Փաստ ինֆո

Հայաստանի ազգային հավաքականի գլխավոր մարզիչ Վարդան Մինասյանը հրապարակել է այն 22 ֆուտբոլիստների անունները, որոնք կնախապատրաստվեն Մալթայի թիմի հետ՝ հունիսի 7-ին Երևանում կայանալիք աշխարհի առաջնության ընտրական խաղին:

Վարդան Մինասյանը ՀՖՖ պաշտոնական կայքին տեղեկացրել է, որ հունիսի 6-ին կայանալիք Եվրոպայի երիտասարդական առաջնության Հայաստան-Իսլանդիա հանդիպումից հետո ազգային թիմին հնարավոր է միանան երիտասարդականի որոշ խաղացողներ: Վնասվածքների պատճառով հավաքի չեն հրավիրվել Լևոն Հայրապետյանն ու Հրայր Մկոյանը:

Ահա բոլոր հրավիրյալները. դարպասապահներ՝ Ռոման Բերեզովսկի («Դինամո» Մոսկվա, Ռուսաստան), Գևորգ Կասպարով («Զոբ Ահան», Իրան), Արթուր Հարությունյան («Շիրակ»), պաշտպաններ՝ Ռոբերտ Արզումանյան («Ակտոբե», Ղազախստան), Վալերի Ալեքսանյան («Սանաթ Նաֆթ», Իրան), Կամո Հովհաննիսյան, Վարազդատ Հարոյան, Տարոն Ոսկանյան ( երեքն էլ՝«Փյունիկ»), Արտյոմ Խաչատուրով («Շերիֆ», Մոլդովա), Արթուր Ավագյան («Գանձասար»), կիսապաշտպաններ՝ Կառլեն Մկրտչյան, Գևորգ Ղազարյան (երկուսն էլ՝ «Մետալուրգ» Դոնեցկ, Ուկրաինա), Դավիթ Մանոյան, Արթուր Յուսպաշյան (երկուսն էլ՝ «Փյունիկ»), Արթուր Եդիգարյան («Հովերլա», Ուկրաինա), Արաս Օզբիլիս («Կուբան», Ռուսաստան), Հենրիխ Մխիթարյան («Շախտյոր», Ուկրաինա), Մարկոս Պիզելի («Կրասնոդար», Ռուսաստան), Նորայր Ասլանյան («Էմմեն», Հոլանդիա), հարձակվողներ՝ Էդգար Մանուչարյան («Ուրալ», Ռուսաստան), Յուրա Մովսիսյան («Սպարտակ», Մոսկվա, Ռուսաստան), Արթուր Սարկիսով («Վոլգա», Ռուսաստան):

Հունիսի 3-ին ազգային հավաքականը կհանգրվանի ՀՖՖ տեխնիկական կենտրոն ֆուտբոլի ակադեմիայում: Նույն օրը՝ ժամը 18:00-ին, ազգային հավաքականը կանցկացնի առաջին մարզումը, որը բաց կլինի երկրպագուների և ԶԼՄ-ների ներկայացուցիչների համար: Մարզման ավարտից հետո, ԶԼՄ-ների ներկայացուցիչներին հնարավորություն կտրվի զրուցել ֆուտբոլիստների հետ: Հունիսի 4-ին հավաքականը կանցկացնի երկու փակ մարզում, իսկ հունիսի 5-ին մեկ փակ մարզում՝ «Հանրապետական» մարզադաշտում: Եվս մեկ մարզում նախատեսված է հունիսի 6-ին:

Նկարը՝ mediamax-ի