Փաստ ինֆո

Մարտի 10-ին` ժամը 22-ի դրությամբ, ՀՀ արտակարգ իրավիճակների նախարարությունը  ստացել է արտակարգ պատահարների վերաբերյալ 8 ահազանգ: Նախարարության կայքէջի փոխանցմամբ,  ահազանգերի մեծ մասը վերաբերել են հրդեհի բռնկման դեպքերին: 

Այրվում է մեքենա

Մարտի 10-ին` ժամը 21.55-ին, ահազանգ է ստացվել, որ Երևանի Ավան վարչական շրջանի Մարշալ Խուդյակովի փողոցի թիվ 160 տան բակում այրվում է ավտոմեքենա:
Դեպքի վայր է մեկնել մեկ մարտական հաշվարկ:

Պարզվել է, որ հրդեհը բռնկվել է Մարշալ Խուդյակովի փողոցի թիվ 160/1 տան բակում:
Հրդեհը մարվել է տեղի ուժերով: Ա. Օհանյանին պատկանող «ՎԱԶ-2106» մակնիշի 900 DD 91 պետհամարանիշով ավտոմեքենայի շարժիչի հատվածում այրվել է էլ. մալուխ (մոտ 20 գմ):

ՃՏՊ Փարաքար-Մուսալեռ ավտոճանապարհին

Մարտի 10-ին` ժամը 21.33-ին, Փարաքար-Մուսալեռ ավտոճանապարհին տեղի է ունեցել ՃՏՊ, առկա է գազի արտահոսք, կա տուժած. անհրաժեշտ է օգնություն:  
Դեպքի վայր են մեկնել մեկ մարտական հաշվարկ, ՃԿԿ ԱԻ արձագանքման և հատուկ նշանակության փրկարարական աշխատանքների իրականացման կենտրոնի հերթապահ խմբերը:
Կտրվի լրացուցիչ տեղեկություն:

Հրդեհ տնակում

Մարտի 10-ին` ժամը 21.08-ին, ահազանգ է ստացվել, որ Սյունիքի մարզի Մեղրի քաղաքի նախկին պանրի գործարանի մոտ տնակ է այրվում:
Դեպքի վայր է մեկնել մեկ մարտական հաշվարկ:
Կտրվի լրացուցիչ տեղեկություն:

Փլուզում Հրազդան քաղաքում

Մարտի 10-ին` ժամը 15.35-ին, ահազանգ է ստացվել, որ Կոտայքի մարզի Հրազդան քաղաքի Կենտրոն թաղամասի թիվ 33 շենքի տանիքի ձյունը թափվել է հարակից ավտոտնակի վրա, ինչի հետևանքով այն փլուզվել է. անհրաժեշտ է օգնություն:
Դեպքի վայր է մեկնել մարզային փրկարարական ջոկատը:
Պարզվել է, որ ձյան ծանրությունից փլուզվել է Լ. Հարությունյանին պատկանող ավտոտնակի տանիքը, տեղաշարժվել են պատերը (26.6 քմ):
Փրկարարները վտանգավոր տարածքը սահմանազատել են ժապավենով:

Պարզվեց՝ այրվել է խոտածածկ տարածք

Մարտի 10-ին` ժամը 14.12-ին, ահազանգ է ստացվել, որ Տավուշի մարզի Նոյեմբերյան քաղաքի «Ծլան» կոչվող հանդամասում այրվում է տնակ:
Դեպքի վայր է մեկնել երկու մարտական հաշվարկ:
Պարզվել է, որ այրվում է խոտածածկույթ:
Հրդեհը մեկուսացվել է ժամը 14.24-ին, մարվել՝ 14.35-ին: Ն. Եղիազարյանին պատկանող այգում այրվել է խոտածածկ տարածք (մոտ 1000 քմ):

Ավտոբուս է շրջվել

Մարտի 10-ին` ժամը 13.23-ին, ահազանգ է ստացվել, որ Գեղարքունիքի մարզի Գավառ քաղաքի Արծվաքար թաղամասում ավտոբուսը դուրս է եկել ճանապարհի երթևեկելի հատվածից և կողաշրջվել, կան տուժածներ. անհրաժեշտ է փրկարարների օգնությունը:
Դեպքի վայր է մեկնել Գավառ քաղաքի հրշեջ-փրկարարական ջոկատի օպերատիվ խումբը:
Չպարզված հանգամանքներում Արծվաքար թաղամասի գերեզմանատան մոտ կողաշրջվել է «ՊԱԶ» մակնիշի 0336 Լ պետհամարանիշով Գավառ-Արծվաքար երթուղային ավտոբուսը:

Մինչև հրշեջ-փրկարարների կանչի վայր հասնելը՝ տուժած, 1954 թ. ծնված  Զ. Բաբայանը տարբեր աստիճանի մարմնական վնասվածքներով տեղափոխվել է Գավառ քաղաքի բժշկական կենտրոն: Բժիշկները տուժածի առողջական վիճակը գնահատել են բավարար:
Հրշեջ-փրկարարների և տեղի ուժերով ավտոբուսից դուրս է բերվել 20 ուղևոր:
Հրշեջ-փրկարարները հատուկ տեխնիկայի օգնությամբ ճանապարհի երթևեկելի հատված են դուրս բերել ավտոբուսը:

Հրդեհ գործարանում

Մարտի 10-ին, ժամը 12.03-ին ահազանգ է ստացվել, որ հրդեհ է բռնկվել Նոր-Նորքի 5-րդ զանգվածում` նախկին կոշիկի գործարանում:
Դեպքի վայր են մեկնել վեց մարտական հաշվարկ և ԱԻ արձագանքման խմբերը:
Պարզվել է, որ հրդեհը բռնկվել է Միկոյան փողոցի թիվ 12 հասցեում գտնվող փրփրապլաստի արտադրամասում:
Հրդեհը մեկուսացվել է ժամը 12.41-ին, մարվել` 12.50-ին:
Արտադրամասից այրվել է 700 քմ հատված` գույքով:
Զոհեր և վիրավորներ չկան:

Այրվել է հավաբուն

Մարտի 10-ին, ժամը 10.21-ին ահազանգ է ստացվել, որ Երևանի Նորագավիթ 4-րդ փողոցի թիվ 54 տան բակում այրվում է հավաբուն:
Դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 10.39-ին, մարվել` 10.48-ին: Ամբողջությամբ այրվել է Հ. Խաչատրյանին պատկանող հավաբունը (մոտ 6 քմ):