Փաստ ինֆո

Թերթն անդրադարձել է խմբագրություն դիմած մի քաղաքացու բողոքին: «Քաղաքացին բողոքում է իր որդու դեմ իրականացվող անարդարությունից»,- գրում է թերթը:

Նրա պնդմամբ ոստիկաններն իր որդուն ապօրինաբար են կալանավորել, նա արդեն 7,5 ամիս է կալանավայրում է: «Այդ ընթացքում Լոռու և Շիրակի մարզերի դատախազները չեն կողմնորոշվել, թե ով պետք է հաստատի այդ ապօրինի մեղադրանքը»,- ասել է քաղաքացին` հավելելով, որ 2010թ. նոյեմբերի 2-ին Վանաձորի Տիգրան Մեծ պողոտայում ինչ որ անձ կրակել է նույն քաղաքի բնակիչ Արսեն Փերիխանյանի վրա և դիմել փախուստի: Իսկ իր որդին այդ դեպքի հետ որևէ կապ չունի:

«Ներկայումս տղան կալանավայրում է: Նրան մեղադրում են չկատարած արարքի մեջ: Այն, որ իմ որդին այդ դեպքի հետ կապ չունի, գիտեն բոլորը, այդ թվում` Լոռու և Շիրակի մարզերի դատախազները, քննիչներն ու ոստիկանները:

Դեպքը տեղի է ունեցել Վանաձորի կենտրոնական, մարդաշատ փողոցում, ցերեկային ժամին, և ինչպես է ստացվել, որ բացի այդ «վկաներից», որևէ այլ` ոստիկաններից կախման մեջ չգտնվող անձ, չի տեսել, որ մեր տղան է «հանցագործը»,- ասել է քաղաքացին: