Փաստ ինֆո

Հարավային Կորեայի իշխանությունները հայտարարում են, որ երկրի խոշոր բանկերի և հեռուստաալիքների համակարգչային համակարգերի չորեքշաբթի օրվա կաթվածահարումը ծագում է Չինաստանից:

Ինչպես տեղեկացնում է հաղորդակցությունների հարավկորեական կարգավորողը, իրավիճակի վերլուծությունը ցույց է տվել, որ վիրուսի հետ առնչված 6 կազմակերպություններ գրոհի են ենթարկվել վնասաբեր ծրագրային ապահովման միևնույն աղբյուրից:

Կարգավորողը նաև հաղորդում է, որ դեռ չի հաջողվել պարզել, թե ով է հանդիսանում հակերային հարձակման կազմակերպիչը: Սակայն նշվում է, որ երկրում արդեն խոսակցություններ են պտտվում, որ դրա հետևում կարող է կանգնած լինել Հյուսիսային Կորեան:

Մասնագետները նշում են, որ Հյուսիսային Կորեայի իշխանությունները հաճախ են օգտագործում չինական IP հասցեները, որպեսզի քողարկեն իրենց հակերային հարձակումները, նշում է «BBC» լրատվական գործակալությունը:

Նախօրեին հեռուստատեսային և ռադիո հաղորդումներ հեռարձակող «KBS», «MBC», «YTN» ընկերությունները ոստիկանությանը հայտնել էին, որ իրենց համակարգիչները «կախվել» են և չեն վերածանրաբեռնվում: «Shinhan Bank» և «Nonghyup» բանկերը հայտարարել են, որ իրենց ցանցերը նույնպես վնասվել են