Փաստ ինֆո

Անչափահաս, 15-ամյա Մարիամին և նրան ծանոթ 16-ամյա Սառային ապրիլի 17-ին ՀՀ ոստիկանության կազմակերպված հանցավորության դեմ պայքարի գլխավոր վարչության թրաֆիքինգի դեմ պայքարի բաժնի աշխատակիցները տեղափոխել են ՀՀ ոստիկանություն` հարցաքննության: Այս մասին տեղեկացնում է թերթը և նշում, որ Մարիամին հայտնաբերել են մայրաքաղաքի բնակարաններից մեկում, որտեղ օրեր առաջ խուլիգանության, ծեծկռտուքի միջադեպ է գրանցվել:

Սառային ոստիկանությունն այլ վայրից է բերման ենթարկել:

Աղջիկներին տեղափոխել են ՀՕՖ, երեխաների աջակցության կենտրոն, երբ տեղեկացվել են, որ նրանք կասկածվում են թրաֆիքինգի մեջ ներգարվվածության համար:

Աղջիկներից Մարիամը թղթակցին պատմել է. «Ասեցին փաստեր ունեն, որ ինձ ենթարկել են սեռական շահագործման: Ինձ իմ վատ արարքի համար են էստեղ բերել: Սառան ենթարկվել ա թրաֆիքինգի, բայց ես` ոչ: Ինքը ինձ հետ մի քանի անգամ կիսվել ա, խոստովանել ա, որ չի կարա մարմնավաճառությամբ չզբաղվի: Երևի իրան ինչ-որ վտանգ էր սպառնում, ասում էր` չեմ կարա չսպասարկեմ»:

Միաժամանակ Մարիամը խոստովանել է, որ ինքը սեռական հարաբերություններ ունեցել է շատ տղաների հետ, բայց իր կամքով, ոչ թե հարկադրաբար:

Ըստ Մարիամի` ինքը ինչ-որ հարաբերություն է ունեցել շատերի համար հայտնի, իր խոսքով` երկու «մամա ռոզաների»` Սյուզիի ու Վիկուլի հետ:

«Մի անգամ մի կաֆեում նստած էի, ու երկու կին մոտեցան ինձ, սկսեցին խոսացնել: Հետո ինձ մի անգամ Սյուզիի ու Վիկուլի հետ ման գալուց տեսել են, դրա համար էլ ենթադրել են, որ էդ «մամա ռոզաները, ինձ մարմնավճառության մեջ ներքաշելով, փող են աշխատում»,- պատմել է Մարիամը` հավելելով, որ նշված կանանց համար աշխատել է իր հետ ՀՕՖ բերված Սառան, ով խոստովանել է, որ այլևս չի կարող մարմնավաճառությամբ չզբաղվել:

Անչափահաս աղջիկներին սեռական շահագործման ենթարկելու վերաբերյալ հարուցվել է քրեական գործ, որը նախաքննության փուլում է: