Փաստ ինֆո

2012 թ. դեկտեմբերի 13-ին ոստիկանության Գյումրիի բաժնում հաղորդում էր ստացվել, որ մի արհեստանոցից էլեկտրական շարժիչներ և սարքավորումներ են գողացել՝ սեփականատիրոջը պատճառելով 800.000 դրամի նյութական վնաս:
Ձեռնարկված օպերատիվ-հետախուզական միջոցառումների շնորհիվ պարզվել է, որ գողությունը կատարել է 1988 թ. ծնված Վահրամ Ս.-ն :
Գողոնը մասամբ առգրավված է: Վահրամ Ս.-ն ձերբակալված է:
Ոստիկանությունից հայտնում են, որ փաստի առթիվ հարուցվել է քրեական գործ: Կատարվում է նախաքննություն:

Բնակարանը վերանորոգելիս գողություն է կատարել
Հունվարի 30-ին ոստիկանության Քանաքեռ-Զեյթունի բաժնում հաղորդում էր ստացվել գողություն կատարելու համար Ա. Սարգսյանին բերման ենթարկելու մասին:
Ոստիկանության ծառայողները օրերս պարզել են, որ Ա. Սարգսյանը 2011 թ. ամռանը Վ. Փափազյան փողոցի շենքերից մեկում բնակվող մի թոշակառու կնոջ բնակարանում վերանորոգման աշխատանքներ կատարելու ժամանակ գողացել է 500 ՌԴ ռուբլի, արծաթյա զարդեր և օծանելիք: Կատարվում է քննություն:

Եվս մեկ հանցադրվագ է բացահայտվել
Մարտի 1-ին ոստիկանության Արարատի բաժնում հաղորդում էր ստացվել գողություն կատարելու համար Վ. Ղուկասյանին ձերբակալելու մասին:
Ոստիկանների ձեռնարկած օպերատիվ-հետախուզական և քննչական միջոցառումների շնորհիվ պարզվել է, որ Ղուկասյանը ս/թ. փետրվարի կեսերին Սուրենավան գյուղի տներից մեկի պատուհանը բացելով՝ գողացել է հեռուստացույց և ալեհավաքի հաղորդիչ՝ պատճառելով 135.000 դրամի նյութական վնաս: Կատարվում է քննություն:

Բնակարանից ոսկյա զարդեր գողացողը հայտնաբերվել է
Փետրվարի 8-ին ոստիկանության Գյումրիի բաժնում հաղորդում էր ստացվել, որ բնակարաններից մեկից ոսկյա զարդեր են գողացել:
Ոստիկանության ծառայողների ձեռնարկած օպերատիվ հետախուզական միջոցառումների շնորհիվ պարզվել է, որ գողությունը կատարել է 1988 թ. ծնված, նախկինում դատված Գրիգոր Շալյանը, որը տեղափոխվել է ՀՀ ԱՆ «Արթիկ» քրեակատարողական հիմնարկություն: