Փաստ ինֆո

Թղթակիցը երեկ զրուցել է Արտակ Բուդաղյանի մորաքրոջ տղաներ Աշոտ և Ալիկ Միրզյոնների հետ: Նրանք նշել են, որ իրենք չեն պատրաստվում վրեժխնդիր լինել` կտրականապես հերքելով այն լուրերը, թե իբր Հայաստան ժամանած Բուդաղյանների երրորդ եղբայրը` Արայիկ Բուդաղյանը, այսօր Գորիսում հավաք է կազմակերպելու` Սյունիքի նախկին մարզպետ Սուրիկ Խաչատրյանին վրեժխնդիր լինելու ծրագիրը քննարկելու համար:

Աշոտ Միրզոյանը հերքել է նաև այն լուրը, թե իբր Բուդաղյանների հայրն ուղեղի կաթված է ստացել: Նա նաև ասել է, որ ստույգ չեն կարող ասել, թե այդ օրն ինչ է տեղի ունեցել. «Արտակի տանեցիները պատմում են, որ Սդղնի լճում տեղի ունեցած հավաքույթին մասնակցել է միայն Ավոն: Հավաքույթը նորմալ է անցել, առանց վիճաբանությունների, միջադեպերի: Մտածում ենք, որ եթե նորմալ չանցներ, Սուրիկը չէր բերի Ավոյին ճանապարհելու:

Տուն վերադառնալուց հետո Ավոյին ինչ որ մեկը զանգել է, և ինքն էլ դուրս է եկել տանից: Սա է հանելուկը, թե ի՞նչ եղավ, ո՞վ զանգեց, ինչի՞ գնացին:

Արտակը դեպի լավն է գնում, համոզված եմ, որ նա կտա բոլոր հարցերի պատասխանը»:

Իսկ ինչ վերաբերում է Բուդաղյաններ-Սուրիկ Խաչատրյան դարավոր թշնամանքին, ապա Աշոտ Միրզոյանն ասել է. «Լարվածություն եղել է, բայց թշնամանք, որպես այդպիսին, երբեք չի եղել: Կարելի ա ասել հարաբերություններ չեն եղել` ոչ լավ, ոչ վատ»:

Հոդվածն ամբողջությամբ կարդացեք «Իրավունք» օրաթերթի` 07.06.2013թ. համարում:

Լուսանկարը՝ shamshyan.com-ի