Փաստ ինֆո

Թերթը գրում է, որ երեկ Ավանի բնակիչների` Ամենայն հայոց կաթողիկոսին, ՀՀ ոստիկանապետին և ՀՀ կրթության և գիտության նախարարին ուղղված բաց նամակը` «Մխիթարյան կրթահամալիր»-ում կատարվող անօրինականությունների մասին, ակտիվորեն քննարկվել է համացանցում:

Նամակի հեղինակները կրթահամալիրն անվանել են կասկածելի գիշերօթիկ դպրոց` տերթոդիկյան բարքերով, որտեղ ծեծում, բռնությունների են ենթարկում աշակերտներին, նրանց կասկածելի դեղեր խմեցնում:

Նմակում խոսվում է նաև կրթահամալիրի տնօրեն տեր Սերոբ վարդապետ Չամուրլյանի մասին, ով, ըստ նամակի հեղինակների, նպատակաուղղված գործում է ազգի դեմ` քողարկվելով Մխիթարյան վանականի և բարեպաշտ քրիստոնյայի անվան տակ, բարոյազրկելով և ստրկության ոգի տարածելով երիտասարդների և նրանց ընտանիքների մեջ:

Թերթը գրում է, որ անանուն նամակի հրապարակումից հետո ՀՀ ԿԳ նախարար Արմեն Աշոտյանն իր ֆեյսբուքյան էջում տեղեկություններ է տեղադրել այն մասին, որ ՀՀ ԿԳ նախարարության ներկայացուցիչներն այցելել են կրթահամալիր և իրենց լիազորությունների շրջանակներում պարզել, որ անանուն նամակի տեղեկությունները` երեխաներին տանջելու և բռնությունների մասին, իրականությանը չեն համապատասխանում:

Թերթի թղթակիցը երեկ խոսել է կրթահամալիրի տնօրեն տեր Սերոբ վարդապետ Չամուրլյանի հետ, ում կարծիքով պարզապես իրեն վարկաբեկում են: Նրա համոզմամբ` սա, դժբախտաբար, անձի` իր դեմ ուղղված քայլ է, որի պատճառն ինքը չգիտի: