Փաստ ինֆո

«Բանակում ինքնասպանության անվան տակ կատարված որևէ սպանություն չի բացահայտվում, որևէ գործի քննություն ճիշտ չի տարվում»,- գրում է թերթը` հիշատակելով 2011թ. օգոստոսի 19-ին Գորիսի զորամասում մահացած 19-ամյա Վարդան Սևյանի մահվան դեպքը: Անցել է մեկ տարի և չորս ամիս, սակայն քրեական գործը 2011թ. դեկտեմբերի 7-ին կարճվել է ` ՀՀ քրեական դատավարության օրենսգրքի 35-րդ հոդվածի 1-ին մասի 2-րդ կետով` հանցակազմի բացակայության պատճառաբանությամբ:

Ըստ հոդվածագրի. «Զինվորի ծնողներին նախնական վարկածով ասել են, թե մտել են վրան, տեսել Վարդանին ինքնասպանված, ձեռքում եղել է աղջկա նկար, սակայն այս վարկածին ծնողները չեն հավատում, քանի որ այդ նկարը նրանք նույնիսկ չեն տեսել, ավելին` հրամանատարը պատմել է, որ մեկ ամիս Վարդանը պրոբլեմ է ունեցել մի սպայի հետ, տղայի դին ևս այլ բան էր հուշում. թևերը վիրակապով կապված էին, վիզը կտրած էր, անշնորհք ձևով կարած, ականջների կողքերն էլ էին կարած: Ինչևէ` գործը փակվեց, թեև որևէ մեկը չհավատաց ինքնասպանության վարկածին, այն էլ` սիրո հողի վրա»: