Փաստ ինֆո

ԱՄՆ նախագահ Բարաք Օբաման հանդես է եկել ապրիլքսանչորսյան ամենամյա ուղերձով, որում ինչպես և նախորդ տարիներին, «Ցեղասպանություն» բառի փոխարեն օգտագործել է հայերեն «Մեծ Եղեռն» արտահայտությունը:



«Այսօր հիշում ենք Մեծ Եղեռնը և հարգանքի տուրք մատուցում բոլոր նրանց, ովքեր ոչնչացվեցին 20-րդ դարի ամենադաժան ջարդերի հետևանքով: 98 տարի առաջ Օսմանյան Կայսրության վերջին շուրջ մեկ ու կես միլիոն հայ կոտորվեց և մահվան դատապարտվեց: Այսօր մի պահ կրկին լռենք՝ հարգելու այդ ապականված կյանքերն ու հիշելու տեղի ունեցած այդ աննկարագրելի տառապանքները: Հարգանքի տուրք մատուցելով անմեղ զոհերի հիշատակին՝ միանում ենք զոհերի ոգեկոչմանը: Վերահաստատում ենք պարտավորությունը` պատմության այդ մութ էջերի կրկնությունը երբեւէ թույլ չտալու:

Ես միանշանակորեն արտահայտել եմ իմ տեսակետը 1915 թվականին կատարված դեպքերի վերաբերյալ: Իմ տեսակետը պատմական այդ իրադարձությունների վերաբերյալ չի փոխվել», - մասնավորապես ասել է ԱՄՆ նախագահը:

«Մենք ողջունում ենք այն հայերին և թուրքերին, ովքեր անցել են այդ ճանապարհը, և հուսով ենք, որ շատ շատերը կընտրեն այդ ճանապարհը` իրենց կառավարությունների ու իմ աջակցությամբ», - ասված է հայտարարության տեքստում:



Նախագահ Օբաման նաեւ ընդգծել է հայ ժողովրդի անկոտրում կամքն ու ամերիկահայերի ներմուծած ավանդը ամերիկյան հասարակության ու մշակույթի մեջ: ԱՄՆ նախագահը նշել է նաեւ , որ այդ երկիրը փորձում վերադարձնել հայերի ունեցած ավանդը` սատար կանգնելով իր նախնիներով հպարտացող պետության կայացման գործին, որը ձգտում է ժողովրդավարության, մարդու ազատության և արժանապատվության:

«Այսօր մենք հայ ժողովրդի կողքին ենք` հիշելով Մեծ Եղեռնի սարսափը, հիշատակի տուրք մատուցելով բոլոր զոհերին և վերահաստատելով մեր բարեկամությունն հայ ժողովրդի նկատմամբ», - ասել է Բարաք Օբաման: