Փաստ ինֆո

Դեռևս մայիսի 2-ին թերթը գրել էր, որ Չեխովի անվան թիվ 55 դպրոցի տնօրեն Գայանե Սարուխանյանը ծեծի էր ենթարկել 8-րդ դասարանի աշակերտուհիներից Լիդիայի մորը` Նատալյա Սարգսյանին:

Դպրոցի տնօրենը հերքել էր տեղեկությունը, մինչդեռ խմբագրություն այցելած ծնողն, ըստ թերթի, բացահայտել է սկանդալային մանրամասներ:

Աշակերտուհու մայրը նամակ է ներկայացրել խմբագրություն, որտեղ մասնավորապես ասվում է, որ դպրոցի տնօրեն Գ.Սարուխանյանը ԶԼՄ-ների ճնշման տակ իր բացատրությունները և ձևակերպումները փոխել է և որ տնօրենի կողմից բարձրաձայնած փաստերն առնվազն շփոթվածություն են առաջացնում:

Ծնողի կողմից ներկայացված նամակում ասվում է. «Սարուխանյանը կտրուկ բացառում է միջադեպ տեղի ունենալու փաստը:

Նա խոսում է իմ պրոֆեսիոնալ գործունեության մասին իբր իմ անունից: Կոչում է ինձ սթրիփթիզ աշխատակցուհի` անբարոյական տարր: Հավաստում եմ, որ մեր հանդիպումներից և ոչ մեկի ժամանակ, իսկ դրանք եղել են երեքը, տվյալ դպրոցում սովորելու 4 տարիների ընթացքում ես ոչինչ չեմ ասել իմ գործունեության ոլորտի վերաբերյալ: Հավաստում եմ, որ ես պարուհի չեմ և չունեմ տվյալ մասնագիտության հետ որևէ առնչություն»:

Այնուհետև Նատալյա Սարգսյանը խմբագրությանը ներկայացրած իր նամակում ևս մեկ անգամ հայտարարել է, որ միջադեպը տեղի է ունեցել` նշելով այն խախտումները, որոնք, ըստ նրա, թույլ է տվել դպրոցի տնօրեն Գ.Սարուխանյանը:

Հոդվածն ամբողջությամբ կարդացեք «Ժողովուրդ» օրաթերթի` 05.06.2013թ. համարում: