Փաստ ինֆո

Սախայի հանրապետությունում (ՌԴ`Յակուտսկ ) դատավճիռ է կայացվել սեռական ծառայություններ մատուցող ընկերություն բացած Դմիտրի Դոկտորովի նկատմամբ, ով այդ գործունեության մեջ է ներքաշել  ինչպես հասուն կանանց, այնպես էլ անչափահաս աղջիկների: Հատկանշական է, որ չարագործը ինտիմ  ծառայություններ մատուցելու մասին իր հայտարարությունները  հրապարակել է Յակուտսկի քաղաքային լրատվամիջոցներում:

Պարզվել է, որ 2011թ.-ի մարտից մինչև  2012թ. հուլիս ամիսը Դմիտրի Դոկտորովը «քաղաքային «Ամեն ինչ ձեր համար» թերթում հրապարակած հայտարարություններով սկսել է իրականացնել վճարովի սեռական բնույթի ծառայություններ մատուցող անձանց ընտրություն»:

Այս նույն թերթում նա տեղադրել է նաև գովազդ, որը պարունակել է  ինտիմ  ծառայություններ մատուցելու մասին թաքցված տեղեկատվություն և  հեռախոսահամարներ: Նրա կողմից սահմանված գննացուցակով յուրաքանյուր  մարմնավաճառուհուց  ծառայություն ստանալու վարձը կազմել է 2000 ռուբլի, որի կեսը եղել է կավատի բաժինը:

ՌԴ Քննչական կոմիտեն իր պաշտոնական կայքում տեղեկացնում է, որ «պատվեր ստանալու դեպքում կավատը իր անձնական մեքենան օգտագործելով կազմակերպել է մարմնավաճառների ժամանակին փոխադրումները հաճախորդների մոտ, մաժամանակ, անձամբ իրականացրել է նրանց պահպանությունը»: Բացի այդ պարզվել է, որ  մարմնավաճառության միջոցով եկամուտները և հաճախորդների թիվն ավելի  շատացնելու  նպատակով Դոկտորովը «գործի» մեջ  է  ներքաշել նաև1995 և 1996թ.թ.-երին  ծնված երկու անչափահաս աղջիկների:

Դմիտրի Դոկտորովը դատապարտվել է ՌԴ քր. օրենսգրքի մարմնավաճառության կազմակերպումն ու դրանում անչափահասների ներգրավումը սահմանող հոդվածի հատկանիշներով: Դատավճռի համաձայն Յակուտսկի կավատը ընդհանուր ռեժիմի գաղութում  կանցկացնի իր առաջիկա կյանքի 5,5 տարիները: