Փաստ ինֆո

Կանադայում ձերբակալվել է երկրորդ բանտարկյալը, որին հաջողվել էր ուղղաթիռով փախչել Քվեբեկի մարզի Սեն-Ժերոմ բանտից: Այս մասին, հղում անելով տեղական ոստիկանությանը, հաղորդում է «Associated Press»-ը:

Դենի Պրովանսալը դիրքավորվել է բանտից 50 կմ հեռավորությամբ, սակայն ոստիկանությանը հաջողվել է գտնել և շրջապատել նրա թաքստոցը: Երկուշաբթի առավոտյան նա ստիպված էր հանձնվել իշխանություններին:

Փախուստը Սան-Ժերոմ բանտից տեղի էր ունեցել կիրակի օրը, մարտի 17-ին` ցերեկով: Երկու բանտարկյալներին` 33-ամյա Պրովանսալին և 36-ամյա Բենժամին Հուդոն-Բարբոյին հաջողվել է մագլցել և բարձրանալ բանտի վրա կախված ուղղաթիռից նետված թոկով և անհայտանալ:

Դրանից հետո Հուդոն-Բարբոն զանգահարել է Մոնրեալի 98.5 FM ռադիո և հայտնել, որ ինքը պատրաստ է մեռնել, միայն թե չվերադառնա բանտ: Բացի այդ, նա բողոքել է իշխանության մարմինների կողմից իր նկատմամբ ցուցաբերած անարդար վերաբերմունքի համար:

Նույն օրն իսկ ոստիկանությանը հաջողվել է փախստական բանտարկյալներին և նրանց հավանական օգնողներին ձերբակալել: Սկզբում իրավապահները հայտնաբերել են ուղղաթիռը և նրա օդաչուին, ում ոստիկանությունում համարում էին «կարևոր վկա»: Այդ թռչող սարքը պատկանելիս է եղել մի զբոսաշրջային ընկերության և, հավանաբար առևանգված է եղել, հաղորդում է «lenta.ru»-ն` հղում անելով «BBC News»-ին: Օդաչուն շոկային վիճակում հասցվել է հիվանդանոց:

Այնուհետև ոստիկանությունը ձերբակալել էր Հուդոն-Բարբոյին և փախուստի հետ առնչվող ևս երկու հոգու: Ինչպես հաղորդվել է, նրանք վիրավորված են եղել:

ԶԼՄ-ների տվյալներով՝ Հուդոն-Բարբոն ձերբակալվել է 2012թ. նոյեմբերին և դատապարտվել հրազեն պահելու մեղադրանքով: Պրովանսալի մասին հայտնի է միայն այն, որ նա դատապարտված է եղել 7 տարվա ազատազրկման: