Փաստ ինֆո

Ինչպես նախկինում տեղեկացրել էինք՝ մարտի 3-ին, ժամը 19.30-ին, «Բենթլի» մակնիշի ավտոմեքենան Երևանի Տիգրան Մեծի պողոտայի թիվ 76 շենքի մոտ բախվել էր «Նիսսան» մակնիշի ավտոմեքենայի, որի ընթացքում նույն վայրում «Կրայսլեր» մակնիշի ավտոմեքենան վրաերթի էր ենթարկել անձը չպարզված 55-60 տարեկան տղամարդու, որը մարմնական վնասվածքներով «Էրեբունի» բժշկական կենտրոն տեղափոխվելու ճանապարհին գիտակցության չգալով մահացել էր:
Մարտի 5-ին ոստիկանները պարզել էին մահացու պատահարին զոհ գնացած տղամարդու ինքնությունը՝ 1963 թ. ծնված Ավետիս Արզումանյան:
Ոստիկանությունից տեղեկացնում են, որ մարտի 7-ին, ժամը 19.40-ին, մեղայականով ոստիկանության ճանապարհատրանսպորտային հանցագործությունների քննության բաժին է ներկայացել 1996 թ. ծնված Կարեն Վ.-ն՝ հայտարարելով, որ նշված վրաերթը կատարել է ինքը` իր կողմից վարած «Բենթլի» մակնիշի ավտոմեքենայով: Քննությունը շարունակվում է:

Վրաերթ Գարեգին Նժդեհի փողոցում
Մարտի 8-ին, ժամը 13.50-ի սահմաններում, «Տոյոտա» մակնիշի ավտոմեքենան Երևանի Գարեգին Նժդեհի փողոցում վրաերթի է ենթարկել 63-ամյա կնոջ, որը մարմնական վնասվածքներով տեղափոխվել է «Էրեբունի» բժշկական կենտրոն: Կատարվում է քննություն:

Պատահար Ապարան-Աշտարակ ճանապարհին
Մարտի 8-ին, ժամը 14.50-ի սահմաններում, Ապարան-Աշտարակ ճանապարհի 11-րդ կմ-ին իրար են բախվել «ԳԱԶ-2705» և «ԳԱԶ-5312» մակնիշի ավտոմեքենաներ, ինչի հետևանքով առաջին ավտոմեքենայի ուղևորը մարմնական վնասվածքներով տեղափոխվել է «Ապարան» բժշկական կենտրոն: Կատարվում է քննություն:

Մահացու վրաերթ կատարած վարորդը կամավոր ներկայացել է ոստիկանություն
Մարտի 8-ին ոստիկանության Իջևանի բաժնում հաղորդում է ստացվել, որ ժամը 19.30-ին «Ֆոլքսվագեն» մակնիշի ավտոմեքենան Իջևան քաղաքի Արցախյան փողոցի թիվ 3 շենքի մոտ վրաերթի է 1930 թ. ծնված ենթարկել Օֆելյա Ամիրովային, որը տեղում մահացել է:
Վարորդը՝ 1986 թ. ծնված Անատոլի Ա.-ն, նույն օրը, ժամը 19.50-ին, կամավոր ներկայացել է բաժին:
Քննությունը վարում է ոստիկանության Տավուշի մարզային քննչական բաժինը:

Անհայտ ավտոմեքենայի վարորդը
Մարտի 8-ին, ժամը 20.10-ի սահմաններում, անհայտ ավտոմեքենայի վարորդը Երևանի Թոթովենցի փողոցում վրաերթի է ենթարկել 20-ամյա երիտասարդի, որը մարմնական վնասվածքներով տեղափոխվել է «Սուրբ Գրիգոր Լուսավորիչ» բժշկական կենտրոն: Կատարվում է քննություն:

«Ֆոլքսվագեն Պասսատ»-ն ընկել է ձորը
Մարտի 8-ին, ժամը 21.00-ի սահմաններում, «Ֆոլքսվագեն Պասսատ» մակնիշի ավտոմեքենան Վանաձոր-Դիլիջան ճանապարհի 3-րդ կմ-ին դուրս է եկել ճանապարհի բանուկ մասից և ընկել ձորը:
Պատահարի հետևանքով վարորդը և 3 ուղևորները մարմնական վնասվածքներով տեղափոխվել են «Վանաձոր» բժշկական կենտրոն: Կատարվում է քննություն:

Մահացու պատահար Սևան-Մարտունի-Գետափ ճանապարհին. վարորդը դիմել է փախուստի
Մարտի 9-ին, ժամը 00.30-ի սահմաններում, անհայտ ավտոմեքենայի վարորդը Սևան-Մարտունի-Գետափ ճանապարհի 59-րդ կմ-ին վրաերթի է ենթարկել 1979 թ. ծնված Իշխան Գրիգորյանին, որը տեղում մահացել է, իսկ վարորդը դեպքի վայրից դիմել է փախուստի:
Ձեռնարկվում են միջոցառումներ վարորդին և ավտոմեքենան հայտնաբերելու ուղղությամբ: Կատարվում է քննություն: