավել ցածր ակումբային վարկանիշ ունեցող 4 երկրների ակումբները: Ըստ այդմ, մյուս զույգը կազմել են Անդորրայի «Լուսիտանսը» և Ֆարերյան կղզիների «Սթրեյմուրը»:

Անդրանիկ արգելքը հաղթահարելու դեպքում գյումրեցիները հուլիսի 16-17-ին և 23-24-ին կայանալիք երկրորդ փուլի խաղերում կհանդիպեն սերբական «Պարտիզանին»:

Դրան հաջորդելու է ընտրական ևս երկու փուլ, որոնց հաղթողներն էլ կհամալրեն խմբային մրցաշարի մասնակիցների կազմը:

Ահավասիկ որակավորման երկրորդ փուլի մյուս զույգերը.

«Նեֆթչի» (Ադրբեջան) - «Շկենդերբեու» (Ալբանիա)
«Ստյաուա» (Ռումինիա) - «Վարդար» (Մակեդոնիա)
«Վիկտորիա» (Պլզեն, Չեխիա) - «Ժելեզնիչար» (Բոսնիա-Հերցեգովինա)
«Շերիֆ» (Մոլդովա) - «Սուտիեսկա» (Չեռնոգորիա)
«Մարիբոր» (Սլովենիա) - «Բիրքիրքարա» (Մալթա)
«Սլայգո Ռովերս» (Իռլանդիա) - «Մյոլդե» (Նորվեգիա)
«Էլֆսբորգ» (Շվեդիա) - «Դաուգավա» (Լատվիա)
ՀԻԿ (Ֆինլանդիա) - «Նիմե Կալյու» (Էստոնիա)
«Էկրանաս» (Լիտվա) - «Հաբնարֆյորդուր» (Իսլանդիա)
ՏՆՍ (Ուելս) - «Լեգիա» (Լեհաստան)
«Սելթիկ» (Շոտլանդիա) - «Կլիֆտոնվիլ» (Հս. Իռլանդիա)
«Դինամո» (Զագրեբ, Խորվաթիա) - «Ֆոլա» (Լյուքսեմբուրգ)
«Դյոր» (Հունգարիա) - «Մաքաբի» (Թել Ավիվ, Իսրայել)
ԲԱՏԷ (Բելառուս) - «Շախտյոր» (Ղազախստան)
«Սլովան» (Սլովակիա) - «Լուդոգորեց» (Բուլղարիա)
«Դինամո» (Թբիլիսի, Վրաստան)- «Լուսիտանս» (Անդորրա)/ «Սթրեյմուր» (Ֆարերյան կղզիներ)